موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

( نخوة لأعتاق أحمد العواجي )
قال عبدالله بن دهيمش بن عبار هذه القصيدة نخوة لقبيلة عنزة لقصد اعتاق أحمد بن خالد
بن الشيخ ماجد البدر العواجي حيث أنه مطالب بمبلغ 36 مليون ريال سعودي الله يفك قيده :

قـال الـذي بـيّـح مضامين مـكنـونـه *** اصغوا لقوله ياعسى اللاش يفداكم
الـلي نخـا يا عـزوتـي لا تـنـاسونـه *** يا فزعة اللي بوقت الضيق ينصاكم
يا بـنـي وايـل شـيخكـم لا تـخـلـونـه *** مـاجـد أبـن بـدر يالأجـواد ينخـاكـم
أحـمـد أبن خالـد حفيده طلب عونـه *** وأنـتم عـلى الشّدات تعرف حميّاكم
تـدرون والشيخ العواجي تعـرفونـه *** وأنتم عن علوم الردى تكرم لحاكم
الشـيـخ مـاجـد كـل ربـعـه يـعـزونـه *** أبـوه وجـدّه بالـمـلـمـات مـركـاكـم
وأخوه الأمعط عـزوة عبيـد يأتونـه *** ياما وياما من أجلهم راجع الحاكم
نسل أخو ذكر تناخوا واحتموا دونه *** نخص بالنخوة اقصاكم مع أدناكم
تاريخكـم مطلـوب منكـم تصونـونـه *** عن الردى يا ماكر الجود حاشاكم
عـاداتـكـم رفـيـقـم مـا تـخـونـونـــه *** على الفخر والمجد والعـز مرباكم
وقصيركم يـدلـه ولا يـوم تجـفـونـه *** والضيف يمدحكم ولا راح يشناكم
وحليفكم عن لافـح الـبـرد تـذرونـه *** ولا أظن يفقد عـزوته كان خاواكم
بالدور الأول حياض الموت تردونه *** وتثنون من دون القرابـه بشلفاكم
وفي وقتنا الحاضرالمطلوب ياهونه *** العـمـر يعتق من سبب مـد يمناكم
الـمـال دون الجعـفـري لا تغـالـونـه *** جودوا جعل يحفظكم الله ويرعاكم
أن سهـل الـلـه شيخنـا ما يقصّونـه *** ما يعتقونه لـولا الـلـ ه ثـم لـولاكـم
نطلب لعل السيف ما يقـرب متونـه *** وقت اللّزم ما يذخر المال شرواكم
أبـوه يسهـر مـا لجـأ النـوم بعيونـه *** الله يعينه عسى الـلي جـاه ماجاكم
وأمـه تنوح من العنا تقـل مسجونه *** لاشـك تـأمـل واثـقـه من عطاياكم
دايـم فـرج رب المخاليق يـرجـونـه *** الكـل منهـم ينتظـر قـول بشراكـم