موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

هذه القصائد وصلت من بعض الأخوة المنصفين

قال خالد بن محمد بن خلف العرايف هذه القصيدة يثني على عبدالله بن دهيمش بن عبار :

ابـي اعـتـذر لـه والـعـذر بالـرسالـه *** حيـثـه عـلى قـد العتـب والمشاريـه
بـجـاه الـولـي مـولاي عـز الجـلالـه *** مـاغـيـرهـا مـابـيـن عـم وبنيـخـيـه
الـلـي حـسـبـنـي واحـدٍ مـن عـيـالـه *** واعـطاني العـلـم الصحيح ومعانيه
وأخطيت من كـثـر الغشم والجهالـه *** وكـلـن عـلى ماقيـل عـقـلـه مقـديـه
والـلـه يـعـز الـلـي يـحـل الـشـكـالـه *** الـرّمـز أبـن عـبـار يـا حـي طـاريـه
يـكـرم جـنـابـه عـن خطـات الحثالـه *** الـلي عيـون الخلـق شافـت بلاويـه
يا لـيـت أبـو مشعـل تـنـاوش عقالـه *** وأخـوا بـه بعلبـاه من قبـل أخاويـه

قال عبدالله بن دهيمش بن عبار هذه القصيدة جواب لقصيدة خالد بن محمد بن خلف :

كـتـبـت مـردود الـجـواب بـعـجـالــه *** بـسـم الـولـي رب المخاليـق بـاديـه
ومن بعـد ذكـر الـلـه نـرد الـرسالـه *** توصل جنـاب الـلي تشّرف مهاجيـه
خـالـد رفـيـع الـشـان يـا حـي فـالـه *** أرسـل عباراتـه عسى الـلـه يقـويـه
نـجـل الـذي بـيـنـي وبـيـنـه زمـالـه *** أبـوه مـحـمـد نـفـتخـر بـه ونـغـلـيـه
أطـلـب عسى المولى يظلّـه ظـلالـه *** عسى الولي من صالي النـار ينجيـه
يا خـالـد الـلي ما يحـوش الجـمالـه *** لـو هـو نسل هارون لا تكترث فـيـه
مـن بـه جـرب لابـد يـعـزل لـحـالـه *** ومن خالـط الأجـرب يصيبه ويعديـه

قال خليف بن سعود التمامي الجعفري هذه القصيدة يثني على زميله عبدالله بن دهيمش بن عبار :

مـاهـي غـريبـه فـزعتك يابـن عـبـار *** لاهـي غـريـبـه تـنـتـخـي للـقـبـيـلـه
امااجتهدت وجبت من جزل الأشعار *** شاعـر علـم ما يوم جبت الهزيلـه
بـحـقـوق ربـعـك مـا تـقـدم لـلأعـذار *** ومـن شانهـم يامـا كتبت الجـزيلـه
في ساعـة الشـدة كمـا المـوج هـدار *** سيـف لـربعـك عـز مـن ينتخي لـه
تحـرص عـلى جمع القبيلة بالأقطار *** وافـنيـت عـمرك مجتهد في سبيلـه
شاعـر وراوي نـلـت غـزه ومـقـدار *** وجمعتهـم بـكـتـاب عـز وفـضـيـلـه
نـارٍ عـلى راس العـلم وافي الأذكـار *** لا قـلـت ابـن عـبـار يـكـفـي دلـيـلـه
والـيـوم مـع نـايـف تجـدد بـالأدوار *** بشعـر وعطـأ يمنـاك ماهـي بخيـلـه
تنخى وجـاوب صوتكم كـل الأخيـار *** بجـمـوع وايـل مـحـتميـن الـدبـيـلـه
ربعن بوقت الّلازمه ترخص اعمار *** وشلـون لا صـارت بـمـال وحصيلـه

قال عبدالله بن دهيمش بن عبار هذه القصيدة جواب لقصيدة الشاعر خليف بن سعود التمامي الجعفري :

يا خليف يا أبن سعود يا طيب الكار *** تـعـيـش يـا كسـّاب عـلـم النفيله
مـادام تـشكـرني فـأنـا مـنـك شـكّـار *** والشكـر واجـب مـن زميـل لزميلـه
لك قـدر لـك تعظيم يا خليف وأكبـار *** وأشكـر جـنـابـك عـد نبـت الخميلـه
عسى فـداك الـلي مـثـل حـيّـة الغـار *** يـلـدغ وهـو مـلـبـد بـوسـط النثيلـه
لـو أنـكـر المـجـهـود غـادر ومـكّـار *** تـثـني عـليـه أهـل الأعمال الجليلـه
وحـنـا لبعضنـا من قـديمـات الأدوار *** يـوم الفخـر يكسب بسرج الكحيلـه
ولا هي غريبه حث صلبين الأشوار *** مـلـزوم نـنخـى كـل رهـط وفصيلـه
ومسـاهـمتـنـا حـق يـا نسـل الأبـرار *** نـقـوم بالـواجـب ونخشى الفشبلـه
أقـولـهـا ولا خـيـر بالـلي كـبى وبـار *** ومـن خالـف الأقراب مالـه وسيلـه
ونطلـب ولـي الكـون عـلاّم الأسـرار *** يفـرج لـلي يـرجي الفرج كـل ليلـه

وارسل الشاعر جزاع بن عويند الخمعلي هذا المقطع :

أعـبـدالـلـه لـن نـوفـيـك حـقـا *** ولا جـزء إلـيـكـم مـسـتـحـقـا
ً لـقـد قـارعـت أعـداء لـئـامـا *** وبـددت الظـلام فـراح سحـقا
وجـر دعـاتــه ذلا وهــونــاً *** وسقــت الكاذبين إلـيـه ســوقـا
فشكـراً ثـم شـكـراً ثــم شكـراً *** لعـبـدالـلـه إذ شق الطـريـقـا

وقال عبدالله بن عبار هذه الأيات جواب :

بديت بالشكر والعرفان صدقا *** لجزاع ضد اللي لربعه يعـقا
يفداه اللي ينطق بغيبه ونـمّه *** مغتاب يلدغ بالبشر لدغ بقـا
يا أبن عوينـد يا مقـر الحميه *** لاخير باللي عن لزومه تتقا
من يجتهد لابـد تثمن جهوده *** ومن لا ينال الطايله ما ترّقـا