موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال عبدالله بن دهيمش بن عبار هذه الأبيات يطلب الشفاء للرحالة الصديق خالد بن سعود المبدّل ويسند على الشيخ عبدالله العبدالمحسن المبدّل :

قـمـت ابتهـل وأرفـع لـرب الملأ كـفي *** مولاي يبشر بالفرج كـل من خافـه
يـا الـلـه يـا عـالـم بمقصـودي وشـفي *** طالبك خالد من سقام المرض عافه
فيما مضى ما هـو عـن الربـع متخفي *** واليوم يمضي معـظم الوقت بلحافـه
مـا مقصـده عـن لافـح الـبـرد مـدّفي *** لاشـك يشـكي عـلّـة الجـوف والآفـه
مـا كـان يجلس بـعـد مشوار متعـفي *** بـوج الفيـافي هـو أمـانـيـه واهـدافـه
عسى البشاير في نجـاتـه لـنـا تـزفي *** وأطلب عسى رب الملأ يعجل سعافه
واسند على اللي عـادته يوقف بصـفي *** عبدالـلـه الـلي ينقـل الحمـل باكتافه
مهمـا شكرتـه كلمـة الشكـر مـا تكفّي *** جـود الكريـم الكـل فـي نـاظـره شافه
بـه طبـع يدفـع عـن المديـون ويـوفي *** شهم وكريم ويبتهج صدر من ضافه