|
هديه ونصيحه لكل اعضاء موقع العبار / نصيحة النويبعي
|
ابتدينا بأســــــم الله .. رب مايحصى عطاه .. مــالـــنا رب ســـواه .. سبحانه رب عظــــيــــــم خلق ابونا من طين .. وطــورنا حبتــــــين .. صرنا من ماء مهين .. وخلا ابن ادم حشـــيــــــم فرقنا عن الحيوان .. وعطانا عقل ولسان .. وصرنا نحمل اسم انسان .. وننطق بالالف والميم وخلا العقل درجات .. و جعــلــنا طـبـقات .. احــــياء وبعــــد المـمـات .. ياجــهـنـــم يـانـعـيـــم العاقل من عرف الخراج .. مايركب على الامواج .. ويتجنب للعجــاج .. يـمـشـــي دايم بالسليم يابن ادم وش يـزعــلــك .. توقع على مهلك تهلك .. ويهـلكــون اهـلك .. وفوق كل ذي علم عليم لا يغــرك قــــول الناس .. ولايدخل نفسك وسواس .. ترى كل شي له اساس .. ارادة رب حكيم من عمرك عشره غرير .. ماتفكربااللي يصيـــــر .. من حضن امــك للسرير .. غالي مايلحقك الظيم وبعدها يبدا شـــقـــاك .. وتحـاســـب على خطاك .. ويبـــدا زمـانــــك ياطاك .. وعلى وجهـــك تهيم وان الله كتب واستقمت .. ولأمر حياتك فهمــت .. على مامضى نــدمــــــت .. وتقــــول الله كـريــم وتبدأ وقـتــك من جـديد .. لكل حســاباتك تعيــد .. يا تطــــرح والا تــزيـــــد .. وتعمــل لعقلك ترميم وتبد أ تفكر في دنياك .. وبزمانك وش اعطاك .. وتنسى بعــض خــــويـــاك .. وتصبح رجــال حليم ولا وصلت الاربــعين .. لينــك محمل بالــدين .. فقيــر ولاعنـــدك شـــــــين .. يحقق معك سين جيم وبورعــانــك والمدام .. تفكر ماتقـــــدر تنام .. يجيلك بعــض الاحـــــــــلام .. يجي الشيطان الرجيم يقول اقعـــــد لاتــنام .. حقق لبعض الاحلام .. رح لــلاردن والا الشـــــــام .. وخــــلك رجــال فهـيم وثم تفكــر بالي قال .. وتشــاور ناس عقال .. ذا حـــــرام وذا حــــــــــلال .. وتصير لنفسك خصيم يمكن يساعدك الشون .. والجمعيه لك يعطون .. على احـــــوالك يبحثون .. وعقلك وجسمـــك سليم ويبدأ ضغطك مع سكرك .. عن الابره وش أخرك .. اما بعضدك والا الورك .. وتضعف وجسمك سقيم وتبلش بالمستشفيات .. مــــره ود ومــره هــات .. و رجـيـلاتـــك تعبانات .. وظهــــرك مـاهو مستقيم وش يفـيــدك لاونـيت .. والازعلت ومـشــــيـــت .. مصيرك ترجـــع للبيت .. وتجلـــــس عند الحـريــم وتمضي حياتك تعبان .. بين فــلان وبين فــلان .. وترخص وتشوف الحقران .. وتتعب ويلحقك الظيم ذي حياتك يامسكين .. يلي تحسب نفسك شين .. خــلك رجـــــــال فــطــيـــن .. والجــى لـــــرب رحيم صح لسااانك على القصيدة النصيحه التي اجبرتني على تنسيقها لجمااال محتواها. تحيااااتي. |
اقتباس:
|
.............................................
;) الف شكر اخوي التويبعي وبارك الله فيك لك مني أجمل تحية |
تشرفت بمرورك ياابوزياد الف شكر
|
كلمات نقديه اجتماعيه مفيده
لمن لايسحب حساب مستقبله قدر امكانياته من بذل الجهد للكسب في اول شبابه وتبين للذين قضوا اوقات شبابهم دون فائده واخرها يراجع الشئون هم يعطون او مايعطون كلام جميل يحكي الواقع با ابيات مفهومه صح لسانك اخي النويبعي - وشكرا للغريب على التنسيق |
اقتباس:
|
| الساعة الآن 10:15 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd
