|
مطلوب الرد من كل شاعر..
الأبيات: ياربع شوفوا حل وأعطوا إجابة للي عشق من كل قـلبه ولا راق خلي هجرني راح كلن درى به ومرباه في نجد(ن)وأنا له مشتاق أخوكم / نايف العُمري... |
الرد لتحديث الموضوع
|
لاشفت زوله قلت يا مرحبابه
طلتك ياحبي مثل نور الأشراق لك في ضميري شي ماينحكابه عشاق من مبطي وللحين عشاق |
الــقــلب فــاتـح لـــلــتــــنـدام بـــابـه وعـيّا لايعطي فــك قـيـده والإطلاق لوّه عرف قلبي وش اللي دهابه اليا فتش ذكـراه في وسـط الأعـماق |
نصيحة أخويه يا مرحبابك يا حـفيـد الصحـابـه ** يا جامع المعروف مع حسن الأخـلاقعندي نصيحه صغتها لك أجابـه ** ما دام قلبك عن هوى البيض ما لاق اللي نوى الهجران وش ينبغـابه ** خـلـه يـولـي خـايـن الـعـهـد بــــّـواق ما هو تقانه لو ضحك لك بنـابـه ** لا تعـاشر الا الـلي الـيـا قـال صــدّاق |
مـن يـوم روّح قـلت لا واسفابه
البال مع طــاريه يــسـها وينـساق لـيـتـه يراجع مع خــفـوقه حسابه لـيـتـه يراعي بالـهـوى كـل خفاق واعــمــري اللي راح سبّــة عــذابه بـُـعـده يـا ابن عـبار عيّا لا ينـطاق |
تثبيت الموضوع
لولاّ الحزن ما جا الحزين الربابه ........................... ولا ناحت الورقا على صفر الاوراق ولا صارت اشجان المشاعر تشابه ...........................ولا صار بعيون الأمل روح واحداق شفت القلم .حتى. القلم والكتابه .......................تقولك بأن الوجع حسب الاذواق |
القلب يا أهل الطيب زاد التهابه
لاحل طاريها توحد همن ضاق |
رد للمرة الثانية يا نايف كان أصبـح ولـيه نسابـه ** لا باس لو حنيت من ذاق ما لاقوأن كان حبك بس مزح ودعابه ** أقـفـل عـلى كـل المشاعـر بمغـلاق كثير من يشكي من الوجد صابه ** مفعوله أسطى من عباريد الأطلاق مار اقتنع وأجعل بصدرك رحابه ** وأحذر خطات اللي تدوّج بألسواق |
هــي الــقــنـاعــة لــو تـجـيــنـي كسابة لأعــقــد أنــا مـعـهــا رفــاقــة و مـيـثاق يـالـوايـلـي حـبي صـحيـح(ن) و لا به أيـة مـزوح و أي تــلاعــب بــالأشـواق الـعــمــر فـي مــبــداه بــأول شــبـابــه حــتى المـحــبــة حظ وأقسام و أرزاق؟!! أحد(ن) شرب كاس(ن) وفاده شرابه وأحد(ن) شرب كيسان ثم يبست أرياق |
| الساعة الآن 11:24 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd