موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

موقع قبيلة عنزه الرسمي: الموقع الرسمي لقبائل ربيعه عامه و عنزة خاصه (http://www.bnabar.com/vb/index.php)
-   الشعر الشعبي المكتوب (http://www.bnabar.com/vb/forumdisplay.php?f=54)
-   -   يـاويـل وائـل ... (http://www.bnabar.com/vb/showthread.php?t=2808)

فهد المسيكي 01-15-2010 11:53 AM

يـاويـل وائـل ...
 
السلام عليكم ورحمة الله وبركاته ،،،

تحية طيبة للجميع ،،،

مدخل من قصيدة هلاليه :


لــي لابــة ٍ مااقبــل عليها الهـزيعه = من صـلب وائــل ماهي أحلاف جايله
متسلسلــه بالســاس أول جدودهـم = تــاريخــهــم معــروف أوّل دلايـــلـــه


هذه القصيدة قلتها بعد ما رأيت بعض الخائضين الذين يخوضون في قبيلة عنزة وخصوصاً وائل حتى بدأ بعض الأشخاص بوضع تحليلات تارة هنا وتارة هناك التي لا تتعدى كونها أهواء شخصية لاتمت للحقيقة بصله ولو أن الهدف سامي لم أكن لأكتب هذه القصيدة ولكن بعد ماتبين لي شخصيات هؤلاء وزيفهم نظمت هذه القصيدة ، القصيدة ايضا تشمل بعض المتصيدين في الماء العكر من خارج القبيلة .




من غيهبي سقـت قوافـي خـذن شـوط=مـــــن مـدلــهــم ٍ نــابـــي ٍ مـالـقـطـهـا
لومـاح سنـدا مثلعقـه راس شمـحـوط=بعـض المـلا مـا حازهـا لــو شبطـهـا
فـي راس عيطـا كنهـا راس مخـروط=مـا يلـحـق اللهبــوب أسـفـل غوطـهـا
يـسـد فـكـري عــن ثمانـيـن مخـطـوط=امصمصـمـات ٍ داخــل الـبــال تـطـهـا
لـيـا بغـيـت نـقـوط آتــي بـهـا نـقــوط=ولـيـا بـغـيـت القـافـيـه بـــلا انقـطـهـا
ليـا هبهـبـت هبـيـت خليتـهـا شـطـوط=لـيـا استهـلـت بــادي ٍ لـــي مهبـطـهـا
تطارخـت منـي خـبـاري مــع خـبـوط=ورد عليـهـا مــن عـمـدهـا وخبـطـهـا
مثـل العـدود الراهيـه حـوّطـت حــوط=يـفـرح بـهـا الضمـيـان كـانـه قلطـهـا
الــعــد عــــد و وارد الــعــد مـغـبــوط=ليـا مــن دلــوه مــن الركـيـه قرطـهـا
والـرس رس وتالـي الـرس مخـلـوط=مـامــن فـوايــد دام حـثـلــه لـشـطـهـا
مثـل المعانـي بيـن غـادي ومضـبـوط=ياعابـي المعنـى عــن الــدرب مطـهـا
تلقـى المـلا مابيـن صاحـي وخربـوط=حتـى الزمـن هالوقـت غيـر اخططهـا
أذهــب معـالـم ساسـهـا كــل لـخـبـوط=الـلـيٍ لـيـا مـنـه لـفــت لـــه خـرطـهـا
يلحط و ووجهه من الحيا مار مزلوط=خـطـط وجيـهـه والـشـوارب ملـطـهـا
تكـرم عنـه عـده بهاكالشيـن مغطـوط=مايستـحـي مــن كلـمـة ٍ لــه لحـطـهـا
ليـا حـضـر هــلاس لاحــط وملـحـوط=وش عاد صدق السالفـه مـن غلطهـا
بـيـن الـمـلا فـشـار دايـــم ومـبـسـوط=بضاعـتـه وســط المجـالـس بسطـهـا
لـو إن ساسـه بالعـرب يلحـقـه مــوط=يكـلـخ عـلـوم ٍ مــن فـويـهـه بـرطـهـا
حتى غـدت مابيـن شاحـط ومشحـوط=وسـاس البـلا كـل البـلا مـن ضبطـهـا
مـادام وائــل تـالـي الـوقـت مشـطـوط=دنـيـاه شـطـت لـيـن بـانــت اورطـهــا
يا ويـل ويلـه صـار مشيـول محطـوط=والسـالـفـه للـحـيـن مــحــد ٍ ربـطـهــا
شفـت المثـالـم لـفـت الـتـرك والـقـوط=خطـر عـنـزه تلـحـق تـوالـي اقبطـهـا
حتى خطو منسي مع الناس مشعـوط=قــام يتبـجـح لـيـن جـاهــا وشعـطـهـا
تزربطـت حتـى غــدت راس زربــوط=كـــل ٍ عـلـومـه بالـحـقـايـق خـلـطـهـا
ماعـاد يـدرى مـن يبـي ياخـذ الـنـوط=مــادام كــل الـنـاس حــازت انـوطـهـا
لا السانيـه عـادت ولا الحبـل مربـوط=مـحــد ٍ كـدنـهــا دام كــلــن مـحـطـهـا
مـن ماحهـا المـيّـاح يسوطـهـا ســوط=تـلـيـمـت عـقـبــه تــوالــي احـطـطـهـا
البيـت مطـوي والعمـد غــاد مـقـروط=تسفي الـذواري فـوق منهـو صفطهـا

فهد عبدالعزيز العنزي

مشعل العبار 01-15-2010 12:24 PM

الله ابداع بكل ماتعنيه الكلمه

صح لسانك يابن وايل

محمد بن دوهان 01-15-2010 12:48 PM

السلام عليكم ورحمة الله وبركاته

يا هلا بفهد بإعداد ما أشرقت شمسٍ وغابت ..

قصيدة ليست والله عليك بمستغربة ، فأنعم بك وبالعرب أللي إنت منها ..

وكم والله سعدت حين رأيت إسمك هنا في جنبات هذا الموقع العزيز علينا ..

فعشت وسلمت وسلمت يمناك على هذه القصيده ..

فالصدق واضح وهادي للبر وينجي من كرب الدنيا والآخرة ..
والكذب لن يجدي ولن يعلي صاحبه ومهما إنطلت كذبته على بعض البشر فإنه لا محالة مكشوف مردوع ..

فليتق الله من لا يعلم أن القول يؤخذ على صاحبه وبالتالي يعكس تربية أهله له ..
وأن الكلمة هي سفير المرء في كل زمانٍ ومكان ..

فصح لسانك بإعداد ما بقلبك من حمية وغايرية ..

وأسأل الله العلي العظيم لنا ولكم الستر والمعافاه فوق الأرض وتحت الأرض ويوم العرض .

سعد مسهوج 01-15-2010 02:44 PM

صح لسانك يبناخي كفييت ووفييت

شاعر جزل وهذه القصيدة خير برهان


احترامي

متعب الفققي 01-15-2010 04:50 PM

فهد عبد العزيز العنزي
---------------------------------------------
صح لسانك كفيت ووفيت اطال الله بعمرك ومتعك با الصحه والعافيه والتوفيق

رياض بن سالم منزل العنزي 01-16-2010 03:24 PM

صح لسانك


تقبل مروري ..............

عبدالله بن عبار 01-16-2010 05:55 PM

الأخ فهد بن عبدالعزيز حيّاك الله أبشرك أن أولاد وائل بخير أما وائل فهو جد ترك
الدنيا منذ قرون وما سمعت من خوض فهو لا يعدو أن يكون زوبعة في فنجان وتأكد
أن وائل عنزي وهو الحقيقة ومن أدعى أنه غير عنزي فأنه يتحمّل مسئولية لعنة
التاريخ والأجيال وأقول صح لسانك وفي هذه القصيدة الجميلة وقد ذكترني
بقصيدتان على هذا الطاروق ويسرني أن أعيد نشرهما :

قال عبدالله بن دهيمش بن عبار العنزي هذه القصيدة يسند على الرجل الفاضل
هليّل بن فرحان بن خلاف الغضوري العنزي في حفل أقامه بتبوك :
سر يا قلم واكتب عبـارات بخطـوط ** سجّـل صمايـلهـا وجـنـّب غـلطهـا
ابي اسنده للي يحوط الفخـر حـوط ** الغضوري روس المعـالي شبطهـا
القـرم ابـن خـلاف يستاهـل النـوط ** الـلـي يـمـيـنـه بـالمـكـارم بسطـهـا
طيـب أبـو جـزأ لـه مقاديـم وقلوط ** يتبع سلوم اهل الصخى ما شمطها
هـليـّل الـلي سـار بالمرجلـه شـوط ** يـجهـد لنظـم عـقودهـا مـا فـرطهـا
من يمدحه ما قال به هـرج مغلـوط ** ولا هو بحال اللي الحقيقه غمطها
أبـي امدحـه مـا همني كـل زربـوط ** خـطـو الـذي زلت رفـيقـه لـقـطهـا
صفر الـدلال بربعـتـه كنـهـا بطـوط ** الـلي بهـا خـمس الحوايج خلطهـا
وكـم حاشيٍ جـابـه بـدنـّاه مـربـوط ** خـلاه لـلـخـطـار بـالـقـدر يـطـهــــا
والحايل اللي صوفها تقـل ممشوط ** مـن طيب مفـلاهـا تـناقـط حمطهـا
قـلّط شحمها بيـن مندي ومضغـوط ** روس الهـرافي بالصياني قـرطهـا
واليـاعطا يعطي كـرامه ومصفـوط ** ما مقصده مـدح الرجـال ولغـطهـا
دار سكنها من المطرجعها شطـوط ** هـوج الريـاح العـاتـيه ما شفطهـا
يزهر نبات القـاع بالحـزم والسوط ** تريـف ويورق قشعها مع سبطهـا
الطيـب يا هليّـل لـه اركان وشروط ** ودنـيـاك لا تأمـن بوايـق اخططهـا
من جار وقـته مرزقه صار ناقـوط ** مـا دام هـي تعـطيك دنيـاك عـطهـا
دنيـاك هـذي بـيـن قاشط ومقـشوط ** ودولاب بـقـعـا كـم جـيـل قـشطهـا
كـم واحـدٍ خلاه وقتـه عـلى جنـوط ** وأصبح يغـص بلقمتـه مـا زرطهـا
والحر اللي ريشه منتـّف وممروط ** ما اظـن يـعطب صيدته لـو خبطهـا
الحـر لولا الريش مـا صـاد شبـوط ** بـيـض الثنـادي مخلـبه ما معـطهـا
ومن يحتزم بسمال ونكوث وخيوط ** نـكـث المحـازم تـنقطع لـو ربطهـا
وأن كان بشتك واسع الفج مشعوط ** لا تهملـه ارقـع افجوجـه وخـطهـا
الجرب في رقـط المثامل تبي مـوط ** من أجل مايعدي الصحيحه حبطها
ومن عاش بالدنيا مكيّف ومبسوط ** يـقـنع بـرزقـه والبشر مـا غـبطهـا
ما يغني المفلس تضجر ولا قـنوط ** ولا يـنفـع النـفس الشقيـه سخطهـا
والرابح الـلي منهجه دوم مضبوط ** عـن الخطـأ كـل الجـوارح ضبطهـا
لا بـد مـا يحمـل عـلى الـواح بلـّوط ** بالشاش يـدرج والقـوايـم مغـطهـا

هذه القصيده للشاعرمعوض بن معيض الخمشي مجاراه لقصيدة عبدالله بن عبار
بعد ما سمح للشعراءان يردون على هذه القافية الصعبه في امسيه شعرية في تبوك
لاتحظرني قصيدة بن عبار

لوالحروف المبهمـه مالهـا انقـوط ** ناضع على حرف القرايض انقطهـا
الكاش دفعه كـاش والقسـط بقسوط **وخـــير الامـور اليا تعلـت اوسطهـا
كانن قافـك يابــــنعبـار بشــــروط ** يـــدفع ثمـين الجائـزه مـن شرطهـا
ما ينقبل مجلس بـه الحـق ملشـوط ** من ماعترف بحقوق غيـره لشطهـا
من ما أحتمى حقه مع الناس ملهوط ** كم واحـدن تضـرس انيابـه لهــطهـا
والحر يعلا والمطامن لهـا اهبـوط ** واهـل الديـار المـــمحلـه لاتغبطهـا
اقفى الربيع ودارهم محـلوقحـوط ** والارض مـن سبـة اهلهـا قحطهـا
ماتنبت الاشجار لو سيلهـااشطوط ** جفت وحمس عشبهـا مـع حمطهـا
اخذت مع درب الشواعير ليشوط ** وكم شاعرن راس الطويله شعطهـا
والحـر حـر ومـاكـر الحـرشابـوط ** واليا اعتلا روس العوالي شبطها
والطير الابرق موقعه فوق زربوط** اليا ارتفـع قشـر الاغانـي نغطهـا
حتى الطيور الطايره فيهن اسقـوط **تسقط على سقط السقيطه اسقطها
دنياك ما تغبـط على كـل مصخـوط ** تاكـل من لحم البشر من سخطها
كم واحدن يركض بلشغال مشطوط ** شطت عليه من الشطايـط اشططها
مبسوط ابو جزاء وانا منك مبسوط ** يـد الكريـم اليا تواضــــع بسطـهـا
كمن خروف الحية الضيف مربوط ** كـم حايـل ٍ عيتـا سمينـه ربطهـا
كم من قعود ٍ في صيانيه محطـوط ** ومـفـطحـات ٍ بالصيـانـي قـرطـهـا
ما يجحد المعروف رجـال مـزبـوط ** والناس تعرف بالوفاء مـن نمطهـا
بعض الاوادم عنده القيـر مفـروط ** سبـايــكـه وسـط المكينـه فـرطـهـا
اليا نشدتـه عنـده العـلـم مخـلـوط ** بعض الاوادم ريحتـه مثـل ابطهـا
لا لاح لك زوله مثـل زول نعبـوط **كحل اعيونـه باالكحـول ولعطهـا
يكحل سواد العين والدقـن مزلـوط ** لـولاه جاهـل جذلتـه مامشطـهـا
الياجلس كنه علـى قـدرمضغـوط ** والنـار اللـي تلتهـب ماوهطـهـا
يلوخ السانه باالمجالس تقـل سـوط ** يقرط عن شيل الرحايـل احططهـا
بالشوشره ما بين شاحطو مشحـوط **مافيـه قوم ٍ باقيـه ما شحطـهـا
بعض العرب عده على الدار مقروط ** ينسـى لامـن الاصابـع مصطهـا
نفي الكرامه للرجـل فعـل مغلـوط ** راع العباطه فـي عماهـا عبطهـا
شفت الاسد والذيب والنمر مربـوط ** علـى الثلاثـه شايخاتـن اقططهـا

أباوائل الوائلي 01-16-2010 07:25 PM

الله يجزاك خير أخوي فهد على هالقصيدة الرائعة

أبو زياد 01-17-2010 12:52 PM

صح لسانك 000000

رياض بن سالم منزل العنزي 01-17-2010 03:25 PM

بارك الله فيكم


الساعة الآن 08:07 PM.

Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd 

vEhdaa 1.1 by NLP ©2009