موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصائد متبادله بين محمد بكيل العريفي وزميله عبدالله بن عبار

قال محمد بن بكيل العريفي هذه القصيدة يثني على زميله عبدالله بن دهيمش بن عبار :

عجـزت اعـبـر بالبيـوت الجـزايـل *** عـبـدالـلـه العـبار من هـو يجاريه
شاعر مخضرم ماضي لـه فعـايـل *** مـن هـيبتـه محـد يـقـرب حـوالـيـه
هو شاعر الويلان وقت الصمايل *** كـل عـنـزه بشيـوخـهـا تفتخر فـيـه
ترفع لـه البيضا بـراس الطـوايـل *** ومهما نقول القول لا يمكن اوفـيـه
لـو حاولـوا اهـل الحيـل والتحايل *** مثل الجبـل محدن يهزهز رواسيـه
يا شاعـر الشعار وافي الخصايـل *** الـلـه عـن المخلوق بالخير يجـزيـه
اديـب ومـؤرخ وراعـي جـمـايــل *** نطـلـب لـه المـولى يعـزه ويحـميـه
وارجو السموحه كان بالقيل مايل *** مـا قـل دل وزبـدت الهـرج تـنويـه
وصـلاة ربـي عـد ورد الـشـتـايــل *** عـلى رسـول ديــن ربـي مـقـويـه

قال عبدالله بن دهيمش بن عبار هذه القصيدة جواب لقصيدة الشاعر محمد بن بكيل العريفي :

يا مرحبا بـراعـي العـلـوم الجـلايـل *** قـرم الـعـيـال الـلـي لفـني مـبـاديـه
محـمـد أبـن بـكـيـل لـلـطـيّـب نـايـل *** وجـه لـي المنظـوم يـا الـلـه اتحييه
لـفـظـه جـزيـل ولا يـقـول الهـزايـل *** افخر باللي شرواه والطيّب أغـليـه
حـيثـه عـريفي مـن سلايـل حمايـل *** مـن عـزوةٍ لا جالهـا اشكـال تنهيـه
منهـم عـوارف بـيـن كـل الـقـبـايـل *** تقضي بحق وصاحب الحق ترضيه
يا ما كعـموا مـن كـل ظـالـم وعـايـل *** خطو الـذي زومه عن الحق معميه
ألا وغــيــر الـفـهــم يـوم الـدبـايــل *** بـهـم الشجاعه يـوم قـطع المنـاويـه
يـوم الـسـرا فـي حـاميـات القوايـل *** تـذكـر فعـايلهـم عـلى الخيـل والتيـه
وأشكـر جنابـك يـوم سجـلت قـايـل *** وعـسـاك تـسلـم يـا زبـون المـداليـه