![]() |
( مساجلة بين محمود بن عبدالله العبار وأبيه )
( مساجلة بين محمود بن عبدالله العبار وأبيه )
الأبن محمود مبتعث لأمريكا يدرس لغة انقليزية وفي أثناء وجوده هناك برزت موهبته الشعرية فأرسل لي هذه الأبيات وأول مرّة اكتشف أنه شاعر يقول : أنا أشهـد أن البـعـد يا عـزوتي شين *** فـرقـا الأحـبـه زاد غـبـن الـلــيـالــي ربـع وأهـل والبيت عـايش به سنين *** بـفـراقهـم يا صعـب وضـعي وحـالي لـي عـام مـا راعيـت الأحباب بالعين *** فـي ديـرة الأجـنـاب سـاكـن لـحـالـي لاشك مـا انسى ذكـريـات العـزيزيـن *** أمـي وابـوي الـلي عـلى القلب غالي لا تـفـكـر أن الـبـعـد عـنـكـم يـعـزيـن *** ولا تحسب أنـي عـنك يابـوي سـالي وبـعـده يا أبـوي أهديك مني سلامين *** مــنـي لــك ولأمــي وكــل الـعـيـالـي عـقالـك المـايـل بـراسك عـلى ايمين *** ودي بـشـوفـه لــو دقـايـق قـبـالـــي هـذا هـو عـقـالـك أجـل أنـت هـلحين *** عـنـدي يـساوي شوفـتـه كـل مـالـي يالـلـه طلبتـك يا منـاصـر هـل الديـن *** تـعـز أبـويـه يـا عـزيـز الـجـلالــــي يا بـوي ربـيـت الصقـور المضـريـن *** مـا يـسـكـنـون الا بـروس الـعـوالـي وأنـا أحـمـد الـلـه ما أخوانـي ردييـن *** هم فزعتي هـم عصبتي هـم ضلالي وقد جاريته بهذه الأبيات : حـيـيـت يـا مـحـمـود عـد الـمـلايـيـن *** واعداد مـا فـوق الثـرى مـن رمالي أحسنت ثـم أحسنت بالمنطـق الـزيـن *** قـافـك ثـميـن وكـل هـرجـك صمالي تـشكي مـن الغـربـه وبـعـد المحـبيـن *** والحمـد لـلـه مبتعث مـا انـت جـالي الـنـاس يا محـمـود حـتى السلاطـيـن *** مـابهـم الـلي قـلبـه مـن الهـم خـالي أصبر تـرى الـلي تشتكي منه روتين *** وخـلـك مـن الـلي يـبعـدون المـدالي اللي درسوا بالغرب والهند والصيـن *** بالعـلم صاروا من أصحاب المعـالي أطـلـب لـك الـتـوفـيـق آمـيـن آمـيــن *** وأدعـوا لـك الـلـي للمخـاليـق والـي أنـك تـفـوز بمستـوى فـوق تسعـيـن *** وترجع عزيز الشان والـراس عـالي وأنت العوض باللي تحملت من ديـن *** مـن عـظـم قـدرك مـا تغـاليـت مـالي قـلـنـا تـضّـم ولا حصل بـس تـرميـن *** والـرزق عـنـد الـلـي عـليـه اتـكالـي حـنـا لـك الـلـه بـالـكـرامـه غـنـيـيـن *** مـا نجـلب الشيمه مـن أجـل الـريالي |
الساعة الآن 03:08 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd