|
قصيدة الكيف للشاعر والشيخ زيد المرتعد
الشيخ زيد بن حسن المرتعد شيخ اليمنة من الجعافرة من عنزه
يا شاربين التتن جوزوا ماهو كيف تراه شغل ابليـس ينفاه بالاسـلام كبدك من الدخان تصبح تقل حيـف و ليا غدا عده جريـم مـن العـام الكيـف يلقـى بالـدلال المهاديـف ليا قلطـن فـي فيّـة البيـت قـدام يعبالهـن هيـل و بـن بتزريـف و الزعفـران مـروكٍ بيـد خـدام و اليا ولم فنجال صبه على الضيف و أبد بكبير السن عن لـوم لـوام سقها على اللي بالقا يروي السيف و اثنه على اللي سيح الزاد بيـدام و الثالث اللي بالفهامـة عواريـف لاصار بين الربع قـالات و خصـام و عده على اللي خاملين و هذاليف لو اعجبتك ازوالهم بيـن الأجسـام يادن نجر الماو يجمع هـل الكيـف يستاهلـون البـن تطفيـح بشمـام اللـي يبنّـون الربـاع المشانيـف يقسون في عسرات الليالي والايـام إخلاف ذا ياركبـن فـوق زلغيـف يفوت صلفـات الهبايـب بالـولام ياركبه من عندي نصّه هل الريـف هل الربـاع مدلهـت كـل مسنـام ياحلو صفـت خيلهـم بالمساليـف ابن غبين و عقب جدعان و دهـام يزهن بعينـك ياحقلـن بالمساليـف صفرٍ و حمرٍ لبسهم شغـل الأروام ون جردوا علط المهار المزاغيـف تامن بهم لو جـت تحانـد بالـروام يروون عطشان الغلب بالتحاريـف و الخيل من ضرب المداريع خـرام سلم عليهم و احرف النضو زلغيف و قله ترانـي مجلـدٍ عنـد غنـام محمد كما حرٍ بـروس المشاريـف صـواع لـواعٍ للاسـلاف خمـام نكّس هل المردود و أسند مع السيف تجمعت لـه كـل حمـرا بنـي لام و أقفوا كما مزن تحده عواصيـف أقفوا و خلوا لابس الخصر و زمـام ماهو ردى مار الضياغم حواذيـف نجم هوى لمصملـخ الضلـع هـدام أضحت قبايل عقب كونـه مواليـف و ابن سعودٍ لـه تحيـه و الاكـرام |
شكرا لك اخي ابن المرتعد على هذة القصيدة الرائعة للشيخ زيد المرتعد ,,لاكن اسمحلي ببعض التوضيح البسيط
في البيت الحادي عشر ذكرت (ياركبه من عندي نصّه هل الريـف)والصح هو ( يمد من عندي وينحر هل الريف ) وهناك بيت لم تذكرة من ضمن القصيدة وهو (وحمود حبس الملابيس بالسيف = يعطي الرمك والخلف زينات الارزام ) |
الف شــكرررررر اخوي اليمني على التصحييح
كما تعلم ان كاتب الموضوع صغير بالسن ينقصه الكثير لكن جميل منه ماورده بالموضوع ولكن الاجمل هو التصحيح |
ابن المرتعد صح لسانك ونقلك وابداعك |
:)حيلك اللة يا الزافوت ونورت المنتدى :)
|
http://4upz.almsloob.com/uploads/ima...033b3e0f3d.gif وشكرا على التصحيح ولاكن القصيدة الشاعر زيد المرتعد عن الكيف لها ثلاث طبعات مختلفه من مثل البيت الاول الشطر الثاني تراه شغل ابليس ينفاه الاسلام وطابع الثاني تراه شغل ابليس يبرم بالاسلام وشكرا على التصحيح |
اعلم ذالك ولقد بحثت وتحريت عن القصيدة وسألت كبار السن عنها 00تحياتي لك وننتظر منك المزيد 0
|
واتمنى ان نجمع قصائد زيد المرتعد كامله وابي منك المساعده
|
| الساعة الآن 08:06 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd