سبحان من هو كون الكون سبحان=رب الملا مرسي جبال(ن)هوايل
من بعد ذكره نبدع القاف قيفان=ونصور ابيات المعاني جزايل
كل القبايل فيهم الطيب نيشان=حق وجواب الحق فيني تهايل
بس الغضب لاثار بركان بركان=وقامت على راسي توارد مسايل
لي لابت(ن) فيها من المجد عنوان=اهل الكرم والجود واهل الفعايل
لاصنفت بين القبايل على الشان=قيل عنزه بالحق روس القبايل
اقسم بمن سوا من الطين انسان=ان الجزا مرصود للي تمايل
مجنون اذا ماقلت وازيد باجنان=ان عنزه من فوق كل الحمايل
حكام من حكام وشيوخ واعيان=والحق واضح والدلايل دلايل
من دون لانفعل مزاين وميدان=ادباشنا تتبع بروق المخايل
حنا كسبناها على ذيك الازمان=يومنها في وقت صايل وجايل
ويوم انها تضرب بالامثال شجعان=صغنا الفخر من هول ذيك العمايل
ماهي سوالف حكي وهياط ونقصان=ولاهي على ماقيل حفل وفتايل
من يجهل التاريخ ومن يجهل ابان=عزالله انه في ضميره تحايل
من ينكرك ياشمس لوكان عميان=ومن يجهلك ياسيل لاجيت سايل
ياعيال وايل ياذرا كل عطشان=ياعيال منهم كاسبي(ن) الجمايل
ترا الفخر مرسوم في كل الاوطان=وتاج الفخر والعز لعيال وايل
وختامها من كلمة الحق برهان=مني سلام الود باغلى الرسايل

( قصيدة في مزاين أبل هزاع بن عايش أبا الروس )
قال عبدالله بن دهيمش بن عبّار العنزي هذه القصيدة بمناسبة دخول أبل
الرجل الفاضل هزاع بن عايش أبا الروس الدهمشي مزاين الأبل لهذا العام

أبـدي كـلامي بالدعـاء وقـول آميـن ** أن الولي يحمي بلـدنـا مـن الأنـذال


وأنـه يعـز الدين والـلي حمى الديـن ** حكامنا الشجعان مـن نسل الأبطـال


حـكامـنـا عشنـا بـذراهـم عـزيـزيـن ** أهـل الجمايـل والفضايـل والأنـفـال


الجاش هـاض ودوّن القـاف تدويـن ** أبيات شعري قلتها ضمن مـن قـال


يا أبو فهد نطلب عسى الله لك يعين ** يا من يمينك في مجـال الفخـر طـال


عساك تـنـجـح فـي جـميع المياديـن ** وعسى تـنال الفـوز يـا طيّـب الفـال


عـن شـف بالك ما ثـنوك المشيرين ** من عادتك تصعد عـلى نايف الجال


مكـّنـك ربـك والـي الكـون تـمـكـيـن ** ونفذتّ كـل الـلي طرالك على البـال


أرخصـت مـالـك بالنيـاق المـزايـيـن ** وأنت الذي من عادتك تـبـذل المـال


مـا هـي خسـارة لـو ثمنهـا ملايـيـن ** تـبـارك الـلـه وافـيـه كـلـهـا أجـلال


يـذكـر فحـلهـا قيمتـه حـول عشرين ** شيخ الفحول ولا وجد مثله أجمال

وضح تـلالا شـوفهـا يـطـرب العيـن ** على الرحول مطبعه ما بهـا اجفـال
يزهى عليها بشامخ العنـق حـرفيـن ** الشاهد المطرق عـلى الخـد وهلال

عـليـهـا وسـم أولاد عـلي المسميـن ** عزوة محددت الجمل يـوم الأهوال


البـل عطايـا الـلـه حظايـا الغـلاميـن ** سفن الصحاري تقتنى عبر الأجيال


هي مقصد العـربان مبطي وهلحيـن ** مـن دور عـصـر الجاهليـة ولا زال


الـبـل وصفهـا الـلـه بخير البراهيـن ** مذكـور مـن صفاتها حمـل الأثـقـال


يا مـا أدلجوهـا بالمساري مسيريـن ** بديار يزمي في رباهـا أشهب اللال

باجوا عليها الغرب والهند والصين ** الـلـي فـعـايلهـم عـظيمـات واجـزال

يـوم الحـروب الطاحنـة والأكـاويـن ** تلقى الجنب من دونها خيل ورجال


الـلي أحتموهـا من الغزاه المغيرين ** لباست الجوخ الحمـر وأشقـر الشال


فـتـخـان الأيـدي ملحقيـن المخـليـن ** مثل أخو جحلة والشجاع أبن هـذال


وأسمح لنا يا ريف من جوه عانين ** عن وصف زينات الهياكل والأزوال


المعـذرة مـا أجيـد وصـف البعاريـن ** أجيد وصف أهل المراجل والأفعال


شـرواك يـا ريـف الـبـداه المـقـلـيـن ** حيثك سعيف اللي عليه الدهر مـال


معـروف عنـد الحاضرة والبداويـن ** العـلم بـان وصرت مضرب للأمثـال


مـا فـات يـوم ألا استقبلـت نـاصيـن ** ويـمـنـاك تـنـفـق كـنهـا ديـم هـمـّال


بالطيـب تـذكـر فـي جميع الدياويـن ** ولا كـل صاحـب مـال للطـايـلـه نـال


وغيـر الكرم والجود لك عدة سنين ** تفرى الديار الـلي بها جبال ورمـال


تعـمـل ومخـلص للمعازيـب والديـن ** وأنجزت بجهودك مشاريع وأعمال


والـلـه مـا قـلـت المدايح أبـي شيـن ** وأنت اتعرفني ما اتملّق ولا أحـتـال