موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - من الشعر الشعبي الدارمي والزهيري وألأبوذية ......

هيله وثلث تنعام بيكم وله دوم ** من كثر نوحي عليك سردت ألهدوم
*****

ومن ألأبوذيه ::
أجروحي دوم تدي ** وانه داوي
وتهب رياح صرصر ** وانه داوي
ربح كل داو يسمر ** وانه داوي
خسر وهل الهوى يلومون بيه
*****
ما عندي عين تشوف كسرك يعمي ** خلني بحزن وبعيد غارج بهمي
==============================
بالحرثه ضاع الجدم ياهيه ** يابردي
بصيف المكابر علي رديت ** يابردي
ابرد ولا اثمرت بالوكت ** يابردي
ابجرفك يدجله هلي واحباب الي ** يحنون
وشماة بجفوفهم من مد معي ** يحنون
للنار ماظن هلي هامتهم ** يحنون
والحال مدري علت بغيابي ** يابردي

*******
عيوني مشوفه ألج حلي ألشعر ** وأنسلي
انتي ابدلال او غنج وانه احتمس ** ونسلي
خلان جانوا امس لو دلهمت ** ونسلي
واليوم ضاك الخلك راحن ليالي ** السمر
سمرت جرح الكلب مانفع بيه ** السمر
من البيض ما حصلت شمحصل امن ** السمر
يا دموعي ما ظل صبر عوفي الجفن ** وانسلي

*****
ألمشوفه معناها ألمرايه ( ألمرأه )
==============
يا هيله ما بلكلب من المصايب ** وجل
محمود عمر أ لبشر كلمن أ بساعه ** وجل
رمان خدك عذب أ حمد أ بطعمه ** وجل

تكعد أ في أ لنخل وانه أشتكي ** من برد
والوكت يا منيتي يبرد أ بكلبي ** برد
أنشد على خلتي اْ ويا يوم أ حظى **برد
كلهم تره أ شتتوا سيحان ربي ** وجل
=======================
ياماي رمان خدك للمحب ** ورد اله
وغتاض من كل الورد جي ازهرت ** ورأله
غصبن عليه أ بتعد عن الهوى ** وأردله
ياهيه يا صاحبي اوفي النخل ** فيه
الشوك صار أ فرسي اوليل أ كطعت ** فيه
البحر لو صادفك بجف العزم ** فيه
وان جان وكتك تعس يمكن تعس** وردله
====================