موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - أبيات الشاعر صالح بن مشرف السرحاني والرد عليه

قال الشاعر صالح بن مشرف بن جلال السرحاني هذه القصيدة يثني على عبدالله بن دهيمش العبار العنزي :

مـبـداي بـذكـر الله فـي كـل الأوقـات *** وباسـمـه بـدينـا أول القـاف واتـلاه
واغـلا سـلامٍ ارسل واطيـب تحيـات *** لأعـز رجــلاً بـالـمـواقـف عـرفـنـاه
عـبـدالـلـه العـبـار راعـي المـروات *** الجـود والمعـروف مـن فعـل يمنـاه
مـع الكـرم جـامـع شهـادة وطـولات *** نـعـم بأبـو مشعـل اليـا حـل طـريـاه
الـحـر مسـكـانـه بـراس الطـويـلات *** مـتـعـليـن فـوق الجـبـل دوم تـلـقـاه
انتـم لنـا فـزعـه اليـا صـار فـزعات *** وانـتـم لـنـا عـزوه وحـنـا هـقـيـنـاه
أبـوك مبـطي لـه فعـايـل وسطـوات *** وجـدّك فعـولـه بالمـراجـل سمعـنـاه
لـو امـدحـك بكـل القوافي والأبيات *** المـدح مـا يكـفـيـك لـو كـان جـبـنـاه
يصعـب عـلي أوفيـك حقّك بكلمـات *** مشهـود لـك بالطيـب لـو مـا ذكرنـاه
وخـتـامهـا مـني كـثيـر الصـلّاوات *** عـلـى النـبـي الـلي بالهـدايـه تبعـنـاه

وقال عبدالله بن دهيمش بن عبار هذه القصيدة جواب لقصيدة الشاعر صالح بن مشرف بن جلال السرحاني :

يا صالح الشغمـوم يا سـامي الـذات *** جتـني بيوتك يا ابن الأجواد مهـداه
ارسلـت لـي جـزل البيـوت العـذيات *** تعـيش يالـلي صـافي الشّعـر تـنقـاه
بالـواتسـاب اليـوم جـنـي سـريعـات *** من نظم أبوياسرعسى اللاش يفداه
منسوب مـن خلفـت زبـون الونيـات *** من مشرف الجلال والجوف مربـاه
من عزوة السرحان عـز القصيرات *** أهـل الفخـر والمجد والقدر والجـاه
سرحان من دور العصور القديمـات *** من طي ابن كهلان ساسه ومجنـاه
فـرسان بسروج المهـار الأصيـلات *** وشجعان في عصر البواريد ورماه
يـوم القبايـل بـيـن صولـه وجـولات *** تـاريخهـم معـروف بالكـتـب يـقـراه
والعصر هـذا بحمـد ربـي وسلامات *** الشـر زالـه قـايـد الشـعـب وانـهـاه
نعـيـش في عـصـر الهنـا والملـذات *** اليـوم مـا يـوجـد حناشـل ولا غـزاه