موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - أبيات متبادلة بين الشاعر فايز عواد الهبداني وعبدالله بن عبار

أبيات متبادلة بين الشاعر فايز عواد الهبداني وعبدالله بن عبار

( رسالة من الرجل المنصف الشاعر فايز عواد الهبداني الجعفري )

انت يا ابو مشعل شاعرنا واستاذنا وقدوتنا ولا ننسى مواقفك المشرفة وانت علم من أعلام عنزة وأنت لسانها ويشهد الله انك مثلتنا خير تمثيل وانك شرف لكل عنزي وانت تاج على رؤسنا وانا من المعجبين بشعرك ومن اللي يحفظون قصايدك وانت جزل والله يعطيك الصحة والعافية وطول العمر بإذن الله ويفقك لما يحب ويرضى وإليك اهدي هذه الأبيات المتواضعه أخيك فايز بن عواد الهبداني الجعفري :

يا مـرحبـا تـرحيبه اوضـح مـن الـبـرق *** لا لاح فـي عــرض الـمــزون وتــلالا
يلـمع من الغـربي ويـركـز الـيـا الشرق *** فـي قـدرة الـوالـي عـزيـز الـجـــــلالا
واعداد ما غرد عـلى الغصن مـن ورق *** واعـداد مـا حـالــوا جـنـوب وشـمـالا
تصرف مثـل ما يصرف الشيك للـزّرق *** فـي شــاعــر لـلـمــجــد والـعــز نــالا
احـرق كبود اهل الحسد والخبث حرق *** واثـبـت وجـوده بـالـبـيـوت الـجـــزالا
مـثـّـل بـنـي وايــل ولا يـقـبــل الــّدرق *** مـثـّل بــنـي وايــل عـلــيــه الـمــقــالا
وراعـي الحسـد لابـد يـطـق بـه عـرق *** مـن هيبتـك مـا انـتـه قـصيـر الحـبـالا
والطيـب وهبـه وابـن عـبـار بـه فـرق *** كـامــل ولــلــه الــكــريــم الــكــمـــالا

ومن فضل الله سبحانه وتعالى أن في القبيلة رجال منصفين وهم كثرة ومنهم هذا الأخ ويسرني أن اشكره على ما عبّر به من عبارات تدل على صدق وقلت هذه الأبيات رد على أبيات الأخ فايز عواد الهبداني وأني مدان لكل رجل منصف ولا خير في من يجحد الجهد :

حـي الجـواب الـلي لفاني عـلى طـرق *** يـعـجـب بـه الـلـي لـلـمـعـانـي تـمــالا
من قاف شاعـر عادتـه يـكـره القـرق *** فــايــز عــســاه بـحــفـظ ربـي تـعـالا
تـكـويـن طـبـعـه لـلـعـلا قــال لـه أرق *** أصـعـد شـوامـخ عـالـيـات الـجـبـــالا
من عـزوةٍ يـوم الحمـر ينهـرق هـرق *** عـن نـصـرة المضيـوم مـاهـم كسـالا
كانوا بعـصر السلب والنهب والسرق *** عـلـى الـذي يجـهـل عـلـيـهـم جـهـالا
ويـوم الشـلافي بالمـنـاحـر لـهـا زرق *** صـالـوا عـلـى عـدوانـهـم بـحـتـمـالا
وأن شهّبت غبر السنين وغدت بـرق *** وشـح الـمـكـيـل وجـور بـقـعـا تــوالا
الضيـف مـا يـمـرق اليـا مرهـم مـرق *** يـلـقـا الـقـرى والهـيـل وسـط الـدلالا

وقال فايز بن عواد الهبداني هذه الأبيات يثني على عبدالله بن عبار :

يـالـوايـلـي مـا يـلـحــقـك شـك مـنـا *** حـنـا بـصـفـك مـا جحـدنا المعاريف
ولا الـردي لــوهــو تــبــيـن وكـنّــا *** مـالـه عـن المطلاع ذب المشاريـف
انــت الـدفـاع وسـيـفـنـا يـوم سـنــا *** وغيـرك يسولف بالفعايـل ولا شيف
وقــفـت وقــفــت شـاعـر مـا تـونــا *** وجمعت ربعك من جميع الأطاريـف
ومجـدت قـبـايـل لـهـا النـصـر غـنـا *** منهـم عقاب الخيل بالرمح والسيف
قـلـت وذكـرت أفـعـال زبـن المجـنـا *** وثـنيـت دون عيال وايل عن الحيف
كــتـبـت بـالـواقـع ودافـعــت عــنــا *** والـلي نـوى يـجحدك مـالـه مواقيف
يقصر عن الجـزلـه وشعـر المـعـنـا *** لـو يلبس بشوت العـرب كلها زيـف
انــت الـمــؤرخ والأديــب الـمــكـنـا *** لـولاك ضاع الحـق جـملة وتصنيف

قال عبدالله بن عبار جواب لأبيات الشاعر فايز بن عواد الهبداني :

سـار القـلـم حـال الطـلـب مـا تـونـّا *** وبدأ يصف حروف الأبيات تصفيف
يكـتـب جـواب الـلـي بـيـوتـه لـفـنـا *** الجـعـفـري فـايـز فـداه الـمـلاقـيــف
مـنـذ الـقـدم يـالـقـرم أنـتـم وحــنــا *** مـا فـرقـونـا يـالـزمـيـل الـهـذالـيـف
نـرعـى قـفـر وديـان ديـرة مـهـنــا *** ونحيل من دار الحويقه اليا طـريـف
وأرض القفر لـو كان ماهي وطـنـا *** نرعّى بها بحدب السيوف المهاديف
حـتّى بـديـار الـروم دوّج ضـعـنــــا *** مبطي لك الله نـرهب الخصم ونخيف
والـيـوم بـفـلـل وعـمـايـر سـكــنـــا *** مانشعر ابرد الشتاء ولاهب الصيف
لـكـن بـلـشـنـا بـشـامـنـا مـع يـمـنـا *** الحـرب فـتـنـه والـزمن له تصاريف
كـل الـبـلاوي مـن هـل الـشـر جـنـا *** الفـرس والـلي يروجـون الأراجـيـف