موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصائد متبادلة بين نايف بن عبدالله العمري وعبدالله بن عبار

قصائد متبادلة بين نايف بن عبدالله العمري وعبدالله بن عبار
قال الشاعر نايف بن عبدالله العمري في مجلس السيف هذه الأبيات يسند على زميله عبدالله بن دهيمش بن عبار :
حياك الـلـه مع ربعـتك يا أبن عـبـار ** بالمجـلس الـلي زيـنـتـه وايـلـيـه
حـيـاك ربـي يا كـبـيـر مـع اكـبـــار ** مـع رايـب الـفـنـجـال بـالشـاذيــه
حيثـك كـريـم ومع كريمين واخيـار ** مـنـا لـبـو مشعـل سـلام وتـحـيـه
والـلـه لـو الـجـو بـه عـج واغـبـار ** يالـوايـلي فـي جـيـتـك لـه مـزيـه
لنا الشرف ننشر فـرحنـا بالأخـبـار ** مـنـك الـزيـاره نـعـتبـرهـا هـديـه
أبوأحمد عسى الله يجيره عن النار ** وأبـو محمد يحميه من كـل سيـه
خـوالـي الـويـلان مـا صـكوا الـدار ** اهل الصياني والصحون الفضيه
أرفـع عـقـالي فـوق وأبـيـح الأسرار ** وأفخـر بهـم ما دامت النفس حـيه
قلته وأنا من عـزوه قـروم وأحرار ** من فهر نسل قريش ماهي خفيه
الجـد أبـن خـطـاب مبـطي لـه أذكـار ** مشهـور بـالإسـلام والـجـاهـلـيــــه
وصلات ربي عـد قطـرات الأمطـار ** عـلى رسـول الـلـه نـفسه زكـيـه

وقال عبدالله بن دهيمش بن عبار هذه الأبيات رداً على الشاعر نايف بن عبدالله العمري ويثني على الشيخ عبدالعزيز بن عبدالمحسن السيف والشيخ خالد بن عبدالمحسن السيف :
مشكور يا نـايـف لـك الشكـر تكـرار ** أشكـر جـنـابـك يـا عـزيـز السمـيـه
عسى الولي ياقاك من شر الأشـرار ** وعـساك تـرفـل بـالحـيـاه الـهـنـيـه
ولا زلـت لـك يا طيّـب الـذكـر شكـار ** عـلى مـديحـك يـا فـتى الجـود لـيـه
وأهديك نظمي من قريض أبن عبار ** وأشكـر رجـال السيـف أهـل الحميه
الـلي التقـوني فـي حشيمـه ومقـدار ** شفـت البشاشه بالـوجيـه الرضيـه
والمجلس اللي سيق به بـن وابهـار ** يـفـوح مـن صـفـر الـدلال الـعـذيـه
وجمر السمر يوقد عن البرد بوجار ** وقـت الـضحى ولا حـلـول الـمسيـه
مجلس نشامى به سواليف وأشعـار ** خـالي من هـروج الخـطأ والـزريـه
وعقب المهيل والسوالف والأسمار ** قـلـّط وسيـعـات الصحـون الـمـلـيـه
عبدالعـزيـز السيف لـه بالكـرم كـار ** وأخـوه خـالـد بـالـشـهـامـه حـلـيــه
والكـل منهـم يكـرم الضيف والجـار ** يـا بـعـدهـم عـن الـعـلـوم الـرديــــه
وعن عد فعل الطيب قدمت الأعـذار ** المعـذره يا أهـل الـكـفـوف الـنـديـه