موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- - أبيات مداعبة للشاعر غثيث الصقري (http://www.bnabar.com/vb/showthread.php?t=11468)

أبيات مداعبة للشاعر غثيث الصقري

قال الشاعر غثيث الصقري هذه الأبيات موجهها لزميله عبدالله بن دهيمش بن عبار مداعبة :
يا راكـب الـلـي كـن صـدره اليـا نـاز *** ما يلحقـه من قـو عـزمـه اغبـرتـه
دفـع الـربـاعـي فـيـه مـكـره وهـزّاز *** ضـد النفـود الشاسعه مع احجـرته
وارد جـميـل الـلي لـه الـذوق يمتـاز *** مـن صـاغ بـديـه باليـاقـه شكـرتـه
يلـفـي لـقـرم لـه مـواقـيـف وانـجـاز *** نـعـم المعـزّب لا وصلـت وخطـرته
شاعـر وأديب وبالمواقيف مـا ايهاز *** شامخ عريـق ونفتخر في اشجرته
عـبـدالـلـه العـبـار من ساس عـنـاز *** غـني عـن التعـريف لـو مـا ذكرتـه
قالـولي أنـه حـول الأسيـاح يـنـحـاز *** ولـو كنت داري عن بيانـه حضرته
يلـقـف لغـزلان المـهـا فـرد وأجـواز *** وعـلى الربيع الزين زانت اشعرته
كـب الـنـظيـم وحـط صـبّـه ومـركـاز *** وقال الولاء لأهـل الزراعه شهرته
نسيت من ساعـدك يـوم أنـت معتـاز *** عـقب الصداقه ليـه قمت وخصرته
وتضفي عـلى نـاره مزيـد من القـاز *** وليتك جبـرت بخـاطـره واستشرته
تبعت غـزلان المهـا صـوب الأهـواز *** وعـنـدك رفيق الدرب قـلّت اثمرته

قال عبدالله بن دهيمش بن عبار هذه الأبيات جواب لأبيات الشاعر غثيث الصقري:
يا راكـب الـلي مصنعـه بالفـخـر فـاز *** فـي بيكـتـه مـا قـط دارت اكـفـرتـه
فـكـسار مـا مثـلـه مـديـلات واطـراز *** مثـل العـزوم اليـا صهلت ونهـرتـه
ينصاك يالـلي باعذب الشعـر رجّـاز *** كبش الغـنم بقـدوم ضيفـك نـحـرتـه
غـثيـث مـن لابـه شريـفيـن واعـزاز *** أرداهـم الـلـي يـحتـفـي كـان زرتـه
أهـل البـويـضـا للعـدا غـش وانحـاز *** فـعـل الصقور من الروايه خبـرتـه
يـوم الحـدب لـرقـاب الأضـداد حـزّاز *** الــكــل مـنـهــم لـلّــوازم ذخــرتــه
مشكـور يـامـن بالهـدد تشبـه الـبـاز *** سجـلـت قـافـك بالقـروب ونشـرتـه
أرسلت لـي قافـك بـه رمـوز والغـاز *** والقاف لو يصعب بدعت وصخرته
اخبـرك مـاني يابـن الأجـواد منحـاز *** ودايـم رفـيقي خـاطـره مـا كسرتـه
ألا ولا قـصـدي لـك الـلـه اسـتـفـزاز *** امشي عـدال وصاحبي مـا هجـرته
اسلك طريق الحق والشرع لي جاز *** ولانـي مـن الـلي يتبّع شـور مـرتـه
لـكـن نـويـت اشيـل بالـكـف معـكـاز *** وريـم المهـا لـو مـرني مـا نظـرتـه

وأردف الشاعر غثيث الصقري يقول :
وكــانـه تـعـذر عـنـدك الـرد مـعـذور *** حيـث أن للأفـكـار غـيـبـه وعــوده
أنـت الـذي موقفك ما حاشه اقصـور *** ولا بـارك الـلـه بالنفوس الجحوده
حيثـك تـعـلا فـوق عـن كـل مـثـبـور *** عـنـدي وعـنـد مـدورت كـل جـوده
وهذا جواب عبدالله بن عبار على الأبيات :
جـتـني بـيـوتـك يالسنـافي ومشكـور *** وسيـرتـك عـنـد الغانمين محمـوده
يـفـدا جنابك صاحـب الكيـد والـجـور *** الخـايـب الـلـي تـقـل مـنـقـار دوده
ما عنـده ألا الهيف والكذب والـزور *** حيثه من أصحاب النفوس حسوده

وقال الشاعر غثيث بن حسين العرقوبي الصقري هذه القصيدة رد للمرّه الثانيه :

ياراكـب الـلي دونـهـا الغـيـم يـنمـاز *** بـعـد الصحاري بالدقايق اهـجـرتـه

تصميمها ركّـب عـلى فـن واعـجـاز *** صنعـة خـبيـر يعـتـزي فـي بـقـرتـه

كـبتـن كبـينـتهـا يـوجـه عـلى العـاز *** حـدد زمـان اقـلاعـتـه وانـتـظــرتـه

مـاهـو راعـي نـاقـه ولا كـان مـعّـاز *** مـتـفـوقـن بـدراستـه مـن صغـرتـه

امعط سلايل بوش تشخيص وافراز *** اشقـر شعـر راسـه يشابـه احـمرته

حـلّـق عـلى تـوجيـه شاشـه وتلفـاز *** لـمـطـار خـالـد بـالـمـهـمـه ومـرتـه

يـوصـل لـقـرم بالـمـهـمـات مـعـنـاز *** ويعـطيـه هـرجي باللياقـه مـهـرتـه

انـظــم قــوافـي مـا تـرقّـع بـمـخـراز *** لو هـو ضيف أقـول مبطي وفـرتـه

وعـطـه الكتاب الـلي مغـلّف ابـرواز *** امـثـال مـن واقـع خـيـالي حـكـرتـه

يا أبن دهيمش لـك مواقيف وانجـاز *** وصلـب الحـديـد بقو نارك صهرته

شـاعـر وفـنك يشلع الضرس بالقـاز *** أمـا سـحـبـتـه طــوع ولا كـسـرتـه

ما انت مقل ولا أنت فقري ومعـتـاز *** ولـو يعرض بدربك محيط عـبـرتـه

شـط الفـراه الـلي يـفيّـض بالأهـواز *** مـن لاذبـه مـن جـوع نبتت اوبرتـه

ارسـل عـلي مـن التمـاثيـل مـا جـاز *** وعـنـدي ملـفـك لايـقـن وافـتكـرتـه

حيثك وفي ولا أنـت هايـف ودومـاز *** وبـنـيـان بـيتـك بالمعـالي عـمـرتـه

قال عبدالله بن دهيمش بن عبار هذه القصيدة جواب لقصيدة الشاعر

غثيث بن حسين الصقري :

يا الـلـه يا منزل من الوحي الأعجـاز *** أنـت الكريـم الـلي نـبـيّـك نصـرتـه

يـامن جعـلت القـاحـلـه كـنّـهـا افـراز *** من عشب في بـيـد الفيافي بذرتـه

وبعـد ذكـر الله هاضت افراد واجواز *** القاف من فيض المشاعـر جهـرته

نـويـت أسجـل صافي الشّعـر بجهـاز *** نفحات فكـري من ضميري اخترته

يـوصل غـثيـث ولـو مـقـره بشيـراز *** رد الـرفـيـق اجـهـزه مـا خصـرتـه

يـهـدى لـقـرمٍ مـن ثـقـيـلـيـن الأرواز *** غـثيـث قـدره نـرفـعـه مـا حـدرتـه

عـوايـد أبــو حـمـود لـلـنــار شــزاز *** وفنجـال تـنعش شفّـتـه مـا نـثـرتـه

يـفـدا جـنـابــك بـهـلـوانـي وجـنـبـاز *** الـلي عـيـوبـه تنكشف لـو ستـرتـه

حـيـثـك تكافـح كـل مسـوي وهـمّـاز *** واللي عرض لي بالمهاجي دحرتـه

من ساس عزوة لا بدأ طراد والـزاز *** كـم فـارسٍ خـلـوه يـفـتح ابـخـرتـه

أرداهـم الـلي لعـيـن مـن عـال بـغّـاز *** والحيـد ينـزل في عوالي اظهـرتـه

واليـا حـصـل يـوم مـثـل يـوم خـزّاز *** عـدوهــم مـا تــاجــده كــان درتــه

ودنـيـاك مـا دامـت لـصـدّام ونــيــاز *** والشـاه شـلآّت الخـمـيني أغـدرتـه

عيت تساعف فارس الخيـل طهمـاز *** ومن جـورهـا يالقرم ليلك سهـرتـه

واليـوم بـنفـوس الخـلايـق اشمئزاز *** ينكرك حـتّى الـلي بفضلك غـمرتـه

السلام عليكم ورحمة الله وبركاته
صح لسانك يا أبو مشعل وصح لسان أبو حمود

ونعم بكما جميعاً
ابيات جزلة وجميلة ومداعبة لطيفة

ونعم فيك وأنت رجل أعطيته حقه وهو ليس موجود معنا في المنتدى
وشكراً لك
فشكراً لك

اقتباس:

يلـفـي لـقـرم لـه مـواقـيـف وانـجـاز *** نـعـم المعـزّب لا وصلـت وخطـرته
شاعـر وأديب وبالمواقيف مـا ايهاز *** شامخ عريـق ونفتخر في اشجرته
عـبـدالـلـه العـبـار من ساس عـنـاز *** غـني عـن التعـريف لـو مـا ذكرتـه

عز الله أنه صدق
و تستاهل يا أبو مشعل اللي قيل فيك

شامخ ونفتخر بشجرتك يا أبو مشعل

اقتباس:

غـثيـث مـن لابـه شريـفيـن واعـزاز *** أرداهـم الـلـي يـحتـفـي كـان زرتـه
أهـل البـويـضـا للعـدا غـش وانحـاز *** فـعـل الصقور من الروايه خبـرتـه
يـوم الحـدب لـرقـاب الأضـداد حـزّاز *** الــكــل مـنـهــم لـلّــوازم ذخــرتــه

مشكور أقولها عن غثيث وعن الصقور

وما عليك زود

تسلم يا أبو خالد الوايلي وصح الله بدنك وشكراً لك على الأطلاع والأشادة بارك الله فيك واسعد الله أوقاتك بكل خير