موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصائد شكر وثناء من رجال منصفين والرد عليهم

قصائد شكر وثناء من رجال منصفين والرد عليهم

قال الشاعر معيض بن راكح المرعضي الرويلي أبو جابر هذه القصيدة يثني على
زميله عبدالله بن دهيمش بن عبار :

يالـوايـلـي كـتـبـت بــك كـم لـي بـيـت *** واقـول كـلـمـة حـق والـلـه كـفيـلي
واجـب عـليـه يا مـدحـت وتـمـاديـت *** فـي حـق رجـلٍ دوم باعـه طويلي
واجب عـليـه كـان في حقّـه اثـنيـت *** عـبـدالـلـه يستـاهـل كـلام جـزيـلي
يابن عبار امدحك وأصبت مااخطيت *** يا عـل عمرك يابـو مشعل طويلـي
يالـلي عـن ربعـك بالمواقـف تحديـت *** ولا ينكـر المعـروف غيـر الرزيلي
وعـز الـلـه انــك بالطـويـله تـعـليـت *** ضلعك على الصعبات ماهو هزيلي
لك الشكر مني الى اصبحت وامسيت *** يالـوايـلي لـك حـق مـاهـو قـليلي
لـك بصمـة مـا تـنسي حـي أو مـيـت *** ومن يزرع المعوف يجني حصيلي
والـلـه يحفظك كـل ما رحت أو جيت *** واقبـل تحيـه مـن أخـوك الـرويـلي

قال عبدالله بن دهيمش بن عبار هذه القصيدة جواب لقصيدة الزميل معيض بن
راكح المرعضي الروايلي أبو جابر :

يا معيض أبن راكح بمنظومك اقديت *** شـرواك دايـم مـعـتـدل مـا يـعـيـلي
لـك الشكر يا معيض يا طيّـب الصيت *** الـلـه يعـطـيـك العـافيـه يا زمـيـلي
يا معيض لأصحاب الخطأ ما توحيّـت *** ولا غـرك الـلي كان عقله ضليلي
قـلـت الصحيـح لـواقـع الحـق تـثبيـت *** حيثـك صدوق ولا تبـوق العميلي
يـاعـل يـفـدونـك هـل البـغي والهـيـت *** منـطـوقـهـم يالـقـرم مـالـه دليـلي
سـود القلوب أهـل العلـوم الهتاهيـت *** مـا عـنـدهـم ألا النـمنـه والنـقـيلي
كـمـا تـرى يالـقـرم مـا تـقـل سـويـت *** عـلم من أجـل مجد القبيله فضيلي
مجـهـد ولأنساب القبـيلـة تحـاصيـت *** والحاسد من الحـقـد صابـه غليلي
جمعت نسب عـزوتـي عـقـب تشتيت *** مجـهـد لخـدمتهـم نهـاري ولـيـلي

قال الشاعر عبدالله بن رجاء السهلي هذه الأبيات يسند على زميله عبدالله بن دهيمش بن عبار :

طالبـك ترفـع يا أبـو مشعـل مقـامـك *** عـن كـل رجـل مـا يطابـق مبـاديـك
يـالـنـادر الـلـي تستـحـق احـتـرامـك *** خـلـك سمـاء مـا دام فعـلـك معليـك
أنـت الأديـب الـلي كبيـرن جـهـامـك *** خدمـت موروث عنـزة دون تشكيك
الـنـذل لا تـعـطـيـه جـل اهـتـمـامــك *** ولا تخـاوي غـيـر مـن يفتخـر فيـك
والـلي يحـارب بالمجـالـس كـلامـك *** هـذاك خـلّـه محتـرق مـن ممـاشيـك
ولا تنافس الا من نظـامـه نـظـامـك *** الـلي عـلى قـول الحقيـقـه مصافيـك

قال : عبدالله بن دهيمش بن عبار هذه الأبيات جواب لأبيات الشاعر عبدالله بن رجاء الجعفري :

يا أبـن رجـاء يالقـرم نفهم مـرامـك *** تسلم عسى ربي يصونك ويحميك
يالجعفري يالـقـرم مـرفـوع هـامـك *** حـيثـك تـشّـرف بالفعـايـل بنيخيـك
يامـن خـوالـك يفخـرون وعـمـامـك *** وأبوك اللي على المراجل مضريك
المـرجـلـه طبـعـك وسلمـك ونـامـك *** نصحتني بالقـاف يـا ريـف ناصيك
يـوم السبـايـا عـجـهـا كـان سـامـك *** ربـعـك فـخـرهـم بالمعـارك يعـليـك
وأن قلـت لـلي سبني وش عـلامـك *** قصدي عن العايـل أعلمّك وأدريـك

وقال عبدالله بن دهيمش بن عبار هذه القصيدة يسند على الشاعر عبدالله بن رجاء
السهلي الجعفري بعد وصول أبياته الموضحه أعلاه :

هاض القريح وفاض نقروح جـمّـه *** وغرفت من صافي قرايض علومـه
بـيـن السكون وبـيـن فتحـه وظـمّـه *** أنظـم جـزيـل القـاف حـزّت لـزومـه
يا أبن رجاء الموضوع كيفه وكمّـه *** وصلك شـرحـه وأنـت ميّـز يمومـه
الـلي نـشـر ضـدي دعـايـه مـطـمّـه *** مـلـزوم أكـافـح يالسنافي هـجـومـه
قـلـتـه ولا داعـي لـتـوصـيـف الأمـه *** ولالي هـدف عنـد الخلايق عمومه
لكـن سمعـت الـلي هـروجـه مخـمّـه *** يـقـذف حمايل عـن لـغـاه محشومه
مثـل الحنيش إلى أمتلأ عـرق سمّـه *** مـن يقربـه ما أظـن يأمـن هجومـه
الـلي تكـاسـل عـن قـضـايـا مـهـمّـه *** جـوده عـلى الصاحب يـدوّر ثلومـه
يبحـث عـن عيـوب الرفيـق ويـذمّـه *** وكـل الردى والعيب داخـل هدومـه
يفـرح اليـا حصّل خمـال أبـن عـمـه *** ومن يمدحـه يشمت عليـه ويلومـه
فـمـه عـن هـروج الخطـأ ما يصمّـه *** ومن طاري الطيّـب تـزايـد همومـه
حـيـث الـذي يسعـى بـغـيـبـه ونـمّـه *** قصـده يسبب بـيـن ربـعـه خصومه
شـمـل القـبـيـلـه يـفـرقـه مـا يـلـمـّه *** وفي منهجه شتـت جماعات قـومـه
الـلي نـوى لـه شـف جهـدي يـدمّـه *** مـا نـال فـود الـلـه يـعـز الحـكـومـه
ينصفني الـلي مـن الرجاجيـل قـمّـه *** ولانـي بـحـال الـلـي دنـيـه سلـومـه