موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الثقل للمرء عز ومفخره
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
ما ســمعت ان العــواصـف والـريــاح = هــزت مـن اطـويـقً لاجــات حـجـره

الاســـــد مـا ضـايـقــه كثـر النبــاح = والثـعــالــــب عـــرضــةً للمســخـره
الثعـــالــب مــا حظــت بالامتــــداح = خاســـره لــو زاد حجــم الـجمـهــره
وواثــق الخطــــوه حليــفً للـنـجــاح = ولــوتــطــول ايـام وقتـه واشـــهـره

ولا يـقــوم المـجــــد الا بـالكــفــاح = ولا يتـهيــا للـــذي يــديـــر اظـهـره

بالقلـــم والجـــود واطـراف والرمـاح = والبـدايــل عنــه وســط الـمـقبــره

ذي حقيـقه مـايجـي فيـهــا مــزاح = كالنجــوم اللـــي يســـــرك مـظهــــره

والتفـاخـر شـي مــرغــوب ومبـاح = لاابتـنـى بـالحــق والصــدق اغمــره

والغــرور اليــوم للتــافـــه اســلاح = والـتبـجـح زيــف مــا فيــــه اثـمــره

والرجـل عـقلــه امــراتــه والفـــلاح = ومـنـطـقــه عنــوانً لشــيَ اضـمره

اللقــافـــه والمهــايـــط والصيـاح = مــن سـببـها كــم صــديـقً نخسـره

ولا يـصـح الا الصحيـح ولا يــزاح = والثـقـــل للمـــرء عــــز ومـفخــره

محمد بن سوعان الربيّع