مثلي رياح الشوق ما تنعطى وجْه=و مثلك حنين القلب يمّي موجّه
ويّا الهوى شوفك ترى دوم يحرجْه=و القلب تسمع في حناياه لجّه
و الحرف لا منّي تولّمت بانسجْه=لا بد ياخذ في حلاياك سجّه
يرجع به الخفّاق بعدين يدرجْه=بيت القصيد اللي بلا أيّاة حجّه
الخافق المحروق شوفتْك تثلجْه=و يموت لا جت بين الأحباب عجّه
ما هو بصحّة لين يدّك تعالجْه=و النبض في فرقا مجالسْك صجّه
إن جيت في مجلس طواريك يسرجْه=إسمٍ غديت أحب عزْفه و أوجّه
يم المكان اللي عطورك تمازجْه=و أرجع و أنا حالي من الضيق رجّه
عليك محزون الهوى من تولّجْه=خطْرٍ عليه إن كان ما تستلجّه
يستنشقك و إلْيا زفر ما يخارجْه=و اللي خلق مغليك يا زين نجّه
لولاك يمكن باب الأشواق زالجْه=حسبي على اللي باب الأشواق هجّه
همٍّ لك الله راجي الله يفرجْه=و إلا أنت راضي فيك و إنّي موجّه
يم الحنين اللي يجي ما معه وجْه=مثلي و دم القلب فيك أنت زجّه