|
قصيدة رائعة ومفيدة
هذه قصيده رائعة ومفيدة للشاعر غزاي نومان الحربي لآ ضاق صدرك عالي الصوت جره ،،،،، لو كان قلبك ما يطاوعك مسـرور دنيــاك لـــــو تسوى من الحِزن ذرّه ،،،،، مـــــــا كـان تاليها توابيت وقبـــور وما كـــــــان للــــكافر بعمره مسره ،،،،، وما شفت في ملكه ملايين وقصور العمر يمضي بين حـــــــلوه ومــره ،،،،، والموت حق وقابض الروح مأمور دام الحيــــــــاه الفانيــــة مستقــــره ،،،،، ورزقك يجيك وبين الأجواد مستور لاتنشغل بالــــــوقت برده وحـــــره ،،،،، واحــذر تصير بقسمة الناس مقهور وحـــكم القدر لاجـــاك خيره وشره ،،،،، أشـــكر عظيم الشان والذنب مغفور والمــــــجلس اللي يزعجك لا تمره ،،،،، خــــــــله تراك بشوفته منت مجبور والرِجـــل سقها في صحاصيح بره ،،،،، ومــــد النظر مابين ريضان وزهور لا صــــــار وجه القاع ما فيه جره ،،،،، والمشي حـــــافي والثرى تو ممطور ساعات صمتٍ ما وراها مضــــره ،،،،، تسوى الكلام اللي به اذنوب واشرور أطلق خيالك وأترك النفس حـــــره ،،،،، وخــــل الطبيعه في حياتك لـــها دور وبالليل لا بانت نــــــــجوم المجّره ،،،،، أذكر بديع الخلق بإحساس وشـــــعور واسجد لرب الكُون مـــره ومـــره ،،،،، وأحفظ لسانك وأتـــرك الكذب والزور وفروض ربك خــــــــلها مستمره ،،،،، وطاعتك لا يدخل بها نقص وقــــصور |
محمد فنخور
قصيده طيبه تحتوي على الكثير من النصائح والحكم والعبر صح لسان الشاعر / نومان غزاي الحربي ومشكور على النقل المميز بارك الله فيك تحايا |
والمــــــجلس اللي يزعجك لا تمره ،،،،، خــــــــله تراك بشوفته منت مجبور
صح السان شاعر القصيدة وسلّم الله من نقلها لنا قصيده رائعة وملئه بالحكم ,,, بس تمنيت لو قال (خله تراك بجيته منت مجبور) |
اقتباس:
الاخ محمد حاولت الاقتباس فوجدتها تلامس المشاعر من اول بدايه حتى النهايه صح لسان شاعرها وسلمت اناملك على النقل المميز ننتظر الجديد من مثل هذا القصيد والحكم |
| الساعة الآن 10:15 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd