|
المصافحه الأولى ( صيحة حصه )
إن كان حصه من زمان انتختنا ** اليوم بعض رجال حصه يصيحون
ياليت حصه بهالزمن شايفتنا ** وواقت على أحوالنا صارت شلون يابنت عمي هالفيافي جفتنا ** وضاقت علينا كل بقعه بهالكون كل ماإلتجينا لديرة هربتنا ** صرنا بها مقيمين من غير قانون قولي لهم حصه وش مشكلتنا ** صيحي بهم تكفين يمكن يردون عسى البشوت اللي نهار اشملتنا ** ماصدرت عقب المعزه على الهون ولاأرخصت تاريخها وارخصتنا *** لاهم ربع موسى ولاهم لفرعون والخوف ياحصه وان كان متنا *** والورث حمله كايد ولايشيلون وعسى الليالي كانها مانستنا *** تلحق على الباقي بنا يمكن اتهون نعيش في صوره قديمه وجتنا ** من دفتر التاريخ لكن بلالون |
جزل بكل ماتعنيه الكلمه
|
جزله من رآس جزل يا إبن جروان فصح لسانك وبنانك ونسأل الله السلامة والعافية والستر في الدينا والآخرة ..
|
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اشتهر العرب بالنخوة وكأنها بالفطرة وكان لهم الفخر لحمل هذه الصفة ولكن اجد في هذا الامر الآن الانقراض تدريجيا للاسف ربما لقلت الرجال ... الرجال ولكل ما تعني هذه الكلمة وكيف لأ والكثير يتنكرون لاصولهم بأبسط الاشياء ومن بينها الزي الاصيل لشعوبنا.. ولبعض العادات من عبق الماضي الجميل كيف لأ والكثير حين يذهب والده لمثواه الأخير ينسى او يتناسى حتى صلة الرحم واقرب الاصدقاء لذويه.. انا لله وانا اليه راجعون حسبي الله ونعم والوكيل وفقنا واياكم الله للخير |
الأخ طالب هذه الأبيات ننشرها لملائمتها للموضوع علماً انني قد صنفتها ضمن الملف الذي كتبت عليه لغير النشر وهي من قصائدي التي لم أنشرها :
أنصحـك يا المجهـول كانك تطيعـي *** عـرق الغـصون الدانيـة لا تقصـه ومن لا يطيع الشور يمكن يضيـعي *** عن الخطأ حرص ضميرك اوصه خـلـك صبـور وخـل بالـك وسيـعـي *** وأحشـم رفـيقـك للقصا لا تـرصه الـنـاس تـشـري بالـكـلام وتـبـيعـي *** كـلـن يـقـول وعـلـتـك مـا تخصـه وأحذر من اللي بالمجالس يـذيـعي *** يـلمـز بـغـيـره والـبـلاوي بعـصـه حذراك عن خطو الخبر لا يشيـعـي *** يلزق كما تلزق على الحيط جصه لا تعتـرض ما بيـن سـني وشيـعـي *** باب السوالف يا فتى الجود لصـه لا يستـفـيـد الـلي ضميـره وجيعـي *** حلـق الصديق بـناعـم الحبل تصه الوضع يا المجهول ما هو طبيعـي *** ولا يعـرف الليمـون من لا يمصـه شف الثعل يا القرم أصبح شجيعي *** والـذيـب طـلـيـان النعيـمي تهصـه الحـر يلـبـد مـن رفـيـف الـرقـيـعي *** هـذا الـوكـاد الـلي بعــينـك تبصـه نسل الحمايـل صـار مثـل المنيعـي *** يـزمـر عـليه اللاش فـوق المنصه ويـن الـذي يـهـابـهـم كـل صـيـعـي *** ستر الهنوف اللي زهاهـا خوصه دنياك من هولـه يشيب الرضيـعـي *** وكلن جرالـه يا أبن الأجواد قصـه دور المهادي ويـن هـو والسبيعي *** اليوم عصر الطيب ضاعت افرصه ربعـك غـدو مثـل خـطاة القـطيعـي *** مرتع بروض ويفرس الذيب نصه طوحّ بعالي الصوت وين الدريـعي *** الظيم حـل وصاحـت اليـوم حصـه |
اقتباس:
|
اقتباس:
|
اقتباس:
|
اقتباس:
|
ياطالب الجروان يوم التفتنا == مار الجماعة كل ابوهم يشيلون
على ديارا بالحيا طمعتنا == بها العنب والتين واشجار زيتون راحت جموع ربوعنا وتركتنا == منها قضى ملعب من الهم مغبون على قليبا حلو ماها سقتنا = الطرش يشرب والمواريد يسقون بايماننا بيض البواتر حمتنا = من دونها سبع القبايل يجضون راح الزمان وبدلت سالفتنا = صرنا مع الايام من دون في دون جينا كبار القوم بس اخذلتنا = هاك البشوت اللي تزاحم على الهون لو ان حصه عايشه سامحتنا = مايرفد الاجواد عسرا ومديون ...................... على عجالة والمعذرة من القصور .......... صح لسانك يالشاعر |
| الساعة الآن 12:47 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd