موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الغافل اللي ما يبون الأذ يه=لو إن خلق الله بغتنا بوذاها
نصبر وندمح لوتجينا الخطيه=لو ربعنا فينا كثير خطاها
ألآ إن تعدت قدم فاله طميه=روس الخطا تصفق بقاسي حصاها
لازم تشوف عيونها المكرهيه=ولا عاد ننشد عن زعلها ورضاها
غافل موصينا وقضبنا الوصيه=بنفوس من لينه تولد قساها
غافل سليل غبين راع العطيه=البذل من كف الندى لعطاها
له مدة بالجود ماهي رديه=من نفس تعطي جودها من نصاها
الجود ورثه ساسها وايليه=من وايل الأول خذوها أورثاها
غافل لها سوى لها قابليه=عطية غبيني زمانه حكاها
غافل سكن دار حماها بغريه=يوم السنين اللي تصافق هواها
يوم إنها بالكور والشوشليه=والخيل واللي ركبها وأوتلاها
غافل بنى الحايط ولليوم حيه=بالعزم دار الجود قام وبناها
ورث بعد مامات دارعذيه=لعياله اللي شمروا في جباها
حامينها بعزومهم مقدريه=هذا بعد هذا تولى و حماها
جابر ولد غافل إبروح رضيه=بالطيب رابي ما توانا ونساها
جود سلوم أهل الحجا والحميه=أولاد وايل ورث وايل عزاها
الطيب موروث يقدم هديه=جابر إمكمل ما يدور جزاها
محيي التراث اللي من الجاهليه=على النقا داره إمعذي حماها
وريمان أخوه مبهر الشاذليه=لجاه مضرم من دلاله دواها
مرحب هلا بقبالته مرحبيه=عنده تريح بالوطن من عناها
و درع المسمى ما خذاها حذيه=أبوه غافل منه طيبه خذاها
ماله بحقه مثل دفع العنيه=ما حسب المخسار وأعطى وراها
منهم تسلسل كل شيخ قضيه=حاما على الديره وعذى ثراها
لليوم باقي للقدايم بقيه=أحفاد غافل قاضبين عصاها
فيها الجوابرمثل عد رويه=ينسف على الطيه من الجم ماها
لأقبل عليهم ضيف فالنار حيه=يجذب مهاتيش المساري سناها
بالسمن تنضح للمسير إيديه=من سهل الأنفس قدموا في عشاها
قبل العشا جابوا منا سف مليه=من الضان فيها لوغلي مشتراها
جابر ألا يا لله ما تجيه سيه=مفني عيال الضان مكرم إلحاها
لجوه ضيفانه غداله وحيه=هيا العجل بوجوبها من إقراها
أبو محمد شوق جال الثنيه=مكرم بغاديد الدلال إحتماها
حامي سلوم ما وصلت له عريه=الطيب بأعلاها وسق في قراها
أبو محمد حطته مكرميه=كم حايل للضيف جابر رماها
الشاهد اللي ترتجيه البريه=الواحد اللي معتلي في سماها
جياب مزن لأرهشت عقربيه=الواحد المعبود عالم خفاها
صلوا عدد نجم يبين العشيه=و مارددت ورق الحمايم إغناها
على النبي تعداد روحه وجيه=أختم بها القيفان في منتهاها