موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

السلام عليكم ورحمة الله وبركاته ،،،

معلوم أنه من السنن في ليلة التكبير ،،، فنقول :
الله أكبر الله أكبر ، لا إله إلا الله والله أكبر ، الله أكبر ولله الحمد ،،

تقبل الله منا ومنكم الصيام والقيام ،، وجعلنا وإياكم و والِدِينا وإخواننا المسلمين في هذه الليلة المباركة من عتقائه من النار،،،

ثم هذه معايدتي لعموم الرجال ،، في منتدى الرجال ،،،،،

أقــــــول :

يا هلال عيد الفطر هليــت بالخيــــر *** العيــد بالإسلام مالــــــه بدايـــــــل

مع كثــرة أعيــاد البشـرعيدنـا غيــر *** ( رأس السنة والحب ) كلـه جهايل

الدِّيـــن سَنّ بليلــة العيــد تكبيــــــــر *** الله أكبر عـــّد وبــــل الهمايــــــــل

الله أكبــر عــد ما غـــرد الطيـــــــر *** واعـداد خلـق الله شعـوب وقبايــــل

وكل(ن) ذكـر من له معـزة وتقديــر *** وأخـذ من الجوال يرســل رسايـــل

وأنا مـع (الكيبـورد) بيـن الأزاريــر *** حروف الهجاء جتني تسوق المثايل

تقول: اكتـب ما تبـي لازم يصيـــــر *** طوعـاً وكرهـاً إنـت للشعـر قايـــل

جاوبتهـا: يا حروف كـزّي تباشيـــر *** فـي منتـدى العبـار لعيــال وايـــــل

واللي يشاركهم ومعهـم علـى السيـر *** أخُـوَّة الإســلام والشــك زايــــــــل

يرعاه أبو مشعـل كما الكوكب منيـر *** درع عنـزة يعيـش راع الجمايـــل

كبح جمـاح مطرّديـــن المعاصيـــــر *** وشافوا من الإعصارنجم القوايــل

مـن ينكر جهـوده مثـل نافـخ الكيـــر *** يحـرق ثيابـه لو ثيابــه سمايــــــل

معـه علــى العليا جمــوع وطوابيـــر *** الكل منهـم لأثقل الحمـل شايـــــل

أجدادهـم يوم المعــارك مشاهيــــــــر *** وخـذوا حميتهــم بقـول وفعايـــل

عايدتكم وأنـــا أســــوق المعاذيـــــــر *** منطوقنـا ما بيــن صايب وعايـل

اللـي كتبتــه يا جماعـــــة تعابيـــــــر *** والقــدر والله ما يبــي لـه دلايـــل

عبدالله بن موسى الخرشاوي
ليلة عيد الفطر 1/10/1432هـ

تقديري للجميــــــــــــــــــــع ،،،