موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الأرض جردا وبالسما بانت غيوم ******* وحنا برجوى اللي عظيم جنابه
رب الملا المعبود حي (ن) وقيوم ****** سبحانه الخلاق منزل سحابه
يروي ضما العطشان في كل ملزوم ***** وتصبح أراضينا من العشب غابه
خايلت لي برق لمع من ورا حزوم ***** وسحابتين (ن) فوق هاك الهضابه
الأوله خضرا ومبطي لها علوم ****** والثانيه سودا عليها النجابه
متى تربع دارنا بكل لملوم******* ويامن يبشر ربعنا والقرابه
الدار قفرا والزمن صار مكتوم ***** والقلب من حر السوافي سطابه
مبطي ورجوانا عليهن كما السوم **** لاشك مانيأس من كل الرجا به
دام الرجا باللي فرض شهر هالصوم ***** الواحد الرزاق منزل كتابه
أكيد تسيل ديارنا ونقلب هدوم ****** ونسأله سقيا والأسامي تشابه