موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- - قصيدة في مناسبة (http://www.bnabar.com/vb/showthread.php?t=6940)

قصيدة في مناسبة

( قصيدة في مناسبة )

بمناسبة زيارة صاحب السمو الأمير سعد بن خالد بن محمد آل سعود لمنزل الشيخ شخيّر الدهيمان الرماحي العنزي أحد وجهاء أهل بريدة في ضهر يوم الأربعاء الموافق 26 من شهر جماد الثاني لعام 1433هـ حضر المناسبة الشيخ محمد بن عبدالله الحجاج محافظ عيون الجواء والشيخ فهد بن راضي الراضي رئيس مركز قصيبا والشيخ عبدالله بن خضير بن شامان البجيدي والشيخ رويضان العليق وعدد من وجهاء أهل القصيم وقد القيت هذه القصيدة :
نظّمـت قـافي بالصناديـد الأبـطـال=تمجيد ساس المجد واجب عليـه
سـلايـل الـلي للهـواشيـل مـدهـال=سـعـد كـفـوفـه بالـمـكـارم نـديـه
والجد خالد ليـث ممدوح الأفعـال=مجـده عـريـق وعـزوتـه مقرنيه
نسل الشجاع اللي لعلم الفخر نال=يـوم المـراجـل بالعـزوم القـويـه
خلفـة محمـد زاكي الجـد والخـال=عضيد أبو تركي عـريب السميـه
أحفاد نسل سعود سمحين الأقبال=لهم الفخر موروث ما هـو حذيـه
عوق اللدود مهديت كـل من عـال=يـوم الفوارس مـا تهـاب المنيـه
أمجادهـم تسلسلت عـبـر الأجيـال=بهم الصخى والمرجلـة والحميه
أهـل المكارم والفضايل والأنـفـال=الـلي رفـعـوا رايات نجـد العـذيه
أفعالهـم فـاقـت تواصيف الأقـوال=بانت عـلى الأشهـاد ماهي خفيـه
وأعمالهم بالطايله خيـر الأعمـال=يـا بـعـدهـم عـن الـعـلـوم الرديـه
لهم مواقف باللـزم موقـف رجال=منصى لحـل المعضلـة والقضيـه
دوم بـذراهـم يأمن الخايـف الـذال=زبن الدخيل الـلي عليـه الدعيـه
اللي زبنهم زابنن لـه عـلى اجبال=عـن العواصف والهواجـر ذريـه
مبطي لهم في عالي المجد منزال=سادوا بشرع الـلـه وسنّـة نبـيـه
ما شفت بهم اللي من الكبر يختال=متواضعين وعندهـم حسن نـيـه
الدار باجوها عـلى خيـل واجمال=فـوق الجياد وفوق كـور المطيـه
يـوم الجفا والناس ما تملك ريـال=عصر المجاعـه والحيـاة الشقيه
يـوم الخلايق مـا تجـد كيل يكتـال=ومن دار مونـه ما يحصّل وقـيّـه
هم ريفها يـوم الزمن يشده البـال=واليوم عصر الخيـر مافيـه زيـه
الخيـر حـل بدارهـم والوهـق زال=والـكـل يـرفــل بالـحـيـاة الـهنيـه
تغيـرت ببجهودهـم كـل الأحـوال=الخير عـم وطـاب غـرس الوديه
وختـام منظومي نرحـب بالأشبال=لكـم مـن شخيّـر جـزيـل التحـيّـه
أبو دهيمان الـوايـلي طيّـب الفـال=شبحـه بـعـيـد ولا أهـدافـه دنـيـه
لـه مجلسٍ مـا دوجوا فيه الأنـذال=بـه تجتمع كـل الوجوه الـرضيّـه
وله جفنة فيحا بها الوان واشكال=أنـواع من كـل الصنوف الشهيه
كم حاشي منظر سنامه تـقـل شال=بـرّك وقلّط بالصحـون الـفـضيـه
[/poem]

صح لسانك يا ابو مشعل من عادتك اظهار الثناء على الرجال الذين يستحقون ونعلم ان شعرك لايظهر الا في المناسبات التي تستحق وان ذكرت مناقب الرجال الا لمن كانو يستحقون ومعاني كلماتك من يتمعن بها وكا انها صفحات تاريخ رعاك الله لاعدمناك

السلام عليكم ورحمه الله وبركاته

عبد الله بن عبار

صح ألسانك سبك حبك طيبه بدون مجاملاه روحنا طيب أعجبتني سهل ممتنع

رفع الله قدرك أبا مشعل ،، وأعلى منزلتك في الدارين ،،،

وكما ذكر أخي متعب الفققي فعادتك اظهار الثناء على الرجال الذين يستحقون،،

فالناس على اختلاف مشاربهم ومنازعهم يحبون أن يكون ذكرهم محمودا ،،، وأن تكون سيرتهم مذكورة بالخير ،،،

وكما ذكر أخي متعب أيضا فمعاني كلماتك من يتمعن بها وكا انها صفحات تاريخ ،،، فعلا صفحات تاريخ ذكرت به البلاد حرسها الله ،،،

حالها ،،، رجالها ،،، موحدها ،،، حكامها ،،، محكوميها ،،،

فجزاك الله خيرا على ماقلت ،،، فقد قرأته كثيرا ،،،

ولك أخي متعب الشكر والتقدير على عباراتك الجميلة ،،، جعلها الله في ميزان حسناتك ،،،

تقديري للجميــــع ،،،

ما شفت بهم اللي من الكبر يختال *** متواضعين وعندهـم حسن نـيـه

.... هذا الصحيح انهم بعيدين عن التكبر .... صح لسانك يابو مشعل

صح لسانك يابو مشعل وآل سعود يستاهلون الطيب

وابن دهيمان له أفعال حميدة لقبيلته خاصة ولمنطقة القصيم عامة فهو مشهور بالافعال الحميدة

صح السانك ابو مشعل ولاهي غريبه منك الجزاله والمواقف الطيبه 0 الله يحفظك ذخراً لعنزه 000

لافظ فوك
يستأهل المدح من مدحتهم وهم أهل له بإذن الله
ومدح الرجال الطيبة شهادة موجبه عند الله بشروطها
( أنتم شهود الله في أرضة)
و الحقيقة يأبو مشعل و شهادة أخوك فيك مجروحة بأنك فرقت عن غيرك بالشمول و التميز
تلقا الشاعر يمتاز بغرض من الشعر أو غرضين إلى 3
لكن عبد الله بن عبار طرق جميع أغراض الشعر و تفوق - ماشاء الله لاقوة إلا بالله -
لا سيما قصايد المح و يدخل فيها الفخر و الملاحم و المناسبات كذلك الرثاء و الغزل....الخ
ولازال الكثير من قصيدك يجري على لسان الكثير من الناس كسند و شاهد و استشهاد
بارك الله لك في الصحة و المال و الولد

أشكر جميع الأخوة الذين تفاعلوا مع هذه القصيدة وأن مرورهم وأطلاعهم شرف لي وبارك الله بالجميع

ابو مشعل

صح لسانك وإعتلى شانك لقد أجدت وأبدعت وأتيتنا بهذه الشامخه بشموخك
وشموخ من قيلت فيه والف نعم بالمادح والممدوح
بيض الله وجهك حتى ترضى يا أبا مشعل

انقى تحيه

صح لسانك واعتلى شانك قصيده تستحق الاشاده فهي قيلت بمن يستحق المدح ال سعود نعم
بهم فهم اهل لذلك

لستم بأضيافٍ كرام بل أنتم المعازيب وأهل المقام والدار والناس جمعيهم هم الضيوف لديكم أيها الأعزاء المكرمين ، فأنعم وأكرم بصاحب السمو صاحب النفس الطيبة والمتواضعه وهذا لا غرابة فيه فهو سليل الأئمة بنو الأئمة الذين تواضعوا فأعزهم الله ورفعهم وأعلى ذكرهم في العالمين، وبجميع من جيء على ذكره، ويستحقون المدح جميعهم لو هو على ذِكرهم فهم المجربين والمعروفين لدى الأماجد الأكرمين..

ولنا بك وبجميع الكرام بنو الكرام كل الفخر والإعتزاز ..

فصح لسانك وبنآنك وأعلى الله شآنك يا أديبنا العزيز ووفقك الله والجميع لكل مرضاه ..

الفخور بكم أجمعين ..