|
لـيـت الـبـحر..
السلام عليكم ورحمة الله وبركاته هذه القصيده جزء من قصيدة الشاعر عويد حريران العنزي .. وانشالله تكملتها عن قريب . القصيده يناجي فيها البحر فيقول ...... ليت البحر يبدي علي علومه وادري وش اللي يزعله كل ماهاج اشوف يومن ضايقنه همومه بدى يدب الشاط في زرق الامواج بس البحر كنز المدارك وعومه مدري لولي غرق السفن يحتاج يصير مثلي يوم يبدي لزومه ياضايقه حراج يأتيه فراج وسلامتكم.. |
صح لسان الشاعر
وشكرا لكى اخى القدير على احضارها |
يستاهل الشاعر عويد حريران العنزي وصح بدنك .... ولاهنت .. اسعدني مرورك الكريم
لك مني خالص التحيه والتقدير ... |
يعطيك العافية اخوي تركي صح لسان الشاعر عويد لكن فيه خطاء بالقصيدة واختلال بالوزن يمكن ناقلها خطاء الاشطر باللون الاحمر على طرق التغرودة الصدر من كل بيت مثل قول ابن فطيس "ماني بمن ياتي ولا يدرابه" والشطرين الاخرين العجز على المسحوب لكن بعد البيتين الوزن ماشي صح ليت البحر يبدي علي علومه وادري وش اللي يزعله كل ماهاج اشوف يومن ضايقنه همومه بدى يدب الشاط في زرق الامواج وجب التنويه |
جزاكم الله خيرأ
داعيا العلي القدير ان يوفقنا واياكم وان يعيد علينا اجمعين شهر رمضان المبارك بالخير انه سميع مجيب |
اقتباس:
اخي الشاعر سعد مسهوج كل عام وأنت بخير وكيف حالكم ... القصيدة وافية سالمة ليس فيها أي كسر ... ... التغرودة هل هذا شعر ؟؟؟؟ هذا بعد امتزاج اهل فارس في سواحل الخليج الفارسي وانحدار اللغة العربية في اختلاط اهل البحر بالخليج مع الفرس والهنود ظهرت هذه المسميات التي لاتمت للشعر العربي بصلة... أرجوا ان لا يغضبك كلامي اخي العزيز سعد بس حبيت الفت الانتباه ... تحياتي لشخصك النبيل .. مدري لولي غرق السفن يحتاج ملاحظة : كتب الاخ البيت بهذه الطريقة والصحيح : مدري لو اللي غرق السفن يحتاج .... |
اقتباس:
الأخ سعد الوزن سليم ١٠٠% في جميع الأبيات والنقص فقط حرف هاء ربما فاتت على الكاتب الناقل لأن الشعراء بحجم عويد هم من يصنعون الوزن ليت البحر يبدي عليه علومه وادري وش اللي يزعله كل ماهاج اشوف يومن ضايقنه همومه بدى يدب الشاط في زرق الامواج بس البحر كنز المدارك وعومه مدري لولي غرق السفن يحتاج يصير مثلي يوم يبدي لزومه ياضايقه حراج يأتيه فراج |
هلا ابو مشاري الله يعطيك العافية
انا متاكد 1000000% خذ مثاااال ليت البحر يبدي عليّ علومه لي تل بحر - يب دي علي - يع لو مه مس تف علن - مس تف علن - مس تف عل اللي هو بالتالي مستفعلن مستفعلن مستفعل وهو احد طواريق الرجز والكثير من الشعراء للاسف يقعون في هذا الخطاء الشائع نبطيا اخي العزيز :الرجل العنزي: بالنسبة للتغرودة هو مسمى للطرق لا اكثر ولم يدخل على الشعر العربي سوا بحر واحد وفي ذالك شك كبير الا وهو المتدارك ((فاعلن فاعلن فاعلن)) الذي تداركه الاخفش تلميذ الفراهيدي كما ان اغلب طواريق النبطي دون مسميات وكل بيئة لها مسمياتها لكن الاوزان واحدة مثال طرق الدحه هو مشتق من بحر المتدارك بوزن فاعل فاعل فاعل فاعل ويسمى عندنا الرجد .. الخ شكرا لك وكن على ثقه تامه اني لا تحدث من فراغ واتمنى لك كل الخير وكل عام وانت بالف خير |
اقتباس:
ليت البحر يبدي عليه علومه وادري وش اللي يزعله كل ماهاج اشوف يومن ضايقنه همومه بدى يدب الشاط في زرق الامواج بس البحر كنز المدارك وعومه مدري لولي غرق السفن يحتاج يصير مثلي يوم يبدي لزومه ياضايقه حراج يأتيه فراج |
هلا ابو مشاري كلامك صحيح فديت راسك
بس حبيت اوضح للرجال لان الحرف شوف وش يسوي .. 1 : ليت البحر يبدي عليي علومه = مستفعلن مستفعلن مستفعل 2 : اليت البحر يبدي عليه علومه = مستفعلن مستفعلن فاعلاتن 3 : ليت البحر يبدي علي علومها = مستفعلن مستفعلن مستفعلن نقدر نقول لان خطاء بسيط يخليك تقرا الوزن كله من الوهله الاولى بطريقة عروضية اخرى وانا اراهن على اللي كتبته اتمنى منه لما ينقل شي يكون متاكد منه مرات كلمة تغير المضمون كله لذالك اللي يحب الشاعر يحافظ على تاريخه بنقل ثقافته وشعره بتمعن وانا حبيت انه يتاكد فقط وحبيت اوضحها عروضيا وبالرد الاول انا كاتب ( يمكن ناقلها خطاء ) وصباحكم عسل |
| الساعة الآن 05:25 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd