|
المشيخه ماهي بشوت وملايين وختمٍ طلع بالواسطه والميانه
المشيخه ماهي بشـوت وملاييـن وختمٍ طلـع بالواسطـه والميانـه ولاهي بنشرالكذب وسط الدواويـن والفخفخـه والفشخـره والخيانـه ولاهي بنفخ الصدر عند السفاهيـن وتظاهـر انـه صارعنتـر زمانـه واللي تصيقر وهو ضمن الكراويـن ختمـه ومايملـك يزيـده مهانـه بكـره لياجـا للمواقفـت براهيـن وكلٍ على فعلـه يقدم ضمانـه تبي تكشف كل الأوضاع وتبيـن ويعض منهو محتـزم بـه بنانـه لا جا التناقش وانبرى الجيم للسين يرسب من اول يوم عنـد امتحانـه ينشب لسانه فاللقاء بيـن لحييـن ويـروح بأفـواه العـواذل لبانـه المشيخه صبرٍ على العسر والليـن وبذل وعطا واخلاص ذمه وامانـه والمشيخـه للـي يفـل الجناحيـن ويضف ربعه فـي وفـاه وحنانـه والمشيخه صد الخصـوم العنيديـن والحـزم والشـده لقـوم اللعانـه وان ثار عج المشكله بين خصمين يبـرك وعشـره ماتعـود ثمانـه والمشيخه بـذل الكـرم للكريميـن وبيتٍ تعرفـه قبـل لايقـال عانـه وعطفٍ على المحتاج ومغربل الدين وصيتٍ طغى مسكه على زعفرانـه شيخة شرف ماهي بشيخة وراعين شيخة كريم المجـد جـود عنانـه حكيـم ينصونـه قـرومٍ حكيميـن يستأنسـون لحكمـتـه ولبيـانـه سوالفه تشرح صـدور الحزينيـن والصدق والحكمه عوايـد لسانـه مجده مورث من شيـوخٍ عزيزيـن سـاسٍ وثيـقٍ ماتزلـزل كيـانـه هـذاك لـو مايملـك إلا ريالـيـن له في قلوب الناس قـدر ومكانـه صيته يشرف عند الأدنى والأقصين ودايم بفعل الطيب كاسـب رهانـه لامر ذكـره قالـو النـاس نعميـن وجـهٍ يزينـه الرضـا والديـانـه يغنيك عن شوفة وجيه الشياطيـن عبـادة الدينـار روس الخيـانـه وش عاد لو حطو ختـوم وملاييـن مال الردي نقـصٍ عليـه ومهانـه منقول أرجو أن يحوز على رضاكم |
انا لست بشاعر ولاكني احب الشعر الجميل؟؟؟؟؟؟؟؟؟؟
|
|
الأخ أبو زياد :
نشكرك على أيراد هذه القصيدة الجميلة كونها واردة في هذا العصر ويهمنا معرفة قائلها أن وجد كي تنسب له أو ذكر المصدر الذي نقلت منه وشكراً لك |
عز الله إنه قصد وأبدع بكل ما قال
القول واجد والحكي عند الافعال=الصدق يبقى والتصنع جهاله
صح لسانك أخي أبو زياد ولسان شاعرها وسلمكم الله من كل مكروه.. |
................................
مشكورين على المرور وتقبلوا خالص احترامي وتقديري أبو زياد |
أخي أبو مشعل المحترم الحمد لله على سلامة الوصول وارجو ان تكون بحال طيبه انشاء الله اما بالنسبة للشاعر فسوف اوافيكم بأسمه انشاء الله قريباً |
هذه القصيده أحدى قصائد الشاعر عويد المطرفي وقد نشرها في عام 2006 على ما اذكر
والمطرفي ليس من مطارفه قبيله عنزه بل من مطارفه قبيله هذيل ويلقب بعيد الهقاوي وهو شاعر معروف على الساحه |
ابو زياد . الف شكر على نقل هذه القصيده المعبره
يا كثرهم من تنطبق عليهم هذه القصيده ابو زياد نسعد برؤيتك يا ابن الاكارم |
تسلم اخي متعب وان اسعد بمشاركتك اخي الحبيب
|
..........................
,,,,,,,,,,,,,,,,, ................................... |
الكلام الصحيح يفرض نفسه وأحترامه على الجميـــــع عزيزي / ابو زياد كلّ الشكر والتقدير لشخصك الكريم دمت ودام ابداعـــــك المعهود ودّي وتقديري لك وللجميــــــع. |
.................................................. ...................................
أخي العزيز شامان لك مني كل الحترام والتقدير الف شكررررررررر على المرور الجميل |
موفق بإذن الله ... لك مني أجمل تحية .
|
تسلم اخي متعب وان اسعد بمشاركتك اخي الحبيب
|
قصيدة جزلة من شاعر جزل
صح لسانك |
قصيدة
جزلة يالذيب |
صح لسانه
قصيدة جزلة من شاعر جزل |
ولاهي بنشرالكذب وسط الدواويـن والفخفخـه والفشخـره والخيانـه ولاهي بنفخ الصدر عند السفاهيـن وتظاهـر انـه صارعنتـر زمانـه الف شكر ابوزياد نقل موفق |
ابو زياد صح لسانك
قصيدة رائعة بكل المقاييس والمشيخة لأهلها اللي جابوها بالسيوف والدم وشيوخ الكشخة مع الريال مثل الورق ولوالمعيار بالمال في حريم تملك اموال اكثر من كثيررجال و ضعاف النفوس ماتقوى ومشكور ولاهنت على هالقصيدة الجزلة والوافية يالذيب |
| الساعة الآن 12:58 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd
