|
ونقيم له دحه وعرضه وموال *** والنوم فى عين المخاليق طايب
السلام عليكم ورحمة الله وبركاته قصيده مهداه الى صاحب السمو الملكي الامير سلطان بن عبد العزيز ولي العهد ونايب رئس مجلس الوزراء ووزير الدفاع والطيران والمفتش العام يالشعر دامك للهواجيس مرسال=قل للامير اللي عن الدار غايب عساه يرجع للوطن سمح الاقبال=للشعب والداره وكل الحبايب ونايف يزف التهنئه عبر الارسال=يقول ابو خالد من الشر طايب وسلمان رافق مع سموك ولازال=امير نجد وعز كل القرايب ناشي على طيب المكارم والافعال=حضرة سموه مايهايب الصعايب ولالوم صدري لو شكى ضيقة البال=ولالوم عيني لو دموعه سكايب عليك يافرز الوغى واف الاخصال=ياذخر من صكت عليه النوايب عليك ياللي للرجاجيل مدهال=كم معدمن معتوق وانت السبايب عليك ياناثر على شعبك المال=مالك وصيف الا صدوق السحايب ياامير فيك الجيش يفخر ويختال=والشعب لك ينقاد قود الكتايب عساك طيب دوم ياطيب الفال=يذري عليك اللي يسوق الهبايب ياامير وجهك خير وظلالك ظلال=الله يجيبك ياعطيب الضرايب ترجع لنا شامخ وطيب ومتعال=يابن المليك اللي يفك النشايب ارسى لنا دوله على مر الاجيال=في فيها ينعم صغيرن وشايب وتعاقبوا كرسيها روس الابطال=مروين شذرات السيوف العطايب ملكا لهم حازوه ذربين الافعال=بالسيف ماهو بالحجج والطلايب ياما استلمها عادل الحمل يامال=حقيبته مع حافظين الحقايب عبدالله اللي للصعيبات حمال=خادم بيوت الله عريب النسايب بقيادته دسنا على قشر الاحوال=ويم العلا قمنا نحث النجايب مادام ابو متعب لنا ظل وظلال=ماينقص الا نشوف سلطان طايب يشفيه مشف ايوب من عقب الاهوال=يرجع على شعب لشوفه رقايب يجيبه مجيب المطر عقب الامحال=من نفحته تلقى الفيافي خصايب معيد يوسف يم يعقوب بالحال=من عقب ماصدره من الحزن ذايب ونقيم له دحه وعرضه وموال=والنوم في عين المخاليق طايب الشاعر/ فرحان بن مساعد النومسي |
الله الله الله صح لسانك يافرحان النومس على هالابيات الحلوة والحمد لله تحقق بعودة ابو خالد والله يطول بعمر ابو متعب امين .....
|
الرجال العنزى صح الله بدنك وبيض الله وجهك اشكرك جزيل الشكر
|
السلام عليكم ورحمة الله وبركاته
الأخ العزيز الشيخ فرحان بن مساعد بن نومس ، يعلم الله بسعادة أخيك عند رؤية إسمك يضيء جنبات صرحك الآخر الذي أسس كي يكون مجمعاً للرجال الكرام منهم بقامتك ومثلك وشرواك يا عزيزي، فأهلاً وسهلاً بك هنا وفي كل مكان نتشرف به بلقياك ومعانقة أحرفك الكريمة ، وصح لسانك يا عزيزي على هذه القصيدة الكريمة بولي عهد خادم الحرمين الشريفين أعزه الله صاحب السمو الملكي الأمير سلطان بن عبدالعزيز آل سعود والذي نسأل الله عز وجل له أن يلبسه ثياب الصحة والعافية وأن يمد بعمره ويصلح له البطانه إنه هو السميع المجيب .. وتقبل إعتزازي بشخصك الكريم وأهلاً وسهلاً بك والله يحييك يأ أبو مساعد في محلك وبين عزوتك وربعك |
صح لسانك يالنومسي كفيت ووفيت
ويستاهل ابو خالد وحمدلله على سلامته |
اقتباس:
الاخ القدير والكريم محمد ابن دوهان مدير موقع قبيله السبعه العريقه والكريمه والمعروفه بكل خصال الرجوله والشهامه والنخوه العربيه الاصيله اشكرك جزيل الشكر على هذا الترحيب الغير مستغرب من رجل كريم وقدير ويسعى الى العلوم الغانمه شرواك ويعلم الله اننى حريص كل الحرص على مشاركه الرجال الاوفياء من امثالكم وحضورنا ماهو الاواجب يحتمه علينا التواصل مع رجال نذروا انفسهم لخدمه القبيله والدوله رعاها الله وموقع الاديب الكبير والشاعر القدير والمولف عبدالله بن عبار لهوا مكانه بقلوبنا رجل نذر نفسه لخدمه القبيله ليس من باب المجامله انما من باب المعرفه لبو مشعل قبل مايقارب عشرون سنه اقصد التواصل مع ابو مشعل يحرص كل الحرص على التوثيق والتحرى والصدق فى جميع الاموار ولو كتبنا لنا نوفى هذا الرجل حقه واخير وليس اخر كل شى اشكر اخى البار بوالديه محمد ابن دوهان |
الاخ القدير سعد مسهوج
صح بدنك والله لايهينك والله لايهينك وابو خالد يستاهل سيدى صاحب السمو الامير سلطان ومهما قلنا نل نوفيه حقه تقبل تحاتى |
صح لسانك اخينا العزيز فرحان بن مساعد . عبرت عما يجوش بخواطر لدى الكثير من الامه من مشاعر تجاه ولاة الامر
وحبهم .. رعاك الله وعافاك |
اقتباس:
الاخ القدير متعب اشكر ك جزيل الشكر الاطر الجميل الغير مستغرب من الرجال امثالكم تحياتى وتقديرى لكم والقائمين على هذا الموقع العزيز علينا جميعا |
بقيادته دسنا على قشـر الاحـوال000 ويم العـلا قمنـا نحـث النجايـب صح لسانك يافرحان على هالرائعه ولاهنت |
| الساعة الآن 03:47 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd