موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال عبدالله بن دهيمش بن عبار هذه القصيدة تهنئة لأبن العم طلال بن محمد بن
مطلق المشوط الحريميس بمناسبة تعيينه وزير مفوّض وفقه الله وأعانه على
خدمة دينه وقادة بلاده ووطنه ويستاهل أبو يزيد :

اشهـد أن يستاهـل المنصب طـلال *** ابن محمد رتبت مفّوض زهت له
عـسى يحـمـاه الـولي عـز الجـلال *** وأحمد الله يوم زانت واستوت لـه
الـف لـه مـبـروك يـا عـلـه يـنـــال *** مركز العليا عسى الدنيا صفت لـه
الـردى فـي مـذهـبـه مـالـه مـجـال *** صـافي الـنيـة رفـيـقـه مـا يختـلـه
أبــو يــزيـد الـوفـي قــرم الـعـيـال *** حـي فـالـه كم غـرس للخير شتلـه
مـنـزلـه مـن فـوق شمّـاخ الجبـال *** لاح في صرح المعـالي وخضعتلـه
حـاز جـزلات الـمـراجـل بـالـفـعـال *** والمفاخر من عريب الجد جت لـه
جـده مطـلـق مـن صناديد الـرجـال *** فرحت اللي نجلها ضيم وشكت له
يـفـلـج العـايـل الـيـا صـار الـجـدال *** والقضايا يفـتهـم نـقـضـه وفـتـلـه
خـلفـة حـريـميس مدبـاس النضال *** حيـن ينخى كـل عـقّـار انتخت لـه
دغـيـشـم وضـمـن وبــراك ابـطـال *** بـراك اللي عزوة العود رجعت له
مـن هـل العشوى اليا صار القتـال *** من نطحهـم بالمعامع حـان قـتـلـه
مـن قـبيـلـة طـيـبـهـم وافـي كـمـال *** كـم جيشٍ عـاقـوا الفـدعـان رتلـه
بالفخـر حـازوا عـلى عـدة خصـال *** وكـل منهـم طـال والطيب التفت له
فعـلـهـم فـي نـجـد وديـار الـشـمـال *** اعجب شخوص القبايل وشهدتله
ربع مصـوّت بالعشا ريـف الهـزال *** يكـرم جيـاع الضيوف اليا لفت لـه