|
قصيدة عصماء من شعر عبدالله بن عبار العنزي..
هذه القصيدة توضح بعض الجوانب من شعـر عبدالله بن دهيمش بن عبار العنزي وهي تبلغ 70 بيت :
بدعـت القـريض وفـاض من عيلم الأشعـار ~ أصـوغ القـوافي وأرسـم الحـرف بكـتـابـي هجـوس الروابـع بـاح مكـنـون ابـن عـبـار ~ وهاضت اشجـون البال مثـل الدبـا الـدابـي ترنـم شجـي الصـوت مـن صـادح السـمــار ~ يـجـر الغـنـاء قـصـده يـذكـّرنـي أحـبـابـي ولـو غـرد الشـادي وجـاوب صـدى الأوتـار ~ لـحـون الـنغـم والـفـن مـا هـيـّج إطـرابــي سـرى الكوكب الـدري ولا زلـت انـا سـهـار ~ سهرت وسهر مثلي نديمي من أسبابي هجرت الكرى والنوم عن مـوق عيني طـار ~ أخـيـل الـنـجـوم وخـافـقـي مــال وأدوابـي بـغـلس الـظـلام أشبـاح فـكـري تـجـي زوار ~ ولا تـنـشـد الـكـابـوس وش لـون سـواّبـي اليا جـرهـد الداجـور وأقبـل عـلى المشـوار ~ وهـيـمـن سكـون الـليـل مـا تسمع مـنـابـي تـوارد همـوم القـلـب مـع واهــس الأفـكـار ~ وأهـيـم بحنـاديـس الـدجـى تـقـل يسرابـي أسوهـج مـن الحـرقـة وكـن بضميـري نــار ~ تراثــت أغـبـوني والـكـدر وتـّر أعـصابـي تعبـت وفـتـر حيلـي وكـــاد الجسـم يـنـهــار ~ ولـو نـضت أريـد أنـهـض تعـثـرت بثيابـي يقول العـذول أرتاح يا صاح وش بك صـار ~ عـلامـك تـسـوج مـن الـوهـم كنـّك المـابـي تحـاش الـروابع وأسمع النصح والأشــوار ~ تـنـاس الغـرام وقـلـت مـا كنـت بـه عـابـي دع الـلـوم يـا لعــاذل ولا تـشمـت الـمحـتـار ~ تــرفـّـق وخـلـّـك واقـعــي لا تـمـهــزابـــي عـلى حـالـي أتـركـنـي ولا تكشـف الأسـرار ~ كتمـت الخبـر عـن ساير الناس وأصحـابي أكـن الغضـب واشكـي عـلى الواحـد القهـار ~ أخــفـي ســبـايــب عـلـتـي والـلـه أدرابــي صبـرت ونفـد صبـري يعيـن الـلـه الـصبـار ~ صبرت بـرجـا رب الـمـلأ يـجبـر انـصابي ولا فـي يــدي حـيـلـه علـى جــاري الأقـدار ~ لـعــل الـليـالـي يـنـقـلـب سـلـبهـا إيـجـابـي زمـان الشقـاء أشقانـي وجرعـني الأمــرار ~ ذهـب كـل مجهـودي يخـلـف الـلـه أتـعـابي تـمنيـت مـقــصــودي وصـار الأمــل غـّـدار ~ تـبـدد خـيـال الـحـلـم وأخـطـيـت بـحسابـي خدعني سراب اللال كـل ما أقترب له ســار ~ ضحاح الضحى يزمي على راس معـزابـي كـمـا التـايـه المنجـوم تـاه وغـشـاه أغــبـار ~ تعـرقـل مسيري ويـن أبـي أوجـه أركـابـي أبـوج الفـلا سـواح مـع صـحصـح الأقــفـار ~ أدوج بـصحاري قـاحلـه وأصـلي اعـرابـي أخـوض البحـر وأبحـث عـن الـدر والمحـار ~ أفـوج الـمـحـيـط ولا يـعـبـرنـي أجــرابـي نويــت ألقـي الترحـال وأقـلع عـن الأسـفـار ~ تـمـاديـت بـالـغـربــه وطـولـت بـغـيـابــــي بـروس الجبـال الشـم مـا صـح لـي مظهـار ~ شـفـاتـي يـكـون بـعـالـي الـحـيـد مـرقـابـي تـعـنيـت أبـي مـلـجـأ بـقـمـة جـبـل سنجــار ~ أدور الحـجـأ فـي مـرتـفـع حـيـده الـنـابـي أريـد الـتـجـي لـحمـاه عـن داهــم الأخـطـار ~ مـنـيـع الـذرى يـذري عـلـى مـن تـذرابــي أبـي ظلـه الضافـي بـوقـت السمـوم الحــار ~ حـجـاي ومـلاذي حـزت الضيـق وأحجـابي شمـخ صرحـه الشاهـق وبـه للطيور أوكار ~ نجـبـت العـقـاب الـلي بصرح الجبـل رابـي نجـبـت الـذي مجـنـاه مـنجـوب من غيـمـار ~ أطـالـع بـعـقـبـان الـهـدد وأنـدب اعـقـابــي بـغـيـتـه يـنـومسنـي ولا شـبـب الـصــقــار ~ أبــي دلــوتــه بـالــصـيــد لـكـنــه أدلابـــي تـوهـمـت وأغـتـريـت بـالـظــن والأحــــزار ~ ولا أدركـت مقصودي وطيـر السعـد كابـي يـعـاف الـمـراجـل مـن نـبـا سـيـفـه الـبـتــار ~ شعــرت بـمـذلـه وأنـصـرم وتــر نـشـّابـي تلاشى رجـايـه حـيـث جـزل الجـلايــب بــار ~ أحـســبــه يـربـحــنـي ولا ســد طــّلابـــي وكيف أضفر بصاحـب يعـز الخـوي والجـار ~ الـيـا حـل كـالـوب الـلـيـالـي طـرق بــابــي أريــده ذخــيــره لــي الـيـا لاذت الأسـعـــار ~ أريــده سـنـد لا ثـالــث الـرجـل مـشـعـابـي بـوقـت الـحـرج يـفـزع ولا يـبـدي الأعــذار ~ أبــديــه بـالــنـخـوه عـلـى دانــي أقــرابــي هـذاك الـصـديـق اللـي نـعـده مـن الأنـصـار ~ أيـكـافـح عـدوي يـفـتـخــر وايـتـسـمـابــي ولا هـو صديـق الـلي بـحـقـي يـقـول إنـكـار ~ اليـا جـاء لـزومـي مـاق مـا عـاد يشقابـي الـيـا شـافـنـي يـعـرض تـقــل يـدعيـني ثــار ~ يـبـي يـنـتـقـم مـنـي الـيـا زان مـضـرابــي صـدى الحـقـد بـفـواده وبـه نزعـة الأشـرار ~ تـسـّره عـذاريـبـي وبـالـشـيـن يـسعـابــي يـدور الخـزا ويـبحـث عـن العـار والمعـيـار ~ يـنـقـب عـن الـعـثـرات لأجـل ايـتـشـفـابـي نـكـور وعــقــور وكــل منطـوقـه اسـتهـتـار ~ تـلـفـظ بشيـن الهـرج والمنـطـق الـنـابـي يـحـاول يـضـع قـدري ولـو كـان لي تـعـبـار ~ ضعيـف البخـت يـفـرح الـيـا قـيـل يحكابي اليا أقـبلـت يضحـك لـي وهـو بالقـفـا عقـّـار ~ يـرحب اليـا جيتـه وحيـن أمشي أسـوابـي أيـجـامـل ومـكـنـونـه يـشـابـه ســواد الـقـار ~ ضميـر البغيـض أسـود ولـو كـان هـلابـّي ومـن عافنـي عـفتـه وعـن صحـبتـه نخـتـار ~ مـن أقصى العـرب ولا من أعقـاب شيابي تـفـكــرت بــالـدنــيــا وشـفــت الـفـلـك دوّار ~ تــدور الـسـنـيـن وتـبـتـرم بـرم دولابــــي دلـيــل الـقـرون الــفـانــيـه بــاقــي الآثــــار ~ عصورٍ مضت مـن عـهـد دولـة حمورابي عـن أحداثهـا التاريـخ يـملي عـليـنـا أخـبـار ~ تـبـيـد الجـديـد وتـشقـي الكـهـل والحـابـي ولا أظــن بــه مـخـلـوق مـا جــرب الأكــدار ~ شـكـا مـن غـثـاهـا كـل مـعــول وعـّزابــي أشـوف بـزمـان الـيـوم مـا يـلـفــت الأنـظـار ~ عجـبـت وتـقـاليـب الـزمـن زّود إعجـابـي أشوف الثعل يفـرض على الباسل استعـمار ~ وأشـوف الغـضنفـر يـدفـع الـبـاج للجـابـي أشـوف الصعـو يـدلي عـلى البـاز بالمنـقـار ~ يـقـول انـتـبـه واحـذر شنـاكـيـر مـخـلابـي أشـوف استعـز الهـيس واستـرجـل المـكـار ~ ونـال الـعـلا الهـلـبـاج والـفـاسـد الـهـابـي أشوف الـذي خالـف سلـوم العـرب والـكـار ~ يـجـيـد التـمـلـّق يـخـدع الـنـاس وايحـابـي أشـوف الـردي كـوبـان والـهـايـف الــهـّذار ~ يـفـاخـر تـقـل حـوّط عـلى المجـد بالـطـابي أشوف الـمهايـط صـار لـه حشمـه ومـقـدار ~ يضاهي قريض أحمد وأبـو القاسم الشابي أشـوف المجـالس زي لـجـة نـزيـل اشـهـار ~ يـمـجـد بـهـا الـمـذمـوم والطـيّـب إيـعـابـي أشـوف الـمـلأ تـنسـاق مـع جـارف الـتـيـّار ~ وأحـاذر عـن العاصوف لا يـقشع اطـنابـي اشوف التهم تلصق عـلى الصفـوة الأخيـار ~ يـسـمـّون تـابـع مـنـهــج الـحـق وهـابّــي وقـبـل خـتـام الـقـاف نـسـتـغــفــر الـغـفـــــار ~ ونـطـلــب ولـي الكـون يـغـفـر لـمـن تـابـي وفـي خـاتـم المنظـوم صلـوا عـلى المختـار ~ عـدد ما نبت بالروض من بـذر الأعشابـي |
شعر حلو وبه كثير من الحكمه وماهي غريبه علي شاعرنا وفقه الله الي كل خير
|
صح لسانك يا أبو مشعل...دائما مبدع ماشاء الله عليك |
لا تعليق
كبيرر كبيرر يابو مشعل اخوك الصغير سعد العلاطي |
صــح لســان شاعرنا ... والله يحفظه
|
السلام عليكم ،،، صح لسانك يابو مشعل وماقصرت،،، |
اسمح لي ابو مشعل قريتها للمرة الثانية وانجبرت ارد عليك
بحرها الهلالي والهلالي رغم صعوبته الا اني اراه يخضع لقلمك النادر صح لسانك الى مالا نهاية فعلا عصماء الله يعطيك العافية يا بشر |
أبا مشعل ستبقى نبراسا يحتذى في الأدب الرفيع ..
دائما وأبدا ينساق لك الشعر .. وتنقاد لك القوافي طائعة .. وتتسابق لحضور تجليك .. الصور الشعرية .. فتتحفنا بالدرر التي لا يجيد استخراجها من أعماق المعنى .. إلآّ أنت . بشر العنزي زدنا دائماً من نوادرالقصائد وعيون الأشعار .. لفارس الكلمة " أبا مشعل " تقبل مروري ,, وشكري ,,, عزيزي وأخي مشرفنا الغالي / سعد مسهوج يبدو لي أن بحر هذه القصيدة ليس هلالياً , و به اختلافا بسيطاً عن الهلالي . وهذا البحر في أوزان الخليل هو الطويل : طويل له دون البحور فضائل 00000 فعولن مفاعيلن فعولن مفاعلن ويسمى في الشعر الشعبي (العامي) : الجنوبي . وكثيرا ما ينظم عليه الشعراء ولعل من أشهرها قصيدة : سرا البارق اللي له زمانين ما سرا 00000 صدوق المخايل بارقه يجذب الساري ويستخدم كثيرا في شعر المحاورة (القلطة) . رأيي فقط للتوضيح ,, ورأيي يحتمل الصواب أوالخطأ ,,, تحياتي للجميع ,,, |
صح لسانك يا ابو مشعل
فعلا هي عصماء بكل ماتعني الكلمه لله درك يا ابن عبار |
صح الله لسان ابو مشعل
وابو مشعل شاعر وأديب ومؤرخ ومهما تكلمنا عن هذه الشخصية فإننا لن نوفية حقه من الشكر لأن جميع كلمات الشكر ستبقى صامته خوفاً من التقصير امام شخصة الكريم هذا وتقبلو مني كل الود والإحترآم والله يعطيك الف ومليون عافية يابشر محبكم خالد الخرشاوي |
اقرو قصيدة سعدون العواجي العنزي لولده عقاب
عنـد الفضيلـة عـد يوميـن بحسـاب أول قراهـم قـول ياضيـف حييـت= حـرٍ صغيـر وتومـا شـق لـه نـاب وعقب القرا ودع رجـال لهـم صيـت وليـا ركبتـه ضربـة خـل الاجنـاب وانحر لنجم الجـدي وإن كـان مديـت واسلم وسلم لي على عقـاب وحجـاب سلم على مضنون عينـي إلـى الفيـت بالحال خص عقـاب فكـاك الانشـاب ينجيك كان انـك عـن الحـق عديـت قل له ترى شامخ شمخ عقـب ماشـاب وياعـقـاب والله ذللـونـي وذلـيـت وياعقاب حدوني على غيـر مـا طـاب وقالوا تودر مـن ورى المـا وتعديـت من عقب ماني سترهـم عنـد الاجنـاب وليابلتـهـم قـالـة مــا تتـقـيـت مـادام شامـخ مالـك جـرد الأرقـاب لوزيـن الفنجـال لــى ماتقهـويـت ياعقاب حـط بثومـة القلـب مخـلاب من العام فـي نـوم العـرب ماتهنيـت الجفـن عـن نـوم المـلا فيـه نتـاب وعـد الطعـام مـدوس بـه حلاتيـت عقب المعزة صرت ياعقـاب مرعـاب والنـاس حييـن وأنـا عقبكـم مـيـت من الضيم ياعقاب السرب عارضي شاب واذويت من الكثـر العنـا واستخفيـت فاتـن ثـلاث سنيـن والنـوم ماطـاب وشكواي من صـدري عبـار ةتناهيـت البيـت مايبنـى بـلا عمـد واطـنـاب متي يجينـا عقـاب يبنـي لنـا البيـت مالي جـدا إلا عضـة البهـم بالنـاب وراعيت كثر الحيف بالعين واغضيـت ارجي بشير الخيـر مـع كـل هبـاب ومتي يجونا اخوان نمشة على الصيـت |
[ ] صح السانك يا ابو مشعل [/]
|
وكيف أضفر بصاحـب يعـز الخـوي والجـار ===~ الـيـا حـل كـالـوب الـلـيـالـي طـرق بــابــي
------------------------------------------------------------------------------------------------------- اخي انت ضفرت بقلوب كل الانقيا والرجال الذين لايخشون احد في قول الحق انت في قلب واحترام كل نزيه لايجامل في الحق انت ظفرت بقبائل عنزه وفروعها ومن انتسب لها لايخذلك الا حاسد . او من الذين اشرت اليهم في هذه القصيده المعبره الى الامام ابن عنزه البار عبدالله العبار |
صح لسانك يابو مشعل , مبدع دائمآ كعادتك في كلّ ماتكتب ..
|
يعطيك العافيه صح لسان شاعرها
بيض الله وجهك |
يعطيك العافيه يابو مشعل وصح لسانك على القصيده اللي توصف حالة الامه العربيه وعسا الله يطول بعمرك ياشاعرنا
|
الله يبيض وجهك ابو مشعل على القصيده اجبرتني احتفظ فيها واطبعها مشكورر على البدع هذا
|
|
من سوالف زيد المرتعد
|
يعطيك العافية على هذه القصيدة
|
صح لسانك يابو مشعل ،
هالقصيده ، أقراها ، بشكل يومي ، كلها حكم × حكم ، قصيده ، لايعلىىىى عليـها |
صح لسانك وماقصرت وعلئ القوـه دايم انشالله
|
مساء الود
مشكور بشر على الرفع ومن الهلالي وغيره بــــــــــــــــــــــــــحــــــــــــــــــــــ ر لاحدود له .......................... تقبلو مروري |
| الساعة الآن 12:58 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd