موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

رمـز الـوفا والمهـابـه

بيات رثاء في جناب الشيخ / عبد العزيز بن طراد الملحم
شيخ قبيلة الحسنه من المنابهه من عنزه
الذي وافته المنيه صباح يوم الاثنين الموافق 9 ربيع الاول 1442 هجري
رحم الله ابا نواف واسكنه فسيح جناته
وانا لله وانا اليه راجعون ولاحول . ولاحول ولاقوة الا بالله

مـرحــوم ياشــــيخً فـقــدنـا جـنـابـه = ولا عـدت ياعـــلـمً بالاخـبـار ذاعــوه

عـلـمً الـفجـيـعـه كـل كــبـدً اصـابـه = هــز القـلـوب ولاعـهــــا يــوم بـثـوه

قالـوأ جـناب الشــيخ قـفّـت اركـابـه = لا والله الاّ وســـط الاكـــفــان لـفــوه

مرحوم يا رمــز الـوفــا والــرتـابـه = مرحــوم ياللــي باللــوازم. تنـصــّووه

عبـد العــزيـز طـراد رمــز المهـابـه = ليا عـدوا اهـل العـرف والجـاه عـدّوه

ليا عـدوا اهـل الراي واهـل المجابـه = جـولـه صناديـد الـنـشـامى وشــاروه

زبـن الدخــيـل اللـي زمانـه رمـابـه = وشـانـت حظـوظـه والمـقـاريـد حـدّوه

عــوق الحـريب ومفخـره للـقــرابـه = قــرمً صمــيـدع بالـمهـمات عـرفـــوه

النــادر اللــي كــل عــالــي رقــابــه = مـن مـاكـرً عــبـر التـواريـخ شــافـوه

نـسـل الحـرار وفـالـمواقــف ذيـابـه = اهــل البـويـضـا كـل غـــدارعــاقــوه

مـجـدً قــديــم وكـــل حــي درابــه = مـا بــه خـــفـا واللـي يــعــانـد تحـــدوه

شــيوخً بهـم حكمه و لين وصـلابـه = وكـم واحــدً محـتاج جـاهــم.وبــرّوه

والـيــوم نــواف الـفــخــر والـذرابــه = كلــن شـهــد لــه بالمــروؤه وزكّــوه

مـواقــفـه بالطــيـب كــلــن حــكـابــه = مســتارث الطــولات ورثً عـن ابـوه

فـيـه التـواضــع والـذكــى والنـجـابـه = كـفـوً لــهـا والـناس تـشهـد وحـيّـوه

عـلى مســيـرة والــــده واقــتــدابــه = بشـــهـادة اللي يعرفــونــه وخــاووه

صـدره وســيع ويتصــف بالـرحـابـه = ولّلــه در اللـي ابــ نــواف ســـمّـوه

مرحــوم يا شــيـخً قنصبـه وجــابـه = وماقدر المولى على الناس رضيووه

في جـنـة الفردوس تجــزل ثـوابــه = فــي مــوقــعً كــل الخـلايـق تـمــنـوه

وصــلاة ربي عــد وبـل الســحـابـه = عـلى نـبـيً صــفــوة الخلـق. سـمّووه

محمد بن سوعان الربيّع

في 10 ربيع1 1442 هــ
27 اكتوبر 2020 مـــ[