موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

مانيب مبسوط

وان قلت كيف الحــال مـانيـب مبسـوط = مــا دام. قـلـبي للتـعـاســه .مـحـطـه

حـظ.النـدم يـاخذ بالايـام بـُـي شـــوط = واجـروح يأســي .بيـن. الاضلاع حـطـه

اخذت في بـحـر التجـاريب لي شــوط = ولا حـصـلي عـقــب الإرهــاق غـطّـه

شفت الوفـا ما بين الاصـحـاب مشروط = وكــلً عـلى الصـاحـب شـروطـه. يحـطـه

وكـــلـن بـروتـين الـزمـن صـار مـربوط = هــذا يـقـصــــرهــا . وهــذا يـمــطــه

هـذا. صـواديـف الزمــن ساطته. ســوط = وهــذا. كـتـــــم بـــوحــه. وهـذا يـعـطـه

وهــذا ضميره باسـود الحقـــد ممشوط = والحــر الاشـقـر شـــنعــت فيــــه بـطــه

ولـو السـعـاده تنشـري باحمـر. النــوط = ما كــان تـلـقى مـن اتـوافـيــه. شــطه

وكـم ديـرةً عـقب البساتيـن. واشـطوط = امسـت. خــراب ووابــل. البـيـن ,,لـطـه

وعـاد وثـمـود .وما جـٰرا لحـاشــيــة لـوط = عٰبـره وربـي لافـهـٰم. الناس. حـطــه

حـيث المـقـدر بـوسـط اللـوح مخطـوط = ولا يـمنـع. المقســوم . تسـعيـن خـطـه.

محمد بن سـوعان الربيٌع