من كمل الستين لا يطلب الزود !!
 

هذا القليب اللي وردناه ياحمود = وهذاك منزلنا ومنزل عربنــــــــــــــا

وهذا السماد وموقد النار موجود = وهذاك منزل بيتنا يوم يبنى

قدام بيض ايامنــــــــا تنقلب سود=وقبل خبيثات السنين تحربنا

يامسندي ماينفع اللوم ياحمود=على السنين الماضية لو عتبنا

والله يالولا هلة الدمع منقود=لاشكي زمانن طيب وقته عقبنا


وقت تخبره يوم انا وانت ياحمود=ياما ضحكنا به وياما طربنا

يوم الغنم تسرح بها نوف وعنود =مسـتانسينن مع طوارف عربنا

مكيفين بونستن مالهــا حدود= لأيام تالي وقتنـــا ما حســـبنا

ياما وردنا صبح الامطار ياحمود=وياما ملينا من الخباري قربنا

بالقيض مع صكات عمري ومحمود=نشره نجيب الكسب لو ما كســـــــبنا

واليوم ما يسرح لهم ناعم العود =وش عاد لو نرقى الرجوم وتعبنــا

رعيانهم صاروا باكستان وهنود =قلب علينــا وقتنا وانقلبنا

والشيب مايحتاج تثبيت وشهود =ياحمود عقب شبة العمر شبنـا

من كمل الستين لا يطلب الزود=غير السجود وقول يا رب تبنـــا ...


....


الشاعر المرحوم باذن الله عايد الضافي ابو عدوان ...........

الله ... الله ... كلمات ولا اروع منها تذكرنا الطفولة والعزوة والقوة مشكور على النقل

وصح السان الشاعر

صح لسان اخي الرجال العنزي ومبروك عليك الايام المباركه وبقدوم عيد الفطر المبارك عليك وعلى كل المسلمين ---- بس انك خليتنا نحك صوابرنا يا اخي وحنا نبي نتناسا بعض الايام با الصبغه وحك بعض الشيب الي بصوابرنا بس يوم انك فطنتني بقصيدتك حسبت وليا هالدنيا ماعليها حسافه حيل فكرت ---- وحسبت قلت لو الواحد منا صار عمره ثمانين احسب معي عشرين سنه يسمونه مراهق يعني جاهل على قولتنا الجاهل عندنا صغير سن الي عمره ثمانين يكون نايم حوالي عشرين سنه تقريبا وعشرين سنه من فوق الستين اذا حصلت كم يبقى من الحياة الصحيحه احسب 80 - مراهق 20 = 60 - نوم 20 = 40 سنه انا اشهد انها ماتسوى اننا نتقلب على شانها حياك الله اخي الرجال العنزي عسى الله يحسن عاقبتنا ويرحمنا يوم الحساب والله لو ان الله لم يمنحنا النسيان
كان رجلينا ماتنهضنا

.......... ابن القهيدي كل عام وأنت بخير تقبل الله صيامكم وقيامكم وايانا وجميع المسلمين .... صح بدنك وبيض الله وجهك....

حياك الله ياشيخ متعب يابو عبدالله عسى كل عام وأنت بخير وتقبل الله طاعاتكم في رمضان وبلغنا واياكم العيد السعيد .

اسعدني مرورك وروعة كلماتك ألبسك الله ثياب الصحة والعافية.