|
الشاعر والباحث النويبعي العطيفي (من هو) معرفة الرجال مكسب
اقتباس:
السلام عليكم ورحمة الله وبركاته صراحه من خلال متابعتي للموقع شدني الشاعر النويبعي ومن خلال المتابعة البعض يسأل عن اسمه الحقيقي حيث انه بأسم مستعار ووجهة نظري حيث انه باحث وشاعرمعروف وفي موقع ابن اعبار يجب ان يكتب بأسمه الحقيقي , السبب الباحث الحقيقي هو صاحب الاسم الحقيقي . http://www.enazi.org//uploads/images...3e8b4c6a3e.jpg ابوغريب العبدلي باحث في شؤون المنتديات العربية |
الأخ أبو غريب الشاعر النويبعي أسمه صالح وهو من النوابعة من العطيفات الذين ساكنوا ابناء عمهم قبيلة الصقور وهم من العطيفات من ضنا ذري من ولد علي من عنزة وهو شاعر مجيد ومتحمس لقبيلته عنزة ولكنه لا يحب الأضواء وكان بيني وبينه عدة قصائد مساجلات سبق نشرها في هذا الموقع ويسرني أعادة نسخها لكي تطلع على ما لم تطلع عليه منها :
قال صالح النويبعي هذه الأبيات يسند على الشيخ جدعان بن زبن الهذال : ياشيخ وزن عـنـزه معـروف 000 مافيـه مـيـزان يـقـوالـه لكن ترى الوقـت فيه ظروف 000 ولا كل جاوبك بسوالـه الضايـف مايشبه المضيوف000 والحـال ما تشبـه الحاله وهلحين الامر مثل ماتشوف000 بعضنـا بلشـان بـعـيـالـه جواب عبدالله بن عبّار رداً على النويبعي : الـشيـخ في لابـتـه مـكـلــوف *** هـم ساس عـّزه وهـم مـالـه مـن حـد خيبـر لـدار الجـوف *** جـمـلـة عـوانـيـه ورجـالـــه لاشك أبي أخبرك بالمكشوف *** لـو قـــال مـا أظـن يصـغـالـه والحـر الـلي مخلبـه مكتـوف *** مـا يـــدرك الـصـيـد عـزّالــه وقال النويبعي : أوفيت ماننكـرالمعـروف 00ومن مثلكم توخذ اقواله رميتها والهدف مكشوف00والخيـل تحـتـاج خـيـالـه وقال عبدالله بن عبّار : يا نـويبعي لـو نكون صفـوف *** نـفـلج اليـا صارت القـالـه يوم المراجل بضرب سيوف *** لـك جـمع مـا حي يـقـوالـه واليوم ينجح بهـا الهـذلـوف *** الـلـي وطـأ العـز بــنـعــالـه من لا تواضع وحب اكتوف *** أدنـى طـلـب مـا تـهـيـالـــه لـو ننفقـر ما نقول ضعـوف *** رب الـمـخـالـيـق نـلـجـالـه وقال النويبعي قال ابن صالح وصاغ حـروف *** هـنيت مـن خاليـن بـالـه ابـكـم اصـم وعـمى ما يشوف *** وبصحصح عايش لحاله يـا هـم قـلـبـي يـلـوفـه لـــوف *** لـو قيـل مستانس ودالـه بالمجـلس يسولـف الملـقـوف *** والعـاقـل محـد يتوحالـه الـوقـت ذا مـا عـليـه حسـوف *** وش عاد لو كبرت الهاله الـنـاس قـامـت تـدق دفــــوف *** صارت مع الخلق طباله مع ابن 000 غدى المعـروف *** يـوم ابـن هـذال وصالـه والمعذره في قـمرنـا خسوف *** يجـي قـبـل ضوه ظـلالـه وقال عبدالله بن عبار: يـالـوايـلي مـا نـفـع قــول أوف *** مـن شـذ خـلّـه عـلى فـالـه لـو كنت واصل مـع أول طـوف *** تـنـزل وتـعـمـل لـك نـزالـه ويـن الـذي يـنـقـذ الـمـلـهـوف *** مخـطـر مـن الجوع يغتالـه ما شفـت الـلي ينزل بقـفـقوف *** وسـط الصنـادق بـعـرزالـه يـصيـح كـنـه لـديـغ حضـوف *** يـنـدب ولا أحـد يـتـعـزوالـه في ما مضى مايعرف الخوف *** واليـوم يجفـل مـن ضلالـه الـلي تـبنعـم مـا حصـل نـوف *** لـو صـح لـه يـبعـد اشوالـه كيف يحصد والسبل مقطوف *** فـوايـده تـبـن ونـخـالـــــــه يتبع |
تابع قال الشاعر صالح النويبعي يسند على عبدالله بن عبار : خـطـو الـولـد عـنـد الملاقـى تـمنـاه *** بوقـتٍ بـه يشين اللغى تحتمي بـه وخطو الولد تقطر من السمن يمناه *** خيره على القاصي ويشمل قريبه وخطو الولـد في كـل الاوقات ماذاه *** من ويـن مـا وجـه يسوي مصيبه وخطو الولـد رايـه يحيـر بـه اعـداه *** تحتـار بـه اهـل النـفـوس اللبيبـه وانت من اللي رايه على الخير يقداه *** تـشهـد لـكـم شيابـهـا والشبـيـبـه رجـمٍ رقـاه الوايـلي مـا أحـد يـرقـاه *** والحـر لـه نـظـرات مـا هي قـريبه ومن لاضميره عن أذا الناس ينهاه *** يجني فشـل اخـر حـيـاتـه وخيـبـه وكلب الرمي يحتار ما يقـدي خطـاه *** نـوبٍ يسنـد نـوب يـحـدر شعيبـه جواب عبدالله بن عبّار : احسنت في مـا قـلت يا عـالي الجـاه *** شروى جـنابـك كلمته نقتـدي بـه المجـتهـد بـعـض البشـر ليـه تـشنـاه *** دامـه يكافـح والـمـزوّر طـلـيـبـه الـلـي تـعـبّـث فـي نسـبـنـا نـهـيـنــاه *** جــد يـمـجـد بـه وجـدٍ يـعـيـبـــــه جـد الأعـارة يا عـرب كيـف نـرضاه *** مـا دام حـنـا مـن قبـيـلـه صليـبـه ومـن عاضد المخطي تحمّل خطاياه *** الظلم وأعمـال النكد وش يـبي به حسيبـه الـلـه والـي العـرش مـولاه *** الـلي حـكـى بـالـزور ربـه حسيبه والـلي عـلـومـه بـالـديـاويـن مزراه *** ظالـم ولا ينفض عـن الظلم جيبـه وبعـض العرب ما همته كود مخباه *** عـنـد اللـوازم يـنـزوي بالـزريبـه قال الشاعر صالح النويبعي العطيفي هذه الأبيات في الحكمة : قريت بكتاب الحياه و تمعـنـــــــــت 000 و لقيت بكتاب الحياه الهوايــــــل ودينت لي ناسٍ ومنهم تدينـــــــــت000 وأرحلت ومن الناس جتني رحايل ليامت ما ينفعك الاعملك أنـــــــــت 000 واذا منه غريت ما من صمايـــــل وش تنفع الوقفه ليامنك ادفنـــــــت000 في ساعةٍ ما انته عن الناس سايـل ولا يغرك باالعرب قول لاهنــــــــت 000 في و قتنا خربت عيال الحمايــــل وقتٍ تساوى به ولدنا مع البنــــت000ولى زمان المرجله و الجـــــمايــل يخزنك اللي مخلصٍ له وماخنــــت 000ونقدك يجي من رديين الفعايــــــل بعض العرب حتى ولوكان له عنت000 حفاظة المعروف صاروا قلايـــــــل يا قلب ما لومك لو انك تجننـــــــت *** محدٍ يقول لتايه الراي عايــــــــل وعزيلك ان كانك بديًنك توهنـــــت000 الاصل ما ينفعك و الحظ مايـــــــــل حتى على بيت اقرب الناس مامنت000 بك تختفي الطيبه من الخصايـــل تطيب و العالم يقولون لك شنـــت000 ويجنبونك وانت عينك تخايــــــــل لكن اليامنك صليت وتسننــــــت 000 قل يالله اقطع خبيثين العــمايــــــل قال عبدالله بن عبّارهذه الأبيات مجاره لأبيات النويبعي : مشكور ياللي بالقوافي تفننـــــــــــت *** أقبـل جـوابـي بالبيــوت القـلايـل يا نويبعي يا نسل الأجواد احسنــــت *** قلت الصراحة ياعريب السلايل الهيل يفرق يالسنافي عن الكنــــــت *** والناس يضهـر فـرقهـا بالنفـايـل من شان لك يانويبعي وأنت له زنت *** لك الجميـل وهـوعـليـه الرزايـل مـار الـردي عليـك يجسر اليـا لنـت *** أبعد عن أهـل اللسلسة والدغـايـل وأنا مع أهـل البلبلة مـا تهـاونـــــت *** ولا همني تلفيق بعض السفايـل قدامهم سور جداره من اسمنــــــت *** أصدح بقول الحق والراس طايـل أهل الحسد ما يـوم معهـم تعـاونــت *** والشـكـر لـلـي خصهـم بالفشايـل من فضل رب العرش ما يوم هادنت *** لمـن زوّر التاريخ وأنساب وايـل قلته وأنا براس الطويله تبينــــــــت *** حتى المزوّر شاف نجم القـوايـل غنيت بلحون الفرح ثم هيجنـــــــت *** والحاسد أوقد في ضميره فتـايــل اللي يصون الــود يالقرم لـه صنت *** ومن عـال كافحتـه بشتى الوسايل وقال النويبعي هذهالابيات لاهنت يامن تكسب الطيب لاهنت000 نعرفك فارس قوم صايل وجايل وجهت نظر لك يا ابو مشعل وبينت000 وانا يضايقني اذا الحمل مايـل يامن من الفدعان بنت وتبينــــــت 000 انا أشهد انك من صناديد وايـل رجلٍ لحسنات التماثيل دونـــــــــت 000 عناز تشهد لك و كل القبايــل ومع من تعرض لعنزه ماتهــاونت 000 و اثبت ما قلته بحسن الدلايل والطيبه من الفعل مبطي لها نلــت 000 و اهلك قبلك محتمين الدبايــل لكن عن هالوقت بعطي لك ابرنت 000 محدٍ يبي ياصاح حكي الصمايل ان كان مامع الحرامي تضامنــت 000 وتشاوره وتقول وش انت قايل وبمجلسه دايم على النمه ادمنـت 000 و تقول ما لمجلسك هذا مثايل ولصورته مع عامة الناس حسنت000 وتقول حامي معبسات الشمايل وان ارسلك في حاجةٍ ماتماهنـت 000 و هو اعمى يقرا بنظام رايـــل لكن يا ابو مشعل قل بربي امنت 000 و جنب طريق مشببين الفتايـــل قال عبدالله بن دهيمش بن عبّار هذه القصيدة موجهة للشخص الذي يظلم ويبث الدعايات الكاذبه المغرضة أسأل الله أن يخذل كل ظالم : يا الـلـه يـارب العبـاد أكـفـني شـر *** شـر الحقـود الـلي بلاني بشّـره يارب يـا مخـرج مـن المشة الـّدر *** أنـك تجـازي مـن يـدور المضّره جعل كفـر خطو التريله اليـا صـر *** يـدهـك عـظامه مـا تجمّع اكسّره يصبح طعـام لجايع الـدود والـذر *** فـتيت جسمه مثـل رمـل الصفّـره نفـرح بمصرع كـل ظالـم الياخـر *** مصيـر مـن حـاك المكـايـد تحـرّه الظـالـم الـلـي بالـديـاويـن يـفـتّـر *** واليـا وجـد عـامي بصيـره يفـرّه يخـدع ردي الشان بالفـر والـكـر *** يـقـدح ومن يسمع كـلامه يغّـره الطايش الـلي بالخطأ للسبب جـر *** والـرمـل بـعيـون الـمغـفّـل يـذرّه ينقـل نـمايـم بالمجـالس اليـا مـر *** ويغـتابـني فـي كـل مجلس يمـرّه عنده خداع ولـه مـلاويـذ وازبـر *** ومن قـام مقـفي بالعـلابـي يـتّـره لو كان قرقر بالمجالس ولـو قـر *** مـا يـعـادل المـذمـوم مثـقـال ذرّه الهرج اللي مالـه براهين ماضـر *** والكـذب يملـه صاحبـه مـا يسرّه شيطان نفسه بالغـوى زرهـا زر *** يجـمخ وصـوتـه بالتشّدق يـجـرّه كنّه ملك عـلى المحيطات والـبـر *** يمـدح جنابـه والـردى هـو مقـّره خلا شمل ربعه حزوبات وأخبـر *** ونـار التشاحن بـيـن ربـعـه يـوره ياعل ما فعله مثل حضرة اعـمـر *** عـــز الأقـراب وقـالـوا الـلـه درّه المرجلـه ما هي تماثيل وأصـور *** ولاهـي ملامح زيـن منظر وغـرّه الطيب من دونه عراقيل واحفـر *** واتـلاع فـي دربـه وضلعـان حّـره الطيب تقليط الموايد على اسفـر *** مـا نـالـه الـلي دوم كيسـه يصـّره والتبع يبقى تبع لو مصقره حـر *** والهلب ما حـاز السبق لـو تـبـرّه وقال الشاعر صالح النويبعي العطيفي هذه القصيدة مجارات لقصيدة زميله عبدالله بن دهيمش بن عبار قـريت قـافٍ لابن عـبـار لـي سـرً *** والا العـدو لـو لـه قـرا ما يسرّه أديـب وايـل مـا تـخـضع ولا خـر *** مثل البحـر قل النجس مايضرّه كم ساعةٍ عن ربعه يوقـف الشـر *** راع الـقـشـر يـهـابـه ولايـمـره سباح لامن غاص يظهـر لنـا در *** وليـا وقـف ياصل لنجـم المجـرّه ليا صاغ قـافـه مـا يجيلك مكسًر *** واليا ضرب راس المعادي يحرّه بيته عـلى ساس وقواعد معـمًـر *** انعـرف نسبه و عـارفيـنٍ مـقـرّه يدرّس اهل الشعر حسب المقـرر *** ومـن يستحـق الـبـر بالـبـر بـرّه و يسانـد الـلي في طريقـه تعـثًـر *** اليا جنبوا بعـض المخاليق مـره ومن عانده يسقيه من علقمٍ مـر *** من طاح عن وجه الجهامه يجره لكن بعض الناس بالوقـت يغـتـر *** مسكين لـه ضحك زمانـه وغـره اليـا سمـع فـي مجـلسٍ لجـةٍ فـر *** يخطي ولا سولـف عـليك ايتشرّه ولـيـا مشى بـعبـيـتـه جـرهـا جـر *** نفسه عـلى درب الرزاله تجـرّه مثلوث وكري لا يعانـد بـلـه حـر *** يـريح لنفسه ويكفي الناس شرّه قريـت قـافٍ لابن عـبـار لي سـر *** يـا الـلـه انـك يـا الاهـي تـسـّــره |
عز الله ونعم كل ما قيل نعم فيك يا أديبنا العزيز وبشاعرنا العزيز أبو عوض، وقد تشرفت قبل عدة أيام بمحادثته هاتفياً والسلام عليه وإن شاء الله تعالى بأننا سنزور بعض ونلتقي به فأبو عوض من سكّان مدينة حفر الباطن ومن الرجال الكرام القلائل في هذا الزمان وهو من كرام قوم وصاحب حمية ومنصف كما هو شخصك العزيز أخي أبو غريب ..
وتقبّلوا كل الفخر بكم يا أعز خلق الله أجمعين وصح لسانك يا أديبنا العزيز ولسان الشاعر صالح أبو عوض العطيفي ولكم التحية والتقدير ولأخي العزيز أبو غريب كل الشكر والثناء العطر فهو معروف بمحبته لبني عمومته وبالتعرف عليهم في كل مكان والتقرب من الجميع وفقه الله ورحم من على الطيب رباه .. |
|
بيض الله وجيهكم والله يعطيم العافيه وفقكم الله واسعدكم في الدنياء والاخره والنعم فيكم وفي وايل
|
| الساعة الآن 02:25 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd
