|
ما أستجد من شعر عبدالله بن عبار 2
ما أستجد من شعر عبدالله بن دهيمش بن عبار العنزي قال عبدالله بن دهيمش بن عبار العنزي هذه القصيدة من قصائد التصدي للحملة المغرضة يسند على الشاعر خلف بن محدى الغبيني : بدعت القـاف بسم الـلي عـليم بما كتـم سـدي *** عظيم الشأن مـولانـا لـدرب الحـق يـهـديـني طلبت الخالق الـرازق الـلي مـن مـدتـه مـدي *** سألـت الـوالي الـعـالي جـزيـل الـمـد يعطيني أعـز بـعـزة الـباري عزيز ولا أنصعـر خـدي *** بديع الكون من فضله عـن المخلوق يغـنيني أقـول لهـمـتي شـدي بـقـو الـعـزم واشـتـدي *** عسى الرحمن سبحانه عـلى الطاعة يقويني نهيت النفس أخاطبها وأقول عن الغوى صدي *** لأني لـو أطـاوعهـا عـلى المحـذور تـرمـيني عرفت الناس ما ترحم أحـاذر والتـزم حـدي *** عن الهزله عـن الرزله منعني طبعي وديني عرفت الشن ما يصمد نضيحه بالثرى ينـدي *** عـرفت الرس ينبوعه نضب ما أظن يرويني عرفت الشعر بـه حكمه غرفت الجم من عدي *** عرفت الهوم بالوادي وساوس من شياطيني عرفت أصمد على الواقع عرفت احلل عقـدي *** عرفت المر والحالي عـرفـت الزين والشيني عـرفت المنطق الأجوف يـمـر السمع ويعـدي *** مـقـال الـقـادح المـادح فهمتـه لـيس خـافيني عـرفـت المعـتجل لازم يسير بـهـون ويـهـدي *** عـرفـت الشامـت الـلائـم نصحـتـه لا يـوازيني عـرفـت الوقت متغيّر عـرفـت الوضع متـردي *** عرفت الـلي تنكـر لي بـهـرج الـسؤ يطـريني عـرفـت أذكـّر الجاحـد عـلى مجهودي وكـدي *** عـرفـت أفـطـّن النـاسي سألـتـه لـيـه نـاسيني عرفت اللي جحد جهدي حسود ومقصده لدي *** الـلي عـن خـدمة اللابـة يـريد يكتـّف يـديـني عـرفـت مثـوّر الفتـنه يجيـب الهـرج ويـودي *** تـوخـه يـا ولـد عـمي لا يـفـرق بـينـه وبـيني عرفت مـفـرّق اللابـه حـقـود وقـلبـه مصـدي *** خبيث النفس ما أحبـه خيـالـه تكـرهـه عـيني عرفت اللي يناصرني غيـور ودوني يفـدي *** عرفت النحس وأبغضته لو أنه من فداعيني عـرفـت منظـّم الحملـة ولكن جالـهـا تصـدي *** أعـد الـواقـع وعـقـلي عـن الـزلات نـاهيـني عرفت القصد والغـاية جليت الشك فـي ردي *** كره من كان يكرهني وفرح من كـان يغـليني عـرفـت أكـافح الحاسد وأنـاطح كـل مـتحـدي *** عـرفـت الحـق والباطـل غيـور ولاني دويـني عرفت أعرض عن الجاهل لأنه ليس هو ندي *** وأقول لمن جحد جهدي شهـود الحق تكفيني عـرفـت أني كذا واثـق لـدرب الحـق متـقـدي *** ذكـرت الـواقع المسنـد ولا طاوعـت مغـويني عرفت وليس مستغرب تصرّف من وقف ضدي *** دلـيـل أن العـمـل نـاجـح يـغـثـه مـن يهـنيـني عرفت اللي يقول الصدق أعـزه وأمنحـه ودي *** أصادق من يصادقـني وأعـادي مـن يعـاديني عـرفـت البحث يـتعـبني بحثـت بليـلي وغـدي *** دريت أهل الفخر راحوا عسى الذكرى تعزيني عـرفـت أعـتـز فـي شعـري لأنـه قيـل في بـدي *** جهرت بصوت منظومي لعـل النـاس توحيني عرفت أسجل الماضي وأفاخـر في ضنـا جـدي *** أنـافح عـن حسب قـومي قديم المجد يغـريني عـرفـت أمجاد ماضيهم عـليهم دوم مـا بـدي *** أمـجـدهـم وأنـا مـنهـم فـخـر عـنـاز يـعـنيـني عـرفـت أوضح الخـافي وأنـا والـلـه مـا ودي *** ولكـن زوّر الـواقـع وهـرج الـزور يـؤذيـني عرفت أن النسب ثابت كتبت الصح في يدي *** دليل الصدق بالمصدر ذكـرتـه في براهيني عـرفـت أوضح الواقع قـديماتي مع أجـددي *** وأسندت لخلف المحدى نبيل وساسه غبيني |
ومن القصائد التي قيلت بسبب الحملة المغرضة قال عبدالله بن دهيمش العبار يسند على حمود بن ناجم العريفي السبيعي : يا أبـو طلال أهـل الحسد ما تفـاهـم *** لا جيت تـقـل أنـي جـريـم لحديهـم مـا أبـغـي مجالسهـم ولا منـتـداهـم *** مـا أريـد اقابلهـم ولا أريـد اجـيهـم يا حمود قامـوا ضدنـا مـن عـناهـم *** فشلـت مساعـيهـم وكـلّـت أيـديهـم وش قصدهم يا مسندي وش بلاهم *** وش حدهـم وشـو خطايـه عـليهـم كان أنهـم ضـدي تـواصل خطـاهـم *** أعـرضت مابي بـالـكـلام أطـبـيـهـم الـلي ظـلموني عـنـد ربـي جزاهـم *** مـا أريـد بالقـول الصريح أهجـيهـم الـلي يـبـيعـون الـبخـت بـالـدراهـم **** خـابـوا وكـل المجـتـمـع يـزدريـهـم يغضون بعيون الخجل عن أعداهم *** وعـلى القـرابـه كـل منهـم تـهيـهـم خاب وخسر وقت اللزّم من نصاهم *** وقـريـبـهـم مـن شـرهـم يـتـقـيـهـم ويـن الـرجـال الـلـي كـرام لـحـاهـم *** الـلـي سجـّل كـتـابـنـا مـا نـسيـهـم وقال حمود بن عنيزان بن ناجم هذه الأبيات رداً على عبدالله بن عبار : قـالـوا تساهـم قـلـت مـاني مساهـم *** مـن طبعنـا أهـل البلبله مـا نبـيهـم ما جي مجالسهم ولا أمشي معاهـم *** واليا اتبعوني بالخطى ما احتريهم والـلـه لـو أنـه لـلـقـبـيـلـه ولاهــــم *** مـا يشمتـونك وأنت مـنهـم وفيهـم أجهدت نفسك وأنـت تـرفـع لـواهـم *** مـا جـيـت تطـلبهـم ولا تـرتجيـهـم سـجـلـت تـاريـخ يـعـلـّم ضـنـاهــــم *** تـفـخـر بـه الأحفـاد والـلي يـليهـم والـلي يسبـونـك عـساهـم عسـاهـم *** عسى الـولـي بنفـوسهم يـبتـليهـم ولا أنـت نـجـم معـتـلي فـي سماهـم *** مـهـمـا تعـلـوا فـوقـهـم معـتـليهـم وقال خلف المحدى الغبيني هذه الأبيات رداً على عبدالله بن عبار : اعرف يا أبو مشعل خصومك تراهم *** لعـيـال وايـل موقـفـك مـا خفيهـم لا شـك يـالـمـنعـور ربـك عـطـاهــم *** طبع الجحود وكيـف تشره عليهـم لا تكـتـرث بأهـل الحسـد وزمـلاهـم *** مـا يشتهـونـك وأنـت ما تشتهيهم كـل الـحـمـايـل بـيـنـوا لـك غـلاهــم *** حـيـثـك بجـهـدك دايـم محـتسيـهـم وأهـل الـردى يرجع عليهـم رداهـم *** الحـقـد الأسـود بالضماير غشيهـم وهذه الأبيات أرسلها الشيخ داغش بن مرشد الشريفي الرويلي يسند على عبدالله بن دهيمش بن عبار العنزي : يـا الـلـه يـا عـالـم خـفـيـات الأسـرار *** يـا رب يـا رفـّاع سـبـع السـمـاوات أسألـك أنـا بأسماك فـي سـر وجهـار *** والـيـا سجدت الليل ودبر الصلوات عسى أبو مشعل من طويلين الأعمار *** وتكفيه شـر الكيد وأهـل الحيـالات وتجعـل طـريقـه دوم يشرق بالأنوار *** الـلي عـلى التـاريخ سّطـر منـارات جـمـع بـنـي وايـل مـن كـل الأقــطـار *** بمـجـلـدٍ يحـوي من العـز صفحـات سـجـل فـعـايـلهـم وخـطـه بالأسطـار *** جـمع لـنـا تـاريـخ بضبط السجـلات الـنـادر المشهـور مـن ماكـر احـرار *** مـن لابـة الفـدعان ستـر القصيرات فـدعان ضـد الضـد كـان الدخـن ثـار *** وأن أنـتخـوا بالـروم بـهـده وردّات يـا مـا بـهـم فرسـان وشيـوخ وأمـّار *** ورثـن من الجـدان ما هي دعايـات ويـن الهـماج اوين عـذبـات الأنهـار *** ويـن السراب وين عمق المحيطات وصـلاة ربـي عـد مـا هـلـت أمـطـار *** عـلى الـذي للخلق بشرى ونـذارات رد عبدالله بن دهيمش بن عبار رداً على الشيخ داغش بن مرشد الشريفي جاني جـواب مكّـرم الضيف والجـار *** داغـش أبـن مـرشد مباديـه جـزلات يشيـد بجـهـودي ويـثـني بـالأشـعـار *** ولا هي غريبه من سليل الشريفات كـنـعـان جـده لـه تـواريـخ وأذكـــار *** تذكـر فعـولـه يـوم عصر القـوامـات وأبـوه شيخ ولـه مع النـاس مقـدار *** مرشد أخـو دنـيـا عـلـومه بـعـيـدات من روس لابـه طيبهم مـابـه أنـكـار *** كـواكـبـه مـرويـن حـد الـرهـيـفــات كانه كسف نور السماء واعتم غبار *** والخـيـل تـقـبـل بالمنـاعـيـر دكـلات رجـالهـم يـدحـم عـلى صـالي الـنـار *** وأرواحهـم دون الكـرامـه رخيصات أفـعـالـهـم تـذكـر عـلـى مــر الأدوار *** أمـجـاد تـورث والمـفـاخـر قـديمـات وأشكـرك يالمنعـور يا طـيّـب الـكـار *** وأهـديـك يا داغش جزيـل التحـيـات وأهـدي سـلامي ألـف مـره وتـكـرار *** لجـميـع مـن يسكـن بـلاد الـقـريـات والخاتمـة صلـوا عـلى سيـد الأبـرار *** الـلي نـهـى عـن الـغـوا والضلالات وهذه الأبيات قالها الشاعر حسن النومسي عندما سمع بعض الكلام حول موضوع مزايين الأبل يقول : يا صاحـبي كـنـا ونـبـقى حـلاحـيـل *** بالمجـد نـرقى فـوق عـالي جـبلهـا افهـم عـدل لا تـأول الـهـرج تأويـل *** والكلمه العوجاء من المزح شلهـا يـوم أنها بالسيف والرمح والخيـل *** نملـك مـزايـيـن الأبـل مـع فحـلـهـا نغيـر فـوق الخيـل بالصبح والليـل *** ونجيبها غصبٍ على خشوم أهلهـا وش همنا من صاحب القال والقيل *** قـلهـا لمـن وجـه لـك الـقـول قـلهـا قـلـهـا وفـصلـهـا بـكـل التـفـاصيـل *** الـسـالـفـه لازم يـدور بــدلــهـــــــا تضرب بنا الأمثـال ما هـي تماثيـل *** تـعـرف بـني وايـل ويعـرف مثـلهـا جــمـعٍ يـخـلـي لـلـمـعـادي زلازيـل *** والـلـه يزيد أهل الجهل من جهلها وقال عبدالله بن عبار مجاراة لقصيدة حسن النومسي : يا حسن قولك صدق مابه تجاهيـل *** لا تكتـرث بالـلي السـوالـف نقـلهـا الطـيـر يالـمنعـور مـا كـدّر الـنـيـل *** والنـاس تفخـر في محاسن عملهـا المجـد يـدرك بالسيوف المصاقيـل *** والطيب مـا هـو فـي مزايـيـن بلهـا وايـل مـداهـيـل الـبـداة الهـواشيـل *** كـان اختـفى محصول نـاتج سبلهـا وايـل يصـدون العـصـاه المغـالـيـل *** لا نـقضت هـنـف العـذارى قـذلـهـا مضالهـم يـوم المـراجـل مـفـاعيـل *** كـم مـن حـليلـه فجـعـوهـا برجـلهـا واليوم ينعت صاحب المال حلحيـل *** راعي الدثور اللي الخزايـن أكـلهـا تـوازنـت لـمـدوريـن الـمـسـاهـيـل *** كـلـن بـدأ بـأعـراض الأجـواد يلهـا |
قال عبدالله بن دهيمش بن عبار العنزي هذه القصيدة بمناسبة زيارة الشيخ حارث بن سليمان بن ضاري بن ظاهـر المحمود الزوبعي للشيخ نواف بن فواز بن غبين من مشائخ قبيلة الفدعان: يا مرحبـا اعداد الحصى مع رمالـه *** واعداد ما تجـري كواكب نجـومـه حـيـيـت يـا شـيـخ يـشـرّف قـبـالــه *** الزوبعي حـارث فـرحـنا بـقـدومـه يـا مـرحـبـابـه يـوم شـرّف خـوالـه *** الـلي فخـرهم مـا تلاشت رسومـه تـرثـت غبيـن الـلي قـديـمه فـعـالـه *** أحـفـاد شيـخ وحـافـظيـن سلـومـه أهـل العـطيـه والـفـخـر والـشكـالـه *** مضرب مثـل عند القبايل عمـومـه وأنـت الزعيم اللي إلى جاء مجالـه *** كل العـرب تفخـر بطـاري علـومـه وأنـت الـذي تـتعب لكسب الجمالـه *** اليا بـاد حيل الـلي ترخت عـزومـه وأنـت الذي تنجب عـلى حـل قـالــه *** وأن جالـك العـاني تخلّص لـزومه بعـيـد عـن درب الـغـوا والضـلالـه *** عـويـن من حافظ صلاته وصومـه فـعـلـك مـشّـرف كـل مسـلـم درالـه *** برج العـلا تصعـد شوامخ حـزومه دار العـروبـه مـا رضيـت احتـلاله *** تجزع إلى شفت الحقوق مهضومه مـا غـيـروك أهـل الخـزا والنـذالـه *** حيث الوطـن تحمل عظايم همومـه أبـوك مـن مـسـه زمـانـه عـنـالــه *** ومن لاذ به مظيوم ما أحدٍ يهـومـه نـال الـفـخـر والمـجـد والعـز نـالـه *** شيخ وزعيم وبـه شهامه وشومـه وجـدك تـصـدى للمـعـادي لـحـالـه *** ومـن ذاد عن حد الحمى من يلومه ضاري سجل المجـد سجـّل نضالـه *** ركـّز عـلى جمع المعـادي هجومـه ضـاري ضرى للمرجلـه والبسالـه *** وتراجعـت عـنـه الغـزاه مهـزومـه نصره مـن المولى عـزيـز الجلالـه *** بالسيـف والـبـارود ذلـل خصومـه لجـمـن عـبـاريـد المشّـوك عـبـالـه *** شرّه عـلى العايـل اليـا كبـر زومـه راس المعـادي عـن عـلابيـه شالـه *** خلا الحمر بـالخان يصبغ هـدومـه يـا مـا ويـا مـا حـاولـوا باغـتيـالـه *** وعيوبه الشجعان وشخوص قومه لاشـك جـولـه بـالـخـدع والحـيـالـه *** غـدربـه الـلـي سـلـمـه لـلـحكـومـه من ظاهـر المحمود يحمـل رسالـه *** بالـعـز الأقـعـس وثـقـّت ومختـومه مـوروث من شمروخ وأنتم عيالـه *** منشاه مـن عـذفـا مشاريـق دومـه مـن عـزوةٍ رجـالـهــم حـي فـالـــه *** يحجي ويـذري عـن لوافح سمومه شـمـر هـل الـردات يـوم الـصيـالـه *** يـوم العـمر يجلب لمن هـو يسومه عـربـانـهـم بـديـار نـجـد وشـمـالـه *** يرعون قـفـر الـلي تهاشل غيومـه قصيرهـم لـو عـال يـرفـى خـمـالـه *** يـرفـل ويـنعـم فـي حـيـاة النعـومـه دخـيـلـهـم يـدلـه ويـنـسـاح بـالـــه *** وجاراتهم عـن كل عـيب محشومه قـلـتـه ولا ودي أزيـد الـمـقـالـــــه *** بـه اكتـفي والهـرج يعـرف يمومـه |
صح الله لسانك ياشعارنا . |
صـــــــــح لسانـــــــــك مبدع كعــــــــــــــــادتك شاعرنا |
تحية وتقدير
الشاعر الفذ الأستاذ عبد الله العبار سمعت صوتك قبل أن أقرأ كتاباتك
تنتقل من جميل الى أجمل كعادتك ولن أنس روح الوطنية والغيرة الظاهرة التى تعودت سماعها من شخصك الكريم الأستاذ العبار تقبل حبي وتقديري وسجل إعجابي الشديد |
صح لسانك
الله يعطيك العافية يا أبو مشعل مــــــاقــــصــــرت تقبل مروري وصادق ودي .................. |
صح لسانك ...يا أبومشعل
|
صح لسانك
وسلم بنانك مبدع كالعاده |
صح لسانك ياابو مشعل مممممممممماقصرت
|
| الساعة الآن 02:06 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd