موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

دامتك في سوق بيع ومشترى=كل مابالسوق بيعه واشتره
إن ربحت البيع ولاتخسرى=بيع ماتربح إبسوقه تخسره
لزهالك عودنبت وأخضرى=السنه تمحي يباسه وأخضره
كل مابان الشفق لي وأسفرى=طلة الأيام ماهي مسفره
ماأختفى من سدغيب يظهرى=لك صديق كل سدك يظهره
الزمان أغبرعليناوأقشرى=لوصفالك يوم زارك بأقشره
كل مابالوقت شان وغيرى=له بلاعن درب سيره غيره
أنت لوإنك تجنب تحذرى=جاك ماتخشاه واللي تحذره
من صداقات المهازل والزرى=الحذرعن ربعتك ماتقدره
شلت أنا في قدعزمي ماأقدرى=عارف إن العفوعند المقدره
كم سرابي ليل صاحي وأسهرى=من هموم وحزن قاعد وأسهره
قالهامن قال هرج وثرثرى=مجمل الكلمات صارت ثرثره
بعد ماحنا إبظلال في ذرى=والأمورإبكل حال إميسره
هالني واهتلت في شي جرى=بيننا كل الحوال إمعسره
هيه يالعراف قلي وش ترى=بالجواري يوم صارت مصخره
إشتهرمن عاش فيها مادرى=عن أمورقبل هذا إمستره
حرت أنا ماأروح قدام وورى=يوم شفت اللي عليه ماأقشره
كل من عندي شجاع وعنترى=راي مابه راي كله عنتره
كم كذوب قال هرجه وإفترى=كل ماأقبل يوم يفتح دفتره
يحزن اللي عند حده واحترى=تطعنه بالخصرشذرة خنجره
ثوب مايسترلبوسه عن عرى=لبسته للي تلبس مقهره
كيف هذا إبذاك خان وعنصرى=كيف بين أخويْن صارت عنصره
لوعربنا اليوم جيران إقصرى=دم مثل الميْ كبه وانثره
كل خلق عاش حتى الحمرى=ولويطول العمرمابه مذخره
راح ليل وليل من بعده سرى=ماعلى الكاسيت فله وإنشره
سدت الكلمات مجرى الحنجرى=وقف صوت إنداي وسط الحنجره
ماوقف للحق رجل وإنبرى=وزال أموركل أبوهاحرحره
قمت أناوسويت ليه منبرى=من قصيدي صاح يبكي منبره
في مذاقي ذقت حلوه والشرى=في زمان كل مابه غثبره
من يحط إبفم شاعرناغرى=يسكت القصاد عنا يقهره
قلت مايجري على بالي طرى=بالقياس اللي يقاس إبمسطره
كل أبوهاإشيوخ صارت وومرى=يامحب الغبن وقف واحتره
من إيدمربالبلد ماعمرى=لوسكن له قصرعامردمره
أختم الجابات بأبيض وأسمرى=عن طويل القيل والله لأقصره