موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصيدة عبدالله ابن عبار في زيارته للشيخ برجس عرعر الضبيان

هذه القصيده للراوي والشاعر عبدالله بن عبار الفدعاني في حفل اقامه شيخ قبيلة المحلف الشيخ برجس عرعر الضبيان في الحدود الشماليه -عرعر

اللي يجيد القاف واجب يساهم -اعرض مجاله ثم سجلت قايل
حي الرجال اللي بعيد مداهـــم- بديار لابه من شغاميــم وايل
الابه اللي يبتهج من نصاهـــم -افعالهم مبطي عليها دلايـــــل
حي الرجال اللي كرام لحاهـــم- يامرحبا بعداد نبت الخمايـــــل
حي الرجال اللي فرحنا بلقاهــم- جمه تجمع من جميع القبايـــل
حي الرجال ويسعد الله مسـاهم- نعتز في طاري عموم الحمايــل
الشيخ برجس للكرامه دعاهـم -من العاصمه للجوف لحدود وايل
لبوله الدعوه وجوا من قراهم- من ديرة الشملي وبيضا نثايــــــل
فرحوا اهل عرعر ونور سكاهم- والدور يضوي نورها له شعايــــل
وتباشروا بقدومهم من غلاهــم -اهل الشهامه والعلوم الجزايـــل
واهدافهم يدري بها كل فاهـــــم- غير التعارف مالهم من وسايــل
سلايل الاجواد نطلب عساهــــــم- دايم بعز ويدركون النــــفـــايـــل
اللي على العادات ربوا ضناهــم -عبر الزمن ماسلم الاجواد زايل
رب العباد من الفضيله عطاهــم -عاداتهم بالطيب فعل الجمايـــــل
افرادهم وشخوصهم وأومراهم- الكل باعه بالمواجيب طايـــــــل
عز الغريب الليا نزل في حماهــم- ريف الهواشل مكرمين النزايــل
صانوا شرف جيرانهم وقصراهـم -الجار يمدحهم ليا شد شايـــــــل
زبن الدخيل وضيفهـــــم ما شناهم- لهم بجزلات المعاني عمـــايـل
واليوم جميع القبايل تراهـــــــــــام- صاروا قرايب كلهم من فصايل
شعب الجزيرة حقق الله مناهـــــــم- عم الرخا عقب شح المكـــــايل
زال الجهل والله بهديه هداهــــــــم- وزالت كوابيس الضروف الهوايل
واكبر دليل اخلا صهم لزعماهــــم -هل الصخى والجود بيض الفوايل
يعرف تضامنهم ويعرف ولاهـــــــم -ويعرف تفانيهم ليا عال عايــــــــل
تكاتفوا والله رفع مستواهــــــــــــم- بقيادة المقرن اعراب السلايـــــــل
في ضل اللي شعبه يدور رضاهــــم- العاهل المحبوب للحمل شايــــــــل
رب الملآ عن كل عايق وقاهــــــــم- من سؤ كيد اهل الحسد والدغايــل
قول المدايح والاشادة زهـــاهـــــــم- لهم الفخر والمجد وصدق وصمايل
عديت لمحه من مكارم وفاهــــــــــم- وارجوا السموحه بالبيوت القلايل