موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - مقاطع كتبتها في أحد جولاتي السابقه وبعض رسائلي بالجوال :

مقاطع كتبتها في أحد جولاتي السابقه وبعض رسائلي بالجوال :

قلت :
اليـوم بحـمـد الـلـه وصلنـا لـتيـمـا *** وفـيهـا تـفـرجنـا عـلى بـيـر هـداج
مـن فـوق جيـب بالمماشي هميمـا *** ولا فـيـه قـدامـه حفـايـر وبـطـنـاج
وقلت :
سرنـا من تيماء وواصلنا المسيرة *** لـلـجـهـرا ديـار مـرويـن الـنـمـاش
لـلـعــلا ثــم رجـعـنــا لـلـحــفـيـــره *** منـتـويـن اليـوم نـوصـل للعـشاش
وقلت :
ما بين خوعا وبين عذفا وابا رواث *** واصفـان وعـليم الظماء والرديفه
قمنـا بجوله قصدنا عـلـوم وأبـحـاث *** والحـمـد للمـولى ونـاسـه وكيـفـه
بـرد الـشمـال يـشـابـه الـسـم نـفـاث *** مـار أحترصنا والنصيحه طـريفـه
وقلت :
تـونـا هـلـحـيـن سـرنـا مـن تـبـوك *** منتوين أن يسر اللـه صوب دومـه
ومـن بـعـد يـوميـن لـديـار الملـوك *** للـريـاض ركـابـنـا وجهـت يمومـه
وقلت :
عسى المطـر عـلى القـريـات ينهـل *** يـسقـي شعـيب حصيـده والحـديـثـه
مـن زارهـا لو يأخـذ سنين مـا مـل *** مـن حيـث مـا فيهـا النفوس الخبيثه
وقلت :
أحـمـد الـلـه يـوم عـدنـا للـريــاض *** مـن عـقـب جولات بالـدو العـريض
واحمـد الـلـه صحفـنا تنصع بياض *** ومن طمـن ممشاه ينزل للحضيض
وكتب أحد الأصدقاء :
غـني طرب وسرور يا بـلاد حـايـل *** بالسامري غـني عـلى دقـتّ الطار
بالـدح والـرقصة وسـوي الهوايـل *** يـا دار سلـمى رحـبي بـأبـن عـبـار
وقلت جواب على الصديق :
مشكـور يا مرسـل عـلي الـرسايـل *** لـك عـندنـا حشمه وقيمـه وتعـبـار
لـك عـنـدي الإجـلال والشـك زايـل *** ولـك مني التقديـر يالمخلص البـار
والشاهـد الـلـه لـك عـليـه جمـايـل *** وسعت صدري بالقصايد والأشعـار
مـن ويـن ما وجهـت عـني تسايـل *** مـن يـوم جـينـا لـديـرة الربع زوّار
وقال أحد الأصدقاء :
اطـلـب عسى الدنيا لمثلك تساهيـل *** وعساك ما تشكي من الوقت ضيقه
هـرجـك بميـزان الذهـب له تـثاقيل *** مـثـل الجـواهـر بالصدور أتعـليقـه
وقلت جواب للبيتين :
لـك قـدر عندي مشتهر كنه سهيل *** مـانـي مـبـالـغ مـار هـذي حـقيـقـه
الحمد لـلـه مـا حصل بالزمن ميـل *** والـلـه هـو الـلي معتـني بالخـليـقـه
وقلت هذه الأبيات بأحد الأصدقاء :
حيـاك ربـي سامـك الـعـرش حيـاك *** والقـلـب حـيـا وقـال لـك يا هلابـك
الـلاش يا طلـق الحجـاجيـن يـفـداك *** يا مـن تـشوقـنـا لحضـرة جـنـابـك
أن يسـر الـلـه يا بن الأجواد زرناك *** حـتى أنـتصافح والأيـادي تـشابـك
وقلت هذه الأبيات بأحد الأصدقاء :
صوتي تقطع والسبب تعب وأرهاق *** يـزهـم عـلـيـه كـل خـمسـة دقـايــق
أحيـان عـنـدي تـنتهي كـل الأخـلاق *** أسبـاب بـعـض تصرفـات الخـلايـق
أشتـاق للطيـّب وللـنـذل مـا اشـتـاق *** وأعـوذ بـالـرحـمن مـن كـل عـايـق
الصبر مـر وعلقم الصبر ما أيـذاق *** وأنـا الـذي لـلصـبـر والـمـر ذايـق
وقلت أسند على أحد الأصدقاء :
أي والـلـه أنـي يـعـلـم الـلـه أعــزك *** ولـومـا اعـزك مـا سـألـتـك بـنـوبـه
لا تـحـسـب أنـي بـالـكـلام أستـفـزك *** أن كان أنـا مخطي أقـول ألف توبـه
وقلت اسند على أحد الأصدقاء :
الـرجـل يصبـر لكـن الصبـر لـه حـد *** الجـور يودع صاحي الفكر منحاس
مـا كـل من يضحك بوجهك لك مـود *** النـاس شـتى ولا يغـرونـك الـنـاس
أقـولـهـا يـا نـاس صـادق ومـن جـد *** والناس قالوا مبطي العرق عساس
وقلت أسند على أحد الأصدقاء :
يعلـم الـلـه صـار لـي يوميـن شـاقي *** فـي مـشـاغـل مـالـهـا أول وتـالــي
ما فرغت اكتب على الشاشه براقي *** للعـزيـز الـلي صدقت أن قلت غالي
الـسمـوحـه مـنـك يـا أغـلا رفـاقـي *** ودي أرسـل لــك ولـكـن مـا هـيـالـي
وقلت بأحد الأصدقاء :
الـلـه يـصبـحـكـم بـخـيـر ومـسـّره *** وبهجـة وسعـاده وستـر وسـلامــه
ولـكـم التحـيـة ألـف مـلـيـون مـّره *** يا أهـل المـروة والوفاء والشهامه
الـبـعـد قـاسي والمـقـاطـع مـضـّره *** والهجر من عقب المواصل ندامـه
وقلت بأحد الأصدقاء :
لـك الشكـر مدبـول يا سامي الـذات *** اشكرك عـلى التهنئة يابـن الأجـواد
عـساك تـرفـل بالهـنـاء والمسرات *** وعسى تـدوم أيـامـكـم كـلـهـا أعيـاد
نـور الفجـر يجـلي دياجي وظلمات *** والشوق يجـذب كـل شاعـر وقصـّاد
وقلت بأحد الأصدقاء :
يـا بـعـيـد الـدار بالـمهـجـه قـريـب *** لا يـهــمـك بـيـنـنـا بـعـد الـمسـافـه
الـصـديـق الـوافـي الـفـذ الـلـبـيــب *** لا فـقـدتـه مـا عـلى الدنيـا حسافـه
البشر في هـالـزمـن أمـره غـريـب *** مـا بـقي مـا بينهم عـطـف ولطافـه
وقلت بأحد الأصدقاء :
من خاطـري أكتب تحيـات وأهديـك *** كـلام أصـفى مـن الـقـراح الـزلالـي
اعـز مـن عـزك وأعـادي مـعـاديـك *** لا شـك فـكـري دايـمـاً بـانـشـغـالـي
يا مـرحبابـك مـن ضميـري احيـيـك *** أعـداد مـا فـوق البسيـطـه رمـالـي
عساك مـا تـفـقـد محـبـك وغـالـيـك *** ولا تشتـكي مـن جـايـحـات الليـالي
دعـوة محـب من ضميـره مصافيـك *** قـلبـه مـن الأحـقـاد والكـذب خـالي
وقلت بأحد الأصدقاء :
اشكـر جنـابـك يا عـريـب البـديـده *** وصلـت تهانيكم عسى الـلـه يعافيك
اطـلـب لـعـل أيـام عـمـرك مـديـــده *** عسى الـولي من كيـد الأيام ينجيـك
الـلـه يـاقـاك مـن الأهـوال الشديـده *** أنت الذي لو غبت ما غاب طاريـك
وقلت :
تـزامن وصول الـرسالـه والأمطـار *** وانـزال هـم بالـضـمـايـر تـراكـم
لو البشر يمشي عـلى وزن وعـيار *** ما تاجـد الـلي بالـدوايـر تحـاكـم
هلا وصباح الخير في وقـت الأبكار *** واليـا أمسيتم يسعـد الله مساكـم
الـلـه ياقـاك من المصايـب والأكـدار *** واطلب عسى رب العباد يحماكم
وقلت بأحد الأصدقاء :
الـعـذر مـنـكـم يـا كـرام الأجـاويــــد *** يـا أهـل الحمية والصخى والمهابـه
عـرفـتـكـم وأقـول بـالـنـعـم وأشـيــد *** أنـتـم ذيـابـه مـن سـلايـل ذيـابـــــه