موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصيدة خليف بن سعيد العنزي ورد عبدالله بن عبار

قصيدة واردة من الشاعر خليف بن سعيّد العنزي ورد عبدالله بن عبار

قال الشاعر خليف بن سعيّد العنزي ( المحدد ) العطعوط الحسني السلقاوي العنزي هذه القصيدة يثني على عبدالله بن دهيمش بن عبار يقول :

سـلام مـرسـل ياصلـه فـي محلـّه *** للشّاعـر العملاق بالشعـر سـادي
عـنـد القبيلـه لـه مـواقـف مجـلّـه *** الفعـل يثبـت كـان عـال المعـادي
عـبـدالـلـه العـبـار ناصـع سجـلّـه *** فيه الذكا والميز وبالهرج هادي
تـهـابـه الـشـعّـار تـقـفـي مـذلّـــه *** مثـل المهند لا سحب من غمادي
شاعر بني وايل على الضّد عـلّـه *** الشّعـر احاطه بالجزيلات جـادي
قـصـايـده ومـواقـفـه يـشـهـدلّـــه *** عـنـد القبيـلـة لا غـدا كـل غـادي
واجـبـلّتـه يـا حـيـهـا مـن اجبـلـّه *** فعـلاً فريـد ولاهـو بشخص عادي
لا مـا تسـاوت الـرجاجيـل لـل لـه *** الفـرق واضـح بالفعـل والمبادي
لا يهمّك المغرور ومن فيه خـلّـه *** الـلي السنتهم بالفضاوي حـدادي
الشيخ الـلي صعب القضايا يحلّه *** لاصار بين الناس مخطي وقادي
والشيخ الـلي يبهجك في فزعتلّه *** الـلي اليـا حـدك من الوقت حادي
والشيخ اللي باب الحكومه يدلّـه *** لا شاف فـي وضع القبيلـه نكادي
والشيخ الـلي دوم يعـرف محـلّـه *** ما يفيد جـدّه صار عظمه رمادي

قال عبدالله بن دهيمش بن عبار هذه القصيدة جواب لقصيدة الشاعر خليف
أبن سعيّد العنزي ( المحدد ) العطعوط الحسني السلقاوي العنزي :

يا خليـف مقصودك فهمنـاه كـلّـه *** معـنـاه هـو شفي وغايـة مـرادي
هـرجك صحيح وفكرتـك مستغّـله *** وأنـت الذي وقت اللّوازم سنادي
تعـيش يالـلي مـا بـدت منـك زلّـه *** دايـم عـلى علوم الفضيله تنـادي
حيثك شبيـه الحـيـد يـلـجـأ لضلـه *** عـن الهجير وعن لفيح البـرادي
شروى جنابك صاحبه مـا يـملّـه *** الـلـه يعـزّك يـا عـريـب الجـدادي
يـا أبـن سعيّـد غـامـط الحق قـلّـه *** يصيـر عـن ظلـم الخلايق حيادي
الـلي الـقـرابـه بالمـكـايـد حـبّـلـه *** ياليت لـو عـد الصحيح الوكـادي
والـلي حكا بالـزور ما أحـدٍ فطله *** الـكـذب مـاهـو للحـقـايـق يـلادي
ومن ينكـرالمجهود ياخليف خلّـه *** لـو حـثّـه النّاصح يزيـده عنـادي
الـلي بقـلبـه يا أبن الأجواد غـلّـه *** يجحـد ثناي ولا يشوف اجتهادي
يا كثـر الـلي هـرجه نحطّه بسلّـه *** حيثـه عـلى ماقيـل هـذر ودوادي
ياما أجتمع ضدي من القوم شلّـه *** يـبـون تطلس سمعتي بالسوادي
ومن عانه الرحمن قصده وصلّه *** أمشي عدل والـلـه عليه اعتمادي

ملاحظة : هذه الأسرة الكريمة يقال لهم العنزي لذلك ذكرت العنزي بعد سعيّد