موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

ابيات ومجاراة

سجلّ الشاعر خليف بن سعود التمامي هذه الأبيات في مقطع صوتي :
اديـبـنـا المعـروف ولا عـدمـنـاه *** أنا اشهد انه سيف وقت المعمه
لا قلت ابن عبار والاسم يزهـاه *** درع القبيله صدق والهـرج ذمه
والذادي يا حي ذكره ه وطرياه *** مـعـرب الـجـديـن خـالـه وعــمـه
شاعر وراوي والحقيقه ذكرناه *** والـكـل وافـي بـالجـزايـل وقـمّـه

قال الشاعر والراوي كريم الذيدي هذه الأبيات مجاراة لأبيات خليف التمامي :
خليـف يسلـم نسـل الـلي لا عـدمنـاه *** الـشـاعـر الـلي فـيـه للـقـاف هـمه
ابن سعود اللي لطيف محيّاه جينـاه *** خليـف حـب الـخيـر يـسـري بـدمـه
عـلى النقاء والطيب حـنـا عـرفنـاه *** والشعـر ياخـذ مـن قـراحـه وجـمّـه
تـمامي وعـلـوم المشاكيـل تـزهـاه *** يـتعـب عـلى جمـع الـرجـال المهمـه
وقال عبدالله بن دهيمش بن عبار هذه الأبيات مجاراة لأبيات الشاعر خليف سعود التمامي والشاعر كريّم الذايدي :
يا حـي قـافٍ بالـوسايـل سمـعـنـاه *** من منطق اللي ما حكا هرج نمّـه
خليف قرم ومن هل القدر والجـاه *** نـال الفخـر مـا تـاجـد الـلي يذمـه
وكـريـم المنعـور مـثـلـه وشـرواه *** شهـم وكـريـم ولا بـعـرقـه مخـمّه
الذايدي معروف أصـلـه ومجـنـاه *** عـلي غـريـب الـدار طيبـه يـعـمّـه