موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عـسـى الـمـزون اللي تـدف الـهـباهـيـب ...

- الشعر الشعبي المكتوب (http://www.bnabar.com/vb/forumdisplay.php?f=54)

- - عـسـى الـمـزون اللي تـدف الـهـباهـيـب ... (http://www.bnabar.com/vb/showthread.php?t=10117)

عـسـى الـمـزون اللي تـدف الـهـباهـيـب ...

من القصائد القديمه ،،،
عـسـى المـزون اللي تــدف الهـباهـيـب
يـضـفي مـطـرهـا ويـسـقي الـقـاع ماهـا
.
تـرخـي هـــمـالــيـله وتـاتــي رواكــيــب
غــربــيّ نــــوده ســـاقــها مـــن وراهـا
.
يــالله عــسـاه يـطم شـهـب ٍ شــلاهـيـب
قــطـعـة سـنـيـن ٍ والـمــطــر مـاسـقـاهـا
.
من شـرق حائل ليـن غـرب الجلاعـيـب
شــرقـي تـيــمـاء وغـربـها مـع قـراهـا
.
يضـفي عــلى النـقـره وهـاك الكـراديـب
يـــروي دحــالــه والـمــصـامــد مــلاهـا
.
يـخضـر شجـرهـا قـبـل حــرّ اللواهـيـب
وتـلـدن غـصـون ٍ يـابسـه عـن قـسـاهـا
.
النـجـم فـي جــوّ الـسـمـاء لـه رواقـيـب
تــو الـثـريّـا مـا اكـهــفــت عـن سـماهـا
.
لـيـا أمـطـرت غــرّ المـزون السـواكيـب
نـسـنـس هـواهـا وســال مـنها وطــاهـا
.
ومـن لـيـلـتـه تـلـفـيـك كــل الـمــنـاديـب
اسـتـبـشــروا بالخــيــر والله عـــطــاهـا
.
بــديــار ربــعي مـكـمــليـن الـمـواجـيـب
اللـي عــلـى الـطــولات بــيّـــن نــبــاهـا
.
ديــار ٍ لـهم في ماضـــــيات الغـيــاهـيب
دار ٍ ورى دار بــــعــــيـــــد ٍ مـــــــداهـا
.
يـاما حــمــوها فــوق حـمــر المنـاكيـب
بـعــصـر المـغـازي كـل غــازي عَـزاهـا
.
إلا غـــريــب ٍ عـــانـي ٍ لــه مـطــاليـــب
جـــاهــا يتــزبــن بـاحــث ٍ عــن ذراهـا
.
يـبــشــر بعـــز ٍ مـاتـجـيـــه الأجـــانـيب
وحــتى مـــن الــدانـــيـن يــلـقـى دواهـا
.
وســط بيــــوت ٍ كــــرّبــت بـالأطــانيـب
اللي تــحــيـّي الــضـــيــف أول قـــراهـا
.
يـلـقى بـهــا صــفـر الــدلال الـمـــراييب
بــها الكــرامـه والنــقــا لمـن لــفـــاهـا
.
صـــمــايـل ٍ يـاخــال مــاهـي تـــكــاذيب
تـبـــقـى لـــنــا تـــــذكـــار كــــل ٍ رواهـا
.
دور ٍ مــضـى والـدرب مـاعـنــه تجنيب
ولا هــمّـــنا بالـنــاس مــنهــو نـــحـاهـا
.
حــنـا عــليــهـا مـثــل حــد الـمــحـاديب
دام الإســـــلام مـــقــرّهــا مـــانـــفــاهـا
.
نـتـعــب على الطـولات يـاخـال ونـصيب
نــطــيــب حــــنــا مــانــــــدوّر جـــزاهـا
.
هــذي السـلـوم ولا نــريــد المــكـاسيب
لـكــــل الـمــلا عــقّــالـها واســفـــهـاهـا
.
حتـى الـرخــوم اللـي تـــدُور العــذاريب
اللـي عــلى الهـــزلات تـكــبــر لـحــاهـا
.
نعـطي لهـا مـن عرض مايـكسب الذيب
مـا نـلـتــفــت لـو كــان شـــفــــنا رداهـا
.
مـثـل الـعــقــاب الصـيـرمي بالمــخاليب
يـشــبـع نــســور ٍ هـــالــكـه مـن عياهـا
.
يبـــقـى مـقــره فــوق عـــالي المجاذيب
يعـــشّي رخـوم ٍ مـا تـحــصـّل عـشــاهـا
.
أقــولـها يـاخـــال و وقـــتي حـــراديــب
وأشـوف أنــا الأصـحاب بــيّــن جـفـاهـا
.
أسـكت عن الشـوفات ماابـغى التلاسيب
مااطــري لهــا يـاخـــال قـلبـي كـمـاهـا
.
من شـان لا تـفــرح نـفــوس الكــلاليـب
وحـتـى تـمــوت بغــيــضــها مــن بلاهـا
.
كــبــــار العـــلابي مـشـذّبـيـن العـراقيب
نـــاس ٍ هــزيـــله بالـمـــهـــازل تبـــاهـا
.
نــاس ٍ بغـيـضه تجـهــل الطيب والعـيب
نـــاس ٍ مـريــضه والمـرض من لـقـاهـا
.
خـزيـــــتـها بالعــيــن و الا الأصـاحيـب
أغـضـيـت عـنها أقـول عــلّ وعــسـاهـا
.
أفـهـق لـهـا وبالـصـدر رحبـت تـرحـيب
ولـيـــا انـتـحـت بالخــيـر نـذكــر حـلاهـا
.
تـشـرق بهـا شمـس الـوفـا دوم وتغـيب
تغـــيـب لـكـــن بـــاقــيــه فـــي وفـــاهـا
.
تبــقى وأنـا أبـقى والبــواقــي لــوالـيـب
لـــــولابـــــهــــا دوّار دورة رحـــــــاهـا
.
بوقـت ٍ غـدالي مــاش جــوه تـضابـيـب
أوضــاعـه أنـا يـاخــال قـاطــع رجــاهـا
.
قـطعــتها ولا أريــد بعــض التـحاسـيـب
يكــفـي تــرى يــاخــال مــاضي عــناهـا
.
ما شفي إلا فــوق روس الـمــــراقـيـب
لـــومــاحــة ٍ مــاكــــل راقــي رقـــــاهـا
.
مـــن دونهـا قـطـع السـهـال العـباعـيـب
ودي مـعـــك يـاخــال نـمـــشي مــعــاهـا
.
قــــرّب وحــنا يالــسـنــافي مــقــاريــب
نبـي نــــتـعـــدى يـــم خـــــالي خـــلاهـا
.
أرنـي مـتـوّلــم مـار ولّـم لــنا الجـيــــب
نــفــسي تـــرى يـاخــال جــاهـا غـثـاهـا

صح لسانك يا فهد واحسنت القول ومشكور على هذا الشعر الجزل الذي نقلنا إلى عالم البدو والبادية رحم الله العباد والبلاد بالغيث المغيث

صح بدنك يابومشعل ولاهنت ، ونشكرك على ثناءك لو انا عند ارواحنا مانستاهله ، وهي قصيّده كتبتها وانا طالب بالكليه وسبق ان القيتها في احد المحافل الذي حضرته وقد شرفتنا قبلها انذاك بمحل الوالد حفظه الله وبمعيتك مجموعة ممن حضروا للحفل

شاكر لك مرورك والله يرزق العباد والبلاد بالغيث انه كريم مجيب الدعاء

اتمنى من المشرفين تعديل القصيده بحذف الاولى واضافة ماهو مضاف في الرد هذا ، لأن الاولى نسختها من احدى المنتديات ولكن بعد مراجعة مافي اوراقي القديمه تبين لي اني عدلت القصيدة في وقتها ،ولكني نسخت مافي الاعلى من احدى المنتديات قبل التعديل ، لذلك ارجوا اضافة مايلي بدلا مما هو بالاعلى

عـسـى المـزون اللي تــدف الهـباهـيـب
يـضـفي مـطـرهـا ويـسـقي الـقـاع ماهـا
.
تـرخـي هـــمـالــيـله وتـاتــي رواكــيــب
غــربــيّ نــــوده ســـاقــها مـــن وراهـا
.
يــالله عــسـاه يـطم شـهـب ٍ شــلاهـيـب
قــطـعـة سـنـيـن ٍ والـمــطــر مـاسـقـاهـا
.
من شـرق حائل ليـن غـرب الجلاعـيـب
شــرقـي تـيــمـاء وغـربـها مـع قـراهـا
.
يضـفي عــلى النـقـره وهـاك الكـراديـب
يـــروي دحــالــه والـمــصـامــد مــلاهـا
.
يـخضـر شجـرهـا قـبـل حــرّ اللواهـيـب
وتـلـدن غـصـون ٍ يـابسـه عـن قـسـاهـا
.
النـجـم فـي جــوّ الـسـمـاء لـه رواقـيـب
تــو الـثـريّـا مـا اكـهــفــت عـن سـماهـا
.
لـيـا أمـطـرت غــرّ المـزون السـواكيـب
نـسـنـس هـواهـا وســال مـنها وطــاهـا
.
ومـن لـيـلـتـه تـلـفـيـك كــل الـمــنـاديـب
اسـتـبـشــروا بالخــيــر والله عـــطــاهـا
.
بــديــار ربــعي مـكـمــليـن الـمـواجـيـب
اللـي عــلـى الـطــولات بــيّـــن نــبــاهـا
.
ديــار ٍ لـهم في ماضـــــيات الغـيــاهـيب
دار ٍ ورى دار بــــعــــيـــــد ٍ مـــــــداهـا
.
يـاما حــمــوها فــوق حـمــر المنـاكيـب
بـعــصـر المـغـازي كـل غــازي عَـزاهـا
.
إلا غـــريــب ٍ عـــانـي ٍ لــه مـطــاليـــب
جـــاهــا يتــزبــن بـاحــث ٍ عــن ذراهـا
.
يـبــشــر بعـــز ٍ مـاتـجـيـــه الأجـــانـيب
وحــتى مـــن الــدانـــيـن يــلـقـى دواهـا
.
وســط بيــــوت ٍ كــــرّبــت بـالأطــانيـب
اللي تــحــيـّي الــضـــيــف أول قـــراهـا
.
يـلـقى بـهــا صــفـر الــدلال الـمـــراييب
بــها الكــرامـه والنــقــا لمـن لــفـــاهـا
.
صـــمــايـل ٍ يـاخــال مــاهـي تـــكــاذيب
تـبـــقـى لـــنــا تـــــذكـــار كــــل ٍ رواهـا
.
دور ٍ مــضـى والـدرب مـاعـنــه تجنيب
ولا هــمّـــنا بالـنــاس مــنهــو نـــحـاهـا
.
حــنـا عــليــهـا مـثــل حــد الـمــحـاديب
دام الإســـــلام مـــقــرّهــا مـــانـــفــاهـا
.
نـتـعــب على الطـولات يـاخـال ونـصيب
نــطــيــب حــــنــا مــانــــــدوّر جـــزاهـا
.
هــذي السـلـوم ولا نــريــد المــكـاسيب
لـكــــل الـمــلا عــقّــالـها واســفـــهـاهـا
.
حتـى الـرخــوم اللـي تـــدُور العــذاريب
اللـي عــلى الهـــزلات تـكــبــر لـحــاهـا
.
نعـطي لهـا مـن عرض مايـكسب الذيب
مـا نـلـتــفــت لـو كــان شـــفــــنا رداهـا
.
مـثـل الـعــقــاب الصـيـرمي بالمــخاليب
يـشــبـع نــســور ٍ هـــالــكـه مـن عياهـا
.
يبـــقـى مـقــره فــوق عـــالي المجاذيب
يعـــشّي رخـوم ٍ مـا تـحــصـّل عـشــاهـا
.
أقــولـها يـاخـــال و وقـــتي حـــراديــب
وأشـوف أنــا الأصـحاب بــيّــن جـفـاهـا
.
أسـكت عن الشـوفات ماابـغى التلاسيب
مااطــري لهــا يـاخـــال قـلبـي كـمـاهـا
.
من شـان لا تـفــرح نـفــوس الكــلاليـب
وحـتـى تـمــوت بغــيــضــها مــن بلاهـا
.
كــبــــار العـــلابي مـشـذّبـيـن العـراقيب
نـــاس ٍ هــزيـــله بالـمـــهـــازل تبـــاهـا
.
نــاس ٍ بغـيـضه تجـهــل الطيب والعـيب
نـــاس ٍ مـريــضه والمـرض من لـقـاهـا
.
خـزيـــــتـها بالعــيــن و الا الأصـاحيـب
أغـضـيـت عـنها أقـول عــلّ وعــسـاهـا
.
أفـهـق لـهـا وبالـصـدر رحبـت تـرحـيب
ولـيـــا انـتـحـت بالخــيـر نـذكــر حـلاهـا
.
تـشـرق بهـا شمـس الـوفـا دوم وتغـيب
تغـــيـب لـكـــن بـــاقــيــه فـــي وفـــاهـا
.
تبــقى وأنـا أبـقى والبــواقــي لــوالـيـب
لـــــولابـــــهــــا دوّار دورة رحـــــــاهـا
.
بوقـت ٍ غـدالي مــاش جــوه تـضابـيـب
أوضــاعـه أنـا يـاخــال قـاطــع رجــاهـا
.
قـطعــتها ولا أريــد بعــض التـحاسـيـب
يكــفـي تــرى يــاخــال مــاضي عــناهـا
.
ما شفي إلا فــوق روس الـمــــراقـيـب
لـــومــاحــة ٍ مــاكــــل راقــي رقـــــاهـا
.
مـــن دونهـا قـطـع السـهـال العـباعـيـب
ودي مـعـــك يـاخــال نـمـــشي مــعــاهـا
.
قــــرّب وحــنا يالــسـنــافي مــقــاريــب
نبـي نــــتـعـــدى يـــم خـــــالي خـــلاهـا
.
أرنـي مـتـوّلــم مـار ولّـم لــنا الجـيــــب
نــفــسي تـــرى يـاخــال جــاهـا غـثـاهـا

28 ربيع الثاني 1428 هـ

صح لسانك اخوي فهد شعرك ماشاء الله جزل يذكرنا بشعر ابن هذال والنجدي والشعراء الاولين وكلماتك بالقصيده قويه ومعناها قوي وهذا هو الشعر الاصيل

صح لسانك يا أخ فهد قصيدة جزلة وتم نقل النسخة المنقحة ونسخها في مكان الأولى وحذف الأولى

ياهلا بك اخوي ابوصفوان

وثناءك اخي الكريم محل تقديرنا ، اما مشعان بن هذال ومقحم الصقري فهم اصحاب الشيخات بعنزة مع محمد الدسم ، وباستثناء النجدي مشعان والدسم شعرهم غزيز ومتنوع ، والنجدي يكفيه شهادة ابن رشيد له ، لما قال لشمر ، اخصم وشلون غدا عنكم بيت هالعنزي يوم يقول نرفى خماله رفية العش بالغار ...ونجعل له النفس القويه ضعيفه
ومشعان شعره متفرد وله قصائد جميله ومتعددة في اغراضها ، اللي هالحين مسوين شيخة القصيد برنامج ، يبون الشيخات والشيخات فازوا بها اولاد وائل،
وانا يابوصفوان هاوي شعر ولااعتبر نفسي شاعر انما على الاقل نحاول قدر الاستطاعه وبعرفنا وبجهدنا انا نظهر الشي الزين ، ولاندري هو زين ولاشين ياما يحكم لنا احد ، ويسرنا انها نالت استحسانك ، واللي انت ذكرتهم اعلام ماحنا حولهم ،،، تحيتي لشخصكم الكريم

ياهلا بك يابومشعل
سلمت وصح بدنك ونشكرك على التعديل والمرور ، بارك الله فيك وسلمت يمينك

تحيتي لشخصكم الكريم