موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال عبدالله بن تركي بن راضي بن مغرا هذه الأبيات يثني على عبدالله بن دهيمش بن عبار :

عـبـدالـلـه الـعـبـار عـلـمـك مشـرّف *** يابن دهيمش مكرم الضيف والجار
ما انته عـن الجـزلات دايـم مطـرّف *** تتعب على الجزلات ياوافي الأشبار
سيرتك تعـرف مـا تـبي لـك معـرّف *** شاعـر وأديـب وبالمـواقيـف بيطـار
اسمك يا أبن عـبـار فـيـه انتشـرّف *** وفعلـك مجمـل عـزوتك يا ابن عبار
كـل البحـور اسبـح بـهـا واتصـرّف *** الا أنــت مــا يـلــقـا لـمـيـنــاك دوار

وقال عبدالله بن دهيمش بن عبار هذه الأبيات جواب للشاعر عبدالله بن تركي بن راضي بن مغرا :

أبــدأ بـتـسـجـيــل الــرسـالــه وازرّف *** أبـيـات شعـر أكـزهـا لـطـيـب الـكـار
عـبـداللـه الـلي اليـا هـرج مـا يحـرّف *** ولا ينتحـل معـنا السوالف والأخـبـار
مـثـل الـجـبـل بـالـقـيـظ ضـلّـه يـورف *** مـن يـزبنـه يسلـم من اللّاهب الحـار
مـن عـزوة يـوم الـصـويـتـي يـعـرّف *** يرذون سـرد الخيـل كان الطـّرد صار
أدنــاهــم لــروس الأعــادي يــقــرّف *** بالسيف الأجرد يوم زوغات الأبصار

قال خالد بن محمد بن خلف اليتيم العرايف هذه الأبيات يسند على عبدالله ابن دهيمش بن عبار :

مبـطي وبالـدنيـا مـن العـالـم رمـوز *** والناس بالدنيا بهـا رمـز مـن رمـز
ابـي انشد الـلي باخنن نشوة الفـوز *** الـلي تخطراها تخطري ما هـو قمـز
أبـن عـبـار الـلي رفع بيـرق عـنـوز *** الشاعـر الـلي يكـره الهمـز واللـّمـز
أبـي انشده وش عـرّف البدو للموز *** وأبي انشده عن رفت العين بالغمـز

قال عبدالله بن دهيمش بن عبار هذه الأبيات جواب للأبيات الشاعر خالد أبن محمد بن خلف :

حـي الجـواب الـلي كـما نظـم فـيـروز *** خالد جمز صعب المعاني بها جمـز
نسل الشجاع الـلي يتـوز العـدو تـوز *** من عـال ضـدّه وأعتـدى يتمزه تمز
ارسل بيوت بقاف صعب وبهـا لغـوز *** كما ذكر ما اعرف أنا اللّمز والهمز
الـمـوز لـبّـه عـوض الـبـدو بـالـكــوز *** والعين عن لفظ الكلام تغمـز غمـز