ياخوي
 

هذه قصيده من 100 بيت واقتطفت منها هذه الابيات لعلها ترضي ذائقتكم الشعريه والنقد ياهلابه تراي مقل بكتابه الشعر ومااستغني عنكم والبساط احمديhttp://www.bnabar.com/vb/images/smilies/g.gif وياليت احد يتكرم علي وينسقها ربي لايهينه
الله وكبر يوم ننصا المغاتير**ونشرب حليب منوضع بالصميلي
ومن قبلها صفت دلال مباهير **مبهره بالعود مع زود هيلي
تحلا السوالف عقبها معك ياخير**واعطيك وتعطيني كلامن(ن) جزيلي
يا(....)خذ مني محبه وتذكير**فيها تجارب عل عمرك طويلي
هذي تجارب شخص في سنه صغير**رغم الصغر لامايجيب الهزيلي
ماقولها نقص(ن) ولاهو بتحقير**لكن خواطر قلتها يالزميلي
لاتامن الدنيا ترا مابها خير**حتى ولو زانت تراها تزيلي
دنيا تدور ويمنا تطوي السير**ناس(ن)بها تنزل وناس(ن) تشيلي
دنيا تحير صاحب العقل تحير**الكون فاني والاوادم رحيلي
والادمي وان عمر الارض تعمير**مثله مثل ظل(ن) بلحظه يزيلي
والادمي وان اتعب الرجل تشبير**يجيه يوم(ن)فوق راسه نثيلي
شفت المقابر كم بها من مخاطير**والله من ضرس(ن)عليها نزيلي
ومن عاش بالدنيا يشوف التعاسير**ويذوق من مر الزمان المليلي
وترا التمني مايجيب التباشير**اتعب قدمك العز دربه طويلي
واطلبك انا ياخوي لاتامن الغير**الا وفي(ن) حافظ للجميلي
وقت الرخا كل(ن) معك محكم السير**وان جاربك ناس تعض الشليلي
وخلك من اللي هرجهم بالتزاوير**وابعد عن اللي ناقلن للقويلي
الله كتب عمر(ن) واوجد مقادير**والي زرع لزمن يحصد الحصيلي
اما يعز الروح من قبل لاتطير**ولا بيوم الحشر يصبح ذليلي
واشفق على عشره رجال(ن) مناعير**واطرد وراها ولاتدور بديلي
تعيش فرد(ن) عند ناس مغاوير**اخير من قايد تقود الهميلي
***
وسلامتكم
شعرومحاوله سعود الجبوري العنزي(ابوتركي-الرياض)