موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

موقع قبيلة عنزه الرسمي: الموقع الرسمي لقبائل ربيعه عامه و عنزة خاصه (http://www.bnabar.com/vb/index.php)
-   الركن الخاص بقصائد الشاعر عبدالله بن عبار العنزي (http://www.bnabar.com/vb/forumdisplay.php?f=108)
-   -   قصيدة مسندة على الرجل الذي يدافع عن الحق (http://www.bnabar.com/vb/showthread.php?t=12184)

عبدالله بن عبار 12-13-2020 12:59 PM

قصيدة مسندة على الرجل الذي يدافع عن الحق
 
قصيدة مسندة على الرجل الذي يدافع عن الحق

قال عبدالله بن دهيمش بن عبار هذه القصيدة يسند على الراوي المعروف عواد أبن
غضيان الجاز الجعفري :
عــواد أبـن غـضــيـان لا جـتــه سـيــه *** الـلـه يـجـيـره مـن عـواثيـر وصدوف
أهـديـت لـه عــذب الـقـوافـي هــديـــه *** مثـل الزهر ورده من الروض مقطوف
الـجــاز نـرسـل لـــه ســلام وتــحــيــه *** مـني عـدد ما خطوا الصحف بحـروف
حـيـثـه فـهـيـم ويـتّـصـف بـالـحـمـيـــه *** راوي عـلم وبحسن الأخلاق موصوف
مـا هـو مـن اصحـاب الـعـلـوم الـرديـه *** ولا هـو عشيـر لكـل هـايـف وهذلـوف
الــوافــي الـلـي مـا يـبــور بــخـــويــه *** من ساس عـزوه بالمراجل بهـم نـوف
الـعــزوه الــلـي مـا تـهـاب الـمـنـيــــه *** بالكون ما يطـري عـلى قلوبهم خـوف
كـان اعـتـزوا بـالـعـزوة الـجـعــفــريـه *** يا ويل من صالوا عـلى جمعه صفوف
وأن ثــار قـبـس الـمـلـح بـالـبـنـدقــيـه *** عبرودهم يسطي عـلى مشّـت الجـوف
رجـالـهــم عــاقــل وبــه حـسـن نـيــه *** لكـن اليـا شاف العـوج صـار ملقـوف
أفـعـالـهـم بـالـطـيـب مـاهـي خــفـيــه *** وتاريخهم في ماضي العصر مكشوف
مـن ذربـت سلـيـمـان نـعـم الـسـمـيـه *** الـنـاس تسمع صادق الفعـل وتشـوف
ربــعـي وأنــا لـهــم جـمـايــل عـلــيـه *** ولا نجحـد الـلي لـه جمايـل ومعـروف
كــم قـلـطـونـي بـالـربــاع الـفـضـيــه *** يا كـبـر فـرحتهم الـيـا جـوهـم ضيوف
وكـم قـدمــوا مـن قــرّح الـحـيـل لـيـه *** يروج باطراف الصّحن سمنها طـوف
مـا نـســمـع ألا قــول يـا الـلـه حــيّــه *** والكـل منـهـم صـار بـالـدور مكـلـوف
يـا مـا ربـطـوا بـطـنـابـهـم مـن ثـنـيـه *** وياكم كبشٍ جيب للضيف مكتوف
مـع الـرطـب والـعـود والـشـاذلـيــــــه *** من أجـل خـدمـة ضيفهم دايم أوقوف
هـم فـزعـتـي كـانـي شـكـيـت الأذيـــه *** لـو هي بطعن حراب ورماح وسيوف
دخـلـت مـعـهـم فـي هـذيـك الـقـضـيـه *** واجـب ولا نبـدي نـدامـات وحسـوف
ولا جـيـتـهـم قـصـدي أدور الـعـطـيــه *** رزقـي مكفيني ولا احتجـت مصروف

قال الشاعر رابح غضيان الجاز الجعفري هذه القصيدة مجاراة لقصيدة عبدالله بن دهيمش بن عبار
يقول :
يـاهـاجـسـي لا هـنـت والـنـار حـيـه *** ماهو بوقت ظروف لوعندك ظروف
مـا لـلـقـوي ألا الـبـيـوت الـقـويــــه *** خـل الضعوف حولها نـاسٍ ضعوف
جـتـنـا هـديـه مـاهـي أيـتة هــديـــه *** هـديـة نـنـهـض لـهـا كـلـنـا وقــوف
ارسـل لـسـان الـعــزوة الـوايـلـيـــه *** من روض بستانه لنـا ورد مقطوف
هـديـتـه جـزلـه وهـي مـعـنـويــــــه *** مـن دونها تتعـب مرامات واشفوف
مـن شـاعـرٍ دايـم لـه الأولـيــــــــــه *** عبداللـه دهيمش ذرى كـل ملهـوف
شــاعــر الـلـي يـقــلــب الـجـاذبـيـه *** يصغي له المعنا وتخضع له حروف
بـالـشـعـر ولا بـالـكـفـوف الـنـديـــه *** من خلقته ماهو عن الطّـيب مكفوف
شـاعـر ولـه عـنـد الـعـرب قـابـلـيـه *** وكلن عـلى تمجيـد مسعـاه ملهـوف
يـا مـعـلّـم الأجـيـال كـيـف الـحـمـيـه *** منجم ذهب ما هو متاهات وكهـوف
ومـدح الكـفـو مـافيـه ذنـب وخطيـه *** من يمدحه مهوعن الحق مصروف
تـاريـخـه مـوثـق ونـفسـه صـخـيـه *** قـرم شهـر طاريـه بالمجـد محفـوف
بـيـن الـقـبـايـل سـيـرتـه عـالـمـيــه *** عـبـدالـلـه العـبـار والاسـم مـعـروف
حــدد مـسـار الـسـيـره الـواقـعـيـــه *** شيّد لها صرح عـلى الحق مكشوف
لا قـال لـه كـلـمـه بـنـجـد الـعـذيــــه *** ياصـل صـداهـا للـقـريـات والجـوف
وقـفـتـك مـشـهـوده ولا فـيـه زيـــه *** عـلى النقـا ماهي خـفا شي مكشوف
ومـن طـيب راسك يا كريم السجيـه *** يالشامخ الوافي على الطيب بك نوف
مـن عـزٍوة فـي مـاضي الجـاهـلـيـه *** عـدوهـا بـالـرمـح والسيـف مقصود
حـربـة بـنـي وايـل الـيـاصـار هـيـه *** تنطح سرايا الجيش ما يلحقه خـوف
سباع الرجال اهـل القلوب الجـريـه *** يـوم الفعـل بالرمح والسيف مألـوف
تـبـوج بـديـار الـجـيـوش العـصـيـه *** لـو المنـايـا تحـوفهـم بالـديـر حـوف
وأهـل العـطـا يـوم السنيـن الـرديـة *** يـوم العـطـأ لـلـه مـاهـو بـمـخـلـوف
تضرب بـه الأمثـال صبـح وعشيـه *** عـطيـة غـبيني مـاهـو هـرج ملقوف
نـبـذه عـن الفـدعان مـاهـي خـفيـه *** لـو فعلهـم مـاهـو بالأشعار مضفوف
أمـجـادهـم تـسـتـنـزف الـوايـلـيـــه *** تتعب وراها حروف وحروف وحروف

متعب الفققي 12-14-2020 10:04 PM

صح لسانك ابو مشعل ويستاهل من يقول الحق .بارك فيك

عبدالله بن عبار 12-15-2020 01:04 PM

شكراً يا أبو عبدالله على الأطلاع وهذا الرجل الذي أسندت له القصيدة رجل منصف ويجلس في مجالس ويسمع بعض الذين صدّقوا الأكاذيب في موضوع أنتحال وائل بن قاسط من قبل الذين افتروا على هذه القبيلة وبعض الرجال تجهله الحقيقة ويحصل جدال والرجل فاهم ومدرك وواعي ويعلم أنني منذ عقود من الزمن وأنا ابحث في المصادر عن هذه القبيلة بينما الذين يجادلون ليس عندهم ألا الدعاية التي انتشرت وهم ما يفرّقون بين الصّدق والكذب وبين الذي يفتري ويكتب من مخيلاته وبين الذي مطلع على التاريخ ويكتب حقائق ولذلك وجهت له هذه القصيدة اشكره وأثني عليه وهو وأمثاله من الرجال المنصفين يستحق الشكر والعرفان


الساعة الآن 02:49 PM.

Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd 

vEhdaa 1.1 by NLP ©2009