موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - روائع الشاعر الكبير سعود عويد الجعفري العنزي

باالبدايه امسي على الجميع باالخير

الشاعر الكبير سعود عويد الجعفري العنزي غني عن التعريف ,شاعر جزل ومن كبار شعار عنزة حبيت انزل ابيات له ردا على زميلة الشاعر خالد الخضري العتيبي , اليكم بعض الابيات وهي ناقصه لكن العذر والسموحه .

إعـداد ماهلـت هماليـل الامطـار وإعداد مااخضر عقب الامطار قاعه
من شاعر ٍ ينقى المعانـي ويختـار نقـوة عقيـد ٍ ضـاري ٍ للقـلاعـه
يستكشف المعنى تقـل كشـف ردار ويختار من جـزل الكـلام بوقاعـه
نعم ٍ بابو مطلق اليا صـار ماصـار من دون حقه مانثنـى باانخضاعـه
صميدع ٍ ماهـو بالاصحـاب بـوار نـادر حـرار وماكـره بالرفاعـه
صيده سمين اليا كسب عقب ماطـار تعجبـك قـوة ضربتـه واندفـاعـه
ياخالد الخضري ترى الوقت مكـار اسرف على كل البشر فـي خداعـه
يرسل على العالـم تحاذيـر وانـذار مافوق الارض وماسكن في قطاعـه
جوره دهم حيفـا وغـزا والانبـار يقـرا الخبـر باالتلفـزة والاذاعـه
مثل العزوم اللـي تهايـف بمحـدار حبل الرسـن مايمنعـه مـن نفاعـه
وكانك تشاوريني وانا ادور الاشـوار الشور ذمه وانـت تتطلـب سماعـه
بـاب المحبـه لاتصكـه بالاسـوار وباب السواعي ريف قلبـك وداعـه
راع المعارف والجماعه والانصـار وارفق بهم لو فـي بعضهـم لواعـه
والجرح حـذرا لاتحكـه بالاضفـار المختفـي تصـدي عليـه الاشاعـه
تدمير بركـان الصداقـه اليـا ثـار سبب على الفكـر السليـم بصداعـه
لو فات وابطى وانتحر وقت وإنـذار يبقى مـع النفـس البريـه نزاعـه
وإن صار في جوك معاصير وغبـار اصبر ترى الصبر الرجل من شجاعه
اليا احتمى دينه وعرضه عن العـار وماله اليا هـم الخصيـم بضياعـه
وباق المراجل من طويلات وقصـار يسعى بها واليا عصى الوقت طاعـه
تمت بذكر المعتلـي والـي الاقـدار ولاخـاب عبـد ٍ قـوة الله دفـاعـه