|
طاروق الدحة قصيدة وطنية
بسم الله الرحمن الرحيم أهدي هذه الأبيات الوطنية وابياتها على طاروق الدحه لجميع أخواني أعضاء منتدى العبار هذا الطاروق يستخدم في حفلات الزواج وجميع الافراح وهو من المورث الرسمي لقبيلة عنزة ، يرفع المعنويات ويشعر السامع والملقي بالفخر والأعتزاز ومعاني الكلمات لها اهميتها في هذا الطاروق ولهذا الطاروق خصائص ومن خصائص هذا الطاروق بأن تكون بيوته قليلة وذات معنى كبير 0 يا ربي تحفظ ملكنا واللي للعليا سمكنـــــــــــــا ========= واللي للعليا سمكنا والكل منا سلطانــــــــــــــــــي كل خير والله صادقنا ولا ربح من هو عادانــا ========= ولا ربح من هو عادانا حتى وان عادى الجيراني ما نذكر قوة هزمتنا وقوتنا بقوة خالقنــــــــــــا ========= قوتنا بقوة خالقنا وبقوة هدى القرآنـــــــــــــــــــي وبخدمة بيته شرفنا وشرفنا باطهر مكانـــــــا ========= وعبدالله قايد وحدتنا يسلم ويسلم سلطانـــــــــــــي ويسلم الشعب السعودي اكبار وحتى البزرانا ========= ويسلم من عاش بلدنا إسلام وكل الاديانـــــــــــي بإسمي وبسم لابتنا مرحب يامشارك فرحتنـــا ========= مرحب يامشارك فرحتنا عدد رمال الوديانــــــــي والعذر كنا قصرنا وإلا اخرنا عشانـــــــــــــــا ========== وإلا أخرنا عشانا وحنا من بني الويلانــــــــــــــي صكو عليه يا ربوعي صكوا وهذي عادتنـــا ========= صـــكو وهذي عادتنا واختم بالسبع المثانـــــــــــي مع خالص الود والتقدير أخوكم خليف الدوامي ابو زيدان |
قال عبدالله بن دهيمش بن عبار العنزي هذه المقطوعة من الشعر على طاروق لحن الدحّه : أول مـا نـبـدأ الـقـصـيـدة ** بسم الـلـه مهـدي عبـيـده مـولانـا صـان الـعـقـيـده ** عن مذهب شرك وضلاله يا الـلـه يا عـالـم غايتـنـا ** أحـفـظ يـالمـولـى قـادتـنـا بـالـعـز تـرفـرف رايـتـنـا ** بالسيف ورمـز الـجـلالـه أحـفـظ ملـكـنـا وأخـوانـه ** أنصره وأخـذل من خانـه عـبـدالـلـه شـال الأمـانـه ** والحمل عـن شعبه شالـه شـال الأمـانـه بـمـتـونــه ** عـز الشعب اللي يرجونه والـلي لـه نفس ملعـونـه ** السيـف الأملـح يـحـنـالـه عـبـدالـلـه حـاكـم وطـنــا ** يـدفـع شـر الـعـايـل عـنـا والـلي ينشدنـا مـن حـنـا ** هـو والـدنـا وحنـا عيـالـه وسلطان الباسل عضيـده ** يـاعـل أيـامـه سـعـيـــــده نـفـتخـر بـطـاري حمـيـده ** يـزهـاه المـدح ويـزهالـه الـلـه يـنصـر كـل الأسـره ** ملجانـا في وقـت العسره ويا عـل اعداهم بالحسره ** والحاسد قـصده مـا نالـه للشعـب حصـون مـنـيعـه ** من ساس بـيـوت رفيعـه مـقـرن سـلايـل ربـيـعـــه ** نفخـر بأحفـاده وأنجـالـه هـم فخـرنـا أهـل الحميـه ** الـلـي يـرعـون الـرعـيــه وحنـا لهـم اخصلنـا النيـه ** والـوطـن حـنـا فـدالـــــه الـلي اكـرمونـا وعـزونـا ** حـمـوا وطـنـا وحـمـونـــا وبحـكـم العـدل انصفـونـا ** لـهـم عـلـيـنـا جـمـالـــــه لـلـه الـفـضـل والـمـنــــه ** يمشـون بـمنهـاج السنـه مـا هـو تخمين ولا ظـنـه ** سادوا فـي حكـم العـدالـه عـاشـوا حـكـام الجـزيـره ** قـادوا لـلـخـيـر المسيـره وطـنـا نـنـعـم فـي خـيــره ** موطن عـز وعـز رجالـه أفخـر اليـا قـلـت سعـودي ** وأفتخـر بتـراث جـدودي أهـل الشجاعه والجـودي ** يرسون اليا صارت قالـه يا ربـعي يـا عـزوة وايـل ** أنـتـم مـن روس الحمايل عـادتـكـم تـكـدون العايـل ** أهـل الهـيـبـة والـبسـالـه يا ربـعي يا أهل الفضيله ** أحـيـوا تـراث الـقـبـيـلــه الدحـه مـن ماضي جيلـه ** عـقـبـهـا الـوالـد لأنجـالـه الـدحـه مـبـطـي دحـتـنــا ** عـادات أهـلـنـا وعـادتـنـا هـي الموروث لعـزوتـنـا ** أصحـاب العـقـل المـيـالـه الـيـا عـرضـنـا ودحـيـنـا ** نبهج صـدر الـلي يرجينـا يـبشر بالفـزعـه داعـينـا ** الـكـل يـبـاهـي بـافـعـالـــه الـدحـه سـلــم الـقـرايــب ** يلعـبهـا الصبي والشايـب وأن حضر وقت الحرايب ** الـفـزعـه هجـن وخيـالـه يا أهل النخوه والشجاعه ** كونـوا مع جمع الجماعه تـفـريـق الشمـل قـطـاعـه ** ولا ربـح مـن شـذ لحـالـه تـرانـا أن مـا تـكـاتـفـنـــا ** جسّرنـا اعدانـا وضعـفنـا نحـمي قـيمنـا وشـّـرفـنـا ** والكـل محـاسب بأعـمالـه والـلي مـا يعـتـز بـربـعـه ** سلمـه باطـل مـا نـتـبـعـه الطـيّـب مـا يـغـيّـر طبعـه ** مـا يقـفي لـو يكثـر مـالـه الـطـيّـب بالـيـوم الـفـادح ** يـجـود ويـزهــاه الـمـادح والـردي يـعـرض للقـادح ** يـبـرز عـلـمـه بـالـنـذالـه نـفـخـر بـطـاري طـيـبـنــا ** الـلـي مـفـعـولـه يعـجبنـا بـيـت الـقـبـيـلـة مـا يـبـنـا ** ألا بـرجـال الـشـكـالـــــه |
صح لسانك يا ابو مشعل طاروق جميل للدحه لعل الربوع بعد اليوم يقومون با استخدامها بدلا من العادات الدخيله على القبيله وسوف نعممها على الربوع با ذن الله
صح لسانك يا ابو مشعل موجه لنا بكل اسلوب يثبت انسابنا وتراثنا اطال الله بعمرك . |
شكراً يا أبو عبدالله على أعجابك بهذه الأبيات والحقيقة أن شعر الدحة يجب أن يتطوّر مع تطوّر الزمن كما يجب أن ي عبّر عن الأخلاص للوطن وقادته ولا ينسى مجد القبيلة والحث على تكاتفها |
صح لسانك أخي أبو زيدان وصح لسان الأخ الكريم أبو مشعل ..
وتبي الصحيح حنا ياسبعتك مفروض عندنا حصانة ويكون معنا حق التعديل ، مار ربعك الله يهداهم موقفين خاصية التعديل يا راع العرفا .. صح لسانك عدد بلا مدد ويا علنا ندح على عرسك وحنا القواصيد تعيش وتسلم وأدامك الله بالستر والعافية . |
صح لسانك أبو زيدان
وأدامك الله بالستر والعافية ........ |
هلا أخي ابن دوهان أثرك هنيا يالله حيه والله أنك ماقصرت وكلامك صحيح المفروض عندنا حصانه تمكنا من تعديل مشاركاتنا لأننا شيبان والشوف شجر 0 سرني وجودك |
رياض سالم صح بدنك والله يعطيك العافية على المرور 0 خالص الود |
عبد الله العبار الله يطول عمرك وصح لسانك أبيات غاية في الروعة على طاروق الدحة 0 خالص الود يالغالي |
الله الله يابو زيدان
من أجمل الطواريق صح الله السانك يا ربي تحفظ ملكنا واللي للعليا سمكنـــــــــــــا ========= واللي للعليا سمكنا والكل منا سلطانــــــــــــــــــي كل خير والله صادقنا ولا ربح من هو عادانــا ========= ولا ربح من هو عادانا حتى وان عادى الجيراني ما نذكر قوة هزمتنا وقوتنا بقوة خالقنــــــــــــا ========= قوتنا بقوة خالقنا وبقوة هدى القرآنـــــــــــــــــــي وبخدمة بيته شرفنا وشرفنا باطهر مكانـــــــا ========= وعبدالله قايد وحدتنا يسلم ويسلم سلطانـــــــــــــي ويسلم الشعب السعودي اكبار وحتى البزرانا ========= ويسلم من عاش بلدنا إسلام وكل الاديانـــــــــــي بإسمي وبسم لابتنا مرحب يامشارك فرحتنـــا ========= مرحب يامشارك فرحتنا عدد رمال الوديانــــــــي والعذر كنا قصرنا وإلا اخرنا عشانـــــــــــــــا ========== وإلا أخرنا عشانا وحنا من بني الويلانــــــــــــــي صكو عليه يا ربوعي صكوا وهذي عادتنـــا ========= صـــكو وهذي عادتنا واختم بالسبع المثانـــــــــــي |
هلا أخي المشرف العام مشعل العبار - سرني مرورك العطر واشادتك الطيبة ، واشكرك على التعديل 0 خالص الود الاحترام خليف الدامي ابو زيدان |
اللة يحفض المملكة ويحفضكم
|
| الساعة الآن 08:26 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd