الى انصاف الرجال وخفايش الظلام .....
 

الى أنصـاف الرجـال
,,,,,,,,,,,,,,,,,, وخـفافيش الظلام ....؟؟؟؟
----------------------------------------------------

ماكنت اصدق بـالـرجـاجيـل أنصاف = ليـن الصـدف من دون قـصــد اكشـفتها
عــرّت لي اللي مـابـعد كـان يـنِـشاف = ونـفـس اللـئيم اســبوقهـا ماســـعـفتـها
مادري علامه حـطني ظـمن الاهداف = اللـي اســهومـه مـن بـعيـد اقـصـفتـها
ماقــدّر العـشـره ابـوقــتً لـنــا طـاف = ونفـسه مواجـيـب الخوي ما اعـرفتـهـا
الاولِــــه حــطــت بِنـفـسـِي تـحّســاف = والـثانـيــه كـبـد الـرفيــق اتـلــفــتــهــا
طــوّفتـهـالـه يــوم غــزوه لـنـا حــاف= وكـم زلّــةً عـن عـمــد نـفسـي جـفـتهـا
اردع بـعـرفـي مهـزلــة كــل مـزهـاف = وزيـف العـلوم الهـابطـه مـا اجـرفتـهـا
ارفــع بنفـسي فـوق عن كـل ميـهـاف = ولـولا الــرفـــق يـمـنـاي ما طــوفـتـهـا
اصـبــر ولا اروم الــــغدر والتـلـقـــاف = ونفسـي مــواهيــم الشـكوك نســفتـهـا
ومـاارضى علـى نفسي يقولون خـواف = يـوم الـعـفون اظــروفــهــا خــوّفـتـهـا
شــبـه الـرجال اللي مسـاكين واضعاف = هذي صـفـه والنـاس قبـل اوصــفـتهـا
لــولا الـوفـا والطيــب مـا أصد واعــاف = اخـشـى المـوده لاتـموت اســــعـفتهـا
صـبـرت صـبـر ايـوب فـي كـل ميـقـاف = نـفسـي مـشـاريـه الرجـال اعــرفـتـها
بذلــت أنـا المجهـود في شتى الاطـراف = وكبِـدي عـواذيــل الـعـــرب ماشـفتهـا
لاشــــك انـا كــبـدي تلـهـــف تلـهـــاف = ودي اعـرف اسـباب نـفـسه خـفــتـهـا
ابغـي سـببب واحـد الـى الحـق ينضاف = عَــل عــسى نيــران كـبــدي طــفـتـهـا
نفســـي مضــريهـا علِى نهـج الاسـلاف = وشــعـاد لـو بعض الســوالف لـفتهــا

محـمد بن ســـوعان الربـيّــع
25/ربيع الثاني 1437 هجري
فـي 5 / 2 / 2016 مـيــلادي

ملاحظه : انصاف القصد منها : انصاف الرجال اشباه الرجال وليس الانصاف ...

الزميل الشاعر محمد بن سوعان الربيّع صح لسانك والحقيقة أنك ما تجد احد ما يعاني من شيء فأحد من ظروف الزمان وأحد من سوء البعض ولكن اشباه الرجال ما عليهم مشروه ويقول ابن رشيد في بيت له من قصيدة :
الطيّب ادمح له ثمانين زلّه *** واللاش ماني عن مزاريه داري
وأقول الله يعينه وقد وصفت وأجدت

ابو مشعل
هلا والله ومسهلا
نورت يا استاذي الفاضل بمرورك الكريم
وما الشعر الا ترجمه للأحاسيس ولولا المواقفومنعطفات الحياة
لما ولــدت القــوافي ... الشعر مرآة الاحداث
ولايسعني بهذا المقام الا ان اشكرك على حسن المتابعه وطيب الاطراء
وما عليك زود اخوي واستاذي الفاضل ابو مشعل .

---------------------------------------------------------------------------------------------------------------

اخوي محمد بن دوهان وصحت انفاسك
واشكرك على الاطراء وحسن المتابعه والاطراء
وما عليك زود
اسأل الله ان يوفقنا لما يحب ويرضى ويجملنا مع الجميع ونقدر نجيب ما يليق باذواق الجميع
ويجنبنا تصفيف الالكلام الفارغ اللي انت تقصده
ولا ادعي بالكمال فالكمال لله سبحانه ولكن اصر واسعى اليه
اشكرك وما عليك زود