موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

من الأردن المفرق أم القطين ارسل الشاعر خلف بن راشد الشبيب هذه القصيدة يسند على عبدالله بن دهيمش بن عبار العنزي :

راكـب الـلي يطـوي الصحاري بالأسفار *** جـيـب عـلـى الصـدام يـظـهـر شـعـاره
صنـع الألماني مـا يهـاب مـن الأخـطـار *** مـيـة وراء الـتـسعـيـن يـعـطـي اشـاره
ســواقـه الـلـي على أهـل الـطـيـب دوّار *** مـن ام القطيـن الصبـح سافـر زيـاره
مـا اشكـل عليـه البعـد ودروب الأوعـار *** يـسـري ويـجـري بـالـظـلام ونـهـــاره
ودعـتـه وقـلـبـي عـلـى الـبـعـد صـبّـــار *** وعـيـني تـشـوفـه يـوم فـات الـمـنـاره
أرسـل تـحـيـاتـي عـلـى كـبـار وصـغـار *** تـهـدى عـلـى الـويـلان سـاس الأمـاره
تـلـفـي عـلـى قـرم الـعـيـال ابـن عـبــار *** الـلـي الشـهـامـة حـاشـهـا فـي جـداره
تـحـيـتـي بـالـشـوق مـع زيـن الأشـعـار *** مـن ابـن شبيـب ومـن خزايـن افكـاره
وازكـى السلام مـن العظامـات الأخـيـار *** اهـل الـكـرم لـو وقـتـهـم بـه عـسـاره
يـا ابـن عـبـار بسمعتـك صـرت محتـار *** حيثـك مـن اهـل المـرجـلـه والجسـاره
مـجـلـسـك الـلـي دايـم بـه الـبـن يـنـدار *** مـن دلـةٍ يـنـعـشـك فـوحـت بـهــــــاره
مـع الـمـسـيّـر تـقـضـي الـلـيـل سـهـار *** شـعـرك بـه الحكـمـة ونصـح وطهـاره
يا أبو هايل عساك من طـوال الأعـمـار *** وعـسـى بـلادك دوم تـكـثـر امـطــــاره
وصـلاة ربـي عـدد مـن سـار مـشـوار *** عـلـى شـفـيـع الـخـلـق يـوم الـخـسـاره

قال عبدالله بن دهيمش بن عبار هذه القصيدة جواب لقصيدة الشاعر خلف بن راشد الشبيب :

حـي الـذي يـطـوي المسافـات بالقـار *** الجيـب الـلي يحـمل صريح العبـاره
من دار نسل الـلي من قريش مختـار *** الـلـيـث ابـن هـاشـم حـكـيـم الأداره
دار الحسين الهـاشـمي حـر الأحـرار *** جـده عـظـم عـنـد الـخـلايـق وقـاره
يـوم الـعـرب كـانـوا مـلاحـد وكـفّــار *** جـده عـن الإسـلام جـاب الـبـشـاره
رسـول الأمـة يـوم هـاجـر للأنـصـار *** اسـتـقـبـلـوه ورحّـبــوا فــي حـراره
جانا من ام القطين شرق من الأغـوار *** والنعـم بالـلي من العـرب هي دياره
وصل لنـا مرسول من صاحـب الكـار *** خـلـف الـلـي يـعـز ضيـفـه وجـاره
أبـن شبـيـب الـلي لـه عـلـوم واذكـار *** القـرم قـبـل العـرف جتـني اخبـاره
مـن عـزوة يـثنـون بالموقـف الحـار *** العـظـامـات ابـطـال مـثـل الـسعـاره
عصر المغازي والحرايـب والأشرار *** اهـل الجبـل عـوق الخصيم ودمـاره
والـيـوم حـنــا بـدور سـادات وأمـّار *** عـصـر دخـول الـبـاديـة بالحـضـاره
فيما مضى نركب على سرج واكوار *** فوق اللي تنحى بالرسن مع عـذاره
وفـي عـصرنـا تغيّـرت كـل الأقـطـار *** الـكـل مـنـهـم مـوتــره لــف طــاره
والخـاتـمـة أقـبـل سـلام أبـن عـبّـار *** وكـانـك عـنـه تسأل تسّرك أخـبـاره