|
قصايد شاعر الروله عشيان بن سليمان الرويلي
قصيدة الملحمه الوئليه رقم 2 لشاعرنا الكبير عشيان سليمان الرويلي أول كـــلام ً نـبـديـه بأسـم الخـلاق نسـويـه رب ٍ رحــوم ٍ نرجـيـه يغفـر ذنــوب الــزلات لـه الملـك ولـه الكـون واعبـاده بأمـره يمشـون والعسـر عنـده يـهـون خالـق سبـع السمـوات سبحـانـه رب الآلـــه ليـا بغـى شـي ٍ سـواه يأمـر العـبـد وينـهـاه مـكـون المستحـيـلات وبأسـم نظمـت القيفـان يالله نطلـبـك الغـفـران تكفينـا شـر الطغـيـان تلهمـنـا درب الثـبـات يـارفــاع المـيـازيـن تكفينـا شـر الطاغـيـن نـاس ٍ بالعالـم غاويـن أهـل السـوه والنـمـات بأسمـك ياعـلام الغيـب أرتـب قـافـي ترتـيـب نسعى بالمعنـى ونجيـب ونكتب حـروف ٍ جـزلات يالله بـســم تـوكـلـت وعلـى جنابـك دخـلـت في ظلـم عبـادك بحلـت نـاس ٍ تـدرج بالغفـلات ومن بعـد ذكـر الخـلاق نكتـب قـاف ٍ بـالأوراق قلتـه والفكـر مشـتـاق رجــادي ومـرابـعـات هـذا مـاقـال عشـيـان في وزن ونظـم القيفـان قـاف ٍ بالمعنـى ملـيـان بأهل الشيمـه والطـولات نشـرح بعـض البراهيـن حنـا شيـوخ وسلاطيـن من الشام لحـد البحريـن نقـول الهـرج الثـبـات شيخـان عـنـزه كثـيـر من حد الريشـه لضميـر ليابغداد ليـا ارض الديـر شرق ٍ من شـط الفـرات منـا المقـرن مفهوميـن اهــل الـمـد الثمـيـن شيـوخ ٍلـنـا قديمـيـن حطمـو كيـد الطـغـات وحدهـا عـبـد العـزيـز راع الفـكـر والتميـيـز بالوقـت العسـر الوجيـز حقـق لنجـد الخـيـرات وحد نجد بـروس الشلـف جمعنـا فـي حـب ولـف والمعـادي شـاف الدلـف وأمنـا بـكـل الجـهـات وحد نجـد بهـدي الديـن وابعـد عنـا المشركيـن بسـنـة رب العالمـيـن جمعنـا بأمـن وخيـرات جعلـه بالجنـه مـثـواه الله يـطـيـب ثــــراه فـي قــدرة رب الآلــه بالجـنـان النعـيـمـات ليا جا المعنـى بالتفسيـر هو اللـي يذكـر بالخيـر ريـف ضعـوف ٍمقاصيـر وخصص للعاجـز عـادات وخلـف ربـع ٍ صنـاديـد حكامـا ًبالمعنـى تفـيـد مشـوا بالديـن الحمـيـد والمشاريـع الضخـمـات المقـرن سـاس الأبطـال شيـوخ ٍ يضربهـا أمثـال من الجنوب ليـا الشمـال من سلوى لحـد القريـات أخـذوا بالمجـد صكـوك والفخـر لهـم مـتـروك مـن الخليـج ليـا تبـوك لهـم فـعـول ٍ ثميـنـات طـورو الشعـب بعمـران وفلـل تبـنـى لسـكـان والـمـزارع بـالأركــان ناخـذ دفعـات وشيكـات نـعـم ٍ والله بالسـعـود أهـل الفعـل المحـمـود حكامـا ًتــد المجـهـود مـن العصـور القديمـات نجـد حكموهـا بالسيـف ومشـوا بالديـن الحنيـف بهـدي القـران الشريـف يـصـدرون التعليـمـات ومنـا أمـراء الكـويـت شيوخ ٍ مبطي لهم صيـت نعـم ٍ والله ليـا لفـيـت بالصبـاح أهـل الطـولات ونذكـر شيـوخ البحريـن سطام العايـل والطاغيـن شيـوخ ٍ ماهـم خفيـيـن الخليـفـه بالـلـقـوات وشيـوخ عنـزه كثـيـر مانحصيـهـا بالتعبـيـر يطول شرحـي والتفسيـر لـو أعـددهـم بـالـذات نعطي نبـذه عـن نـواف كريـم وحسيـن أوصـاف ونلاقى خصمـه ماخـاف يـروي حـد المصقـلات ومنـا المجـول والطـراد سطـام بطيبـه معـتـاد ومشهـور وربـي شهـاد لهـم فعـول ٍ مذكـورات فهـد والشيـخ السـطـام والشيـخ النـوري جـزام وخلـف خصمـه ماينـام يـوم الهقـوه واللقـوات وأبن بنيـه وأبـن نصيـر أبطـال لهـم مشـاويـر لياصـار اليـوم الكبـيـر لهـم بالهـيـه هــدات ومنا أبن عيطـا وشهـاب زحـازيـح ٍ مـاتـهـاب لهـم فعـل ٍ بالأجـنـاب تشفـي كبـود ٍ غليـلات وأبن دغمـي راع الجـود وحتى أبن معبهل وسعـود شيـوخ ٍتـدي المجهـود بالـظـروف العسـيـرات والخـظـع والحمامـيـد أهـل الفـعـل المجـيـد أشيـوخ ٍ تزهـى الحميـد وأهـل عـز وجـمـالات وأبـن غشـم والقعـقـاع ليا حصـل وقـت النـزاع حمايـة شقـح الأقـطـاع من فوق ظهور العجـلات والكويكـب بالتوصـيـف شيـخ ٍ بالملاقـى يخيـف وأبا الوكل ريـف الضيـف بيتـه للعـاجـز مـبـات ومنـا المجـول والسطـام شيوخ ٍ من سـاس كـرام قـادوا سلفـان وجـهـام حماة المركـب بالشـدات ومنا الزيـد وابـن هـزاع بالملاقـى تقـل أسـبـاع يخلـون القلـب الرعـاع يصيبـه رجـف ودقــات وأنشد عن الشيخ أورنـس سبع الغابه مالـه جنـس بالملاقـى ماهـو ونــس مظاريـبـه عطـيـبـات وأنشـد وتلقـى الغبـيـن بالمـكـارم صـاعـديـن يامـا عطـوا مـن ثميـن نـعـم ٍ والله بغبـيـنـات وأنشد عـن أبـن نحيـت أبو كاتـب شيـخ وقيـت يرحـبـك لـيـا جـيـت وتاخـذ عنـه ملحوظـات وأنشد عـن أبـن حنيـان شيـخ ٍلفخـذ الربـشـان يامـا قـاد مـن الكـوان يـوم عصـور القوامـات والفليتـي وأبـن حــزام وأبن سعيـد وابـن دهـام والديـدب لربـع زمــام لهـم بالفـكـر مـيـزات وابـن موينـع والمجـلاد وأبن صعفـق لـه أمجـاد شيوخ ٍ مـن تـرث جـداد لهـم سجـل ٍ بالصفحـات ومنـا الجنـدل والطيـار شيـوخ ٍ لـهـم مـقـدار أهل الشومه وأهـل الكـار فعايـلـهـم مـجـيـدات وأنشـد عـن أبـن هـذال يرسي كما يرسـي الجـال ون جـا للهيـه مـجـال حمـاي لتـال السـاقـات والمرتـعـد والـرشـدان شيوخ ٍ من ترث الويـلان لهـم دلـيـل وبـرهـان بالتـاريـخ وبالـتـورات ومنـا قــروم ألأوالـيـد أبن ملحـم وأبـن مهيـد واحدهـم بطـل ٍ صنديـد ريف العجـز المقصـرات ومنـا المرشـد والفقيـر والمصلب ريـف القصيـر لهـم فعـول ومشـاويـر يـوم السبـايـا دكــلات ومن ابن سمير المصطـور وابن مهلهـل والمشهـور شيـوخ مضـى لهـم دور يزحمـون الشخصـيـات ومـن الايـدا وبلاعيـس شيوخ وباللقـوه فريـس يتعـبـون المحـامـيـس لهـم وجيـه ً سفـيـرات واذكر بالفعل أبـن هديـب وابن جاعد وأبن عضيـب وابـن شافـي والخطيـب والرهاطـى وعطيـفـات والعواجـي راعـي الكـار والـهـزاز ٍ والأمـــار وأبن موقـف لـه أذكـار وابن مهنـا لـه جـودات وان معـجـل واليعـيـش وابن القلفـى وقعيشيـش وابن عسكر وابن خميـش وابـن جبـل وجميشـات ومنا الشيخ ابـن ضبيـان وبـن مقحـم وجــلادان وبـن حمـرون وبرخـان وابـو بـكـر وهــولات وبن تويجر وبـن مجيـد وابن شتيوي وابـن عيـد والرعـوجـي بالتوكـيـد والشليخـي واحسـنـات ومعيتقل وابـن فحيحيـل ومبـارك وبـن دعيبيـل واخو بقشه وابـن حكيـل وابـن سعـدي والـوزات والشقـاوي والوطـبـان والضويحـي وان ريمـان وبـن معجـب والنمـران والظفـيـري ومحيـنـات وبن ابن بطيحـا معـدود وابن حريميـس وجلعـود والغـرو حـام الـشـرود والنجـدي سبـع الغابـات اونـادي وابـن شـامـان وبـن طوالـه وعرابـان وبن حضيري وحميضـان والقحص افعولـه جمـلات وابـن قنفـذ والعـمـران والديـري وابـن عجـلان وابـن نحيـف البـطـران وان غـافـل ومعيـنـات منا ابن عرفج وابن ظهيـر وابن وايـل وابـن حقيـر وابن معضب وابن عريـر واخـو بقشـه وجـبـلات والشليتـي والمنـصـور وابـن غشـم والفاعـور ومنا ابن الياس المنعـور ومنا ابن عضيـب بثبـات ومنا ابا الروس من العصب ومنا ابن حميضه و القصب ماهـو لاهـزو ولانصـب من وايـل ماهـي زيفـات فعـل وايـل مانحصـيـه كثيـر ولانــي حـاويـه واللـي يجهلنـي ياهيـه أكثر من رومـل حومـات مـن الحاظـر والقـديـم بهـم كـم شيـخ وعديـم بهـم ابطـال وصواريـم ولهـم افعـول وذكريـات وايـل جيـل ٍ ورا جـيـل من عدنان ليـا اسماعيـل وهـم رجـال مشاكـيـل لهـم نفـوس ٍ عزيـزات لانـخـون ولانـبــوق ولانتبـع سلـم السـروق وعـز وللمعـادي عـوق وفعايلـهـم مـجـيـدات واختم هرجي بأخـر قـول بصـلاة ٍ علـى الرسـول عدد طـش مـن الهملـول مـن السحـب الممطـرات |
صح لسان الشاعر عشيان النصيري على هذه الملحمة الضافية وشكرا للأخ الفاضل على النقل ونوادر القبيلة ورموزها يستاهلون الأشادة والثناء
|
صح لسان الشاعر عشيان الرويلي ، وهو من ابرز الشعراء الذين دافعوا عن عنزة وفي مقدمتهم ابن عبار ،ولايهون ا بن عويد ، وابن متروك
وانا الحقيقه لما قريت القصيدة طرت علي قصيدة ابن عبار اللي بها ،،، حنا يوم عصور الحرب ، تبخنا وتدل الدرب نطلا عدانا طلي الجرب ، ودوم نياقه ماخوذات مبطي عنها مار اتذكرها ، وكذلك الشاعر عشيان له قصايد اخرى كثيره سبق وان اطلعنا عليها ، |
اقتباس:
شكرا ً على المرور والمتابعه وصح الله بدنك يابن عبار |
اقتباس:
مشكور على المتابعه والمرور وصح بدنك |
انتاج 2000لشاعر الروله عشيان سليمان الرويلي
سميت باسم مطوع من بغى الكيد محيي هشيم ٍ من بطى الوقت رديا وان جاب سيل من ثقيل الرواعيد ركّز مزونه والشمالي رعديا يا معيش ٍ طفل ٍ على ثمرة الديد يشرب حليب ٍ صلح من جوف ثديا يارب يالمعبود ياخير السيد بهداك تهدي من طلب منك هديا جتني ذلول ٍ مرسله صوب توكيد وركابها عن صوب بيتي نشديا عقب المهيّل والعشى لحظة ً هيد شفنا وعرفنا وكل شي ٍّ ركديا ابن الخضع منصور في مدحنا يشيد ياللي على روس المثايل تمديا حر ٍ اليا ورد على الصيد توريد يودع بذاذ الريش شتا ً بدديا لكم وقار ٍ عندنا وعهد تجديد ولا تتسمع من كان يبي يحسديا والنعم بالخضعان ماهم رعاديد حيث الفرجه مجلنا ً مستنديا مفراس يقطع متينات البواليد ولطامة ٍ خشم العدو يا نسوديا مثل العسل طازج ولافيه تجميد والا شبيه الذهب يا نقد يا إعطيك راي ٍ يلمس العقل ويفيد وحكي ٍ بلى برهان مايعتمديا هون على قلبك هموم ٍ لها ميد واطلب ولّي ً بان درب الرشديا إياك عن حكي العرب والتراديد ولا تستمع حكي السفال المرديا ولا ترافق اللي بالطبايع مفاسيد من رافق الفسيد معهم فسديا تشود في عرض الملا دوم تشويد وقريب وقت الازمات تهبديا والعدل اللي ما تنقضب بالمساعيد تقرط وترمى مع قديم الوهديا والمجلس اللي به اسماعيل واسعيد بعدك عنه يجلي عن الكبد صديا قبلي ذكرها محمد ٍ وابن هربيد عن مجلس ٍ يغثيك بس ابتعديا والناس طينه والطبايع تعاديد وكل ٍ بطبعه راغبا ً والتحديا والغرفه اللي يدخله ريحة الريد كل البشر من حول ذاك يهبديا ياعاد مايذعذع بها العود تنويد ماظن راع الكيف بها قعديا الطيب صبر ٍ واجتماع ٍ وتعويد ومن ماشعل مقباس ناره سمديا يصعب على هزل العزيمه مجيحيد ويسهل على من قاد حبل القلديا للطيب وكر ٍ وللرذيله مقاويد ومن طلب العليا سهر ما رقديا بهم عن جروح الليالي ضواميد وفيهم شواك ٍ مؤلمه للكبديا يالقرم ياللي صادق ٍ بالمواعيد لكم وفانا في ضميري خلديا وحنا روله من دور وايل بتمجيد وتاريخنا بالسادسه ينوجديا وحنا روله من زايد اجلاس تفنيد اللي قطع سبع السباع الاسديا وحنا روله وان صارللفعل تعديد كل ٍ يعد افعالنا يا نشديا وحنا روله وان صار للمال تهديد من دون زينات الحليب نحنديا وحنا روله وان صار ضرب البواريد مضرابنا تصعب عليه السدديا وحنا روله وان صار طعن المهانيد سيوفنا بظهر العدا تنغمديا وحنا ورله وان صار للدرب تمهيد نمهد طريق ٍ قبلنا ما نمهديا وان قدم المركب بريش الهداهيد بين الفدين وبين بصرى عرديا وافطن ترى حزام الظهر له مجانيد ومحزم بليا جناد ماينعقديا وحنا عنزه فزعة ضنا بشر وعبيد وعمّار حنا فزعته يا ضهديا ولنا على دور الصحابه ملاكيد يشهد لنا التاريخ ما ينجحد يا ولو الزمان اللي مضى للورى يعيد الراس يطلع والذنب ينسهديا دور الدريعي ودور سطام وفهيد لعيون حصه للمنايا نرديا لعيون حصه ما تذوق الكعاديد دجنا بدجله والنجف والثمديا من حفرة النقره عن الشط مانحيد وراع الجماله بالجماله يبديا هذي علوم مطوعين المعانيد وهذي سوالف كاسبين الحمديا نعطيك موجز ونقصر الشرح مانزيد سوالف ٍ ما ولفوها الهرديا ماهي مذمه للعرب وآهل الجيد كل ٍ بحقه وافي ٍ ولا شرديا ومن قال انا غلاب حظه مقيريد الغالب الله ربنا ينعبديا اللي رفع سبع ٍ بليا- عواميد وهو الذي لسبع الاراضي مهديا مشفي اجسام بلى علاج ٍ وترقيد ويريح جسم ٍ بلى دكاتر ضمديا يالله طلبتك ما الوجيه المصاديد يالله ذراك ورحمتك يا سنديا الدنيا تشبه تمرة ٍ فوقها زبيد طعمه حلو وان ماع ما ينزبديا وركبت لي شيكت بارض مدريد صاروخ صنع الفين ما ينطرديا امنجد ٍ فوق الكنابات تنجيد وقماش شكله بالعجب ينوجديا تصميم واشنطن والفكره من سويد وجهازها من الروس توه ورديا حديدها فولاذ والنوع ترنيد وسواقها سعودي عليه اعتمديا من عندنا صرد كما الطير تصريد ولاقيل سواقه عيونه تنديا تسمع صدى صوتها مع الجو له ويد نجم ٍ ضرب راس الجبل ونهدديا منصاه منصور الخضع بالتحاديد هوّد وهيد عند بيته وهديا عطه خطاب مع سلام ٍ بتعميد وقله معاكم بالرخا والشدديا كان انت شاعر حنا معكم رواديد وبير بليا عد ما ينورديا جنت حالي في لوازمك تجنيد هذا صحيح ٍ على الشارب جمديا ويا سايق الصاروخ مافيه تمديد بعد ثلاث ايام يالقرم عديا عطني الصمايل منك برويد برويد وش ها اللي حصل بعدنا يا بعديا وان كان ماجيته يا عساك ماتفيد من صنعة الصاروخ ما نستفديا عندي لكم بالصحف نشره وتنديد بين العجم والترك وايظا البوديا من شان ترجع للولايات وتعيد ارجع ياعل محركك ينبجديا المال عندي والمصانع رواجيد مليون مع مليون مصنع يشديا نبي لفرنسا جوها حليل وبريد ومع شركة الميراج نبي انعقديا بها جهاز ٍ مع محطات توليد من خوف يطفي الكهربا يا صعديا ناخذ جديد ونطرمه ميّة السيد ونشهر بها للصين ما ينقعديا وليا خلص تمرين صنع النماريد نجيبها بحروفنا الابجدديا ثم حولت بهديب لها مقاصيد تسأل لها عن غالي ً ينقصديا ابو عبدالله شرقي هديب تسنيد تدعيك ناره كان ظهرك برديا وان كان هو كشات يم الفراريد الجيب عندي والطريق أنمسديا ياجيت عنده يافتى الجود يارشيد عنده خذلك راحت ٍ وأمتدديا تلقى المفطح والمطحن مراجيد والعين تشبع قبل بزادك تبديا جسد علاقتنا مع القرم تجسيد ولا يدخله شكات لو يبتعديا وعفات دلي جاه منا موافيد حيثه يكرم وفدنا يا وفديا له عندنا قيمه وقدر ٍ وتوديد وعساه بمساعد يفوز بسعديا حيثه مع منصور ليه عواضيد والناس تدري بالسمل والجدديا يا غابط ٍ دنياك ماتازن عويد آخر زمانك للنعش واللحديا قاله سلامه بين عرنان ومشيد اليا شاب رجل ٍ ما تنكس ولديا يذكر بها الربشان هم والحماميد وغشوم بلبس دروعها والجعديا والعمر يامطيلق ماهو سراميد لابد من نبت غصونه همديا يالله سترك ياعضيم المجاويد ياواحد لك الصعيب يتهديا وختمت قاف ٍ ناظمينه علىأيد ليا منتهت في آخرالشطر أديا وصلاة ربي عد جد الحواصيد على رسول ٍ للشريعه قوديا . عشيان بن سليمان |
لشاعرالروله عشيان بن سليمان الرويلي
خوذو نصيحه يالقلوب اللبيبه نصيحة ٍ للفاهمين محبوبه لو أن بعض الناس لاشاف عيبه تكفيه عن سب الأوادم عيوبه وش له بعرض الغافلين يحكيبه هو ليه مايحسب عظايم ذنوبه حصيلته بالهرج نمه وغيبه وهو يدري أن كل الخطايا محسوبه هرج ٍ بلا فايده وش تبي به الناس !! لاسمعوا كلام ٍ حكوو به ياعاد تفرح للعرب بالمصيبه لا بد من يومن تجيلك عقوبه يا غافل بدنياك ترهاا مريبه تصدق معك يوم ٍ ويوم ٍ كذوبه مره بعيده منك ومره قريبه ومرات في موج ٍ تصافق هبوبه مايحصل له ملجأ ً يلتجي به ليا حلو ديانته واقتضو به يترك أهله والحلال .. وقريبه ولا يحصل الا خامة ٍ قدر ثوبه وين الثريا غربت والجنيبه وين السلف أهل الفخر والعروبه والناس طينه والطبايع غريبه لو هي جميع ٍ مايتوحد قلوبه كل ٍ يحصل ما أكتب له نصيبه والله غفور وقابل ٍ كل توبه |
خيرة المشوره لشاعر الروله عشيان الرويلي
شفت الخبل ماهو اللي فيه خبال ترى الخبل من تقدى بالخبول خلق ربك لو تطابق بالاشكال ماتطابق بالخصايل والفعول خذ شوار ٍ من صناديد الرجال اللي تبرك باللوازم للحمول إن بدالك لازم ٍ ترفى الخمال وان تبعت السنع حطولك قبول لاتحاول .. لأ ..مافيها جدال لو حاولت الناس ترك ماتحول خلك ترجح بالموازين الثقال لا تطيح بوسط ميزان البطول بالعريضه والقصيرة والطوال لاتدخل وانت ماتعرف الحلول السوالف اذا مالها مجال لاتسرع مالا يعنيك وتقول إن حكيت وقلت شي ٍ مايقال يجرحونك وتغدي منهم زعول وكل اجابه تجي من بعد السؤال إن ماحسمت أمرها يمكن تطول الرجال مشبهه مثل الجبال يصعب عليك الصعود من النزول لو طلعت العالية روس التلال قبلك ناس صاعده روس التلول الحقيقة ما تشبه بالخيال وكل فاهم يعرف دروب الاصول اسألك عن حالة ٍ في كل حال إن مشيت برايها صرت محبول وفيه شي ٍ لو تشيله مايشال وأن أشلته تحتفظ به بالوصول قلت لغز ٍ مثل من عرض الامثال إن حليته يصبح الغز محلول شف سهيل يمين والجدي شمال والسنه يطلع بها اربع فصول فكر في دنياك وتشوف الهلال كيف ينقص كل ماهل مهلول من يدور بالبشر شد الحبال شد حبله وان اقطعه مايطول لاتعميها بين عين وبين دال ليا عميت العين مايفيد الكحول من لايعرف العمام من الخوال أسهجوه الناس وخلوه مهبول لاتحسب أنك كامل ٍ فيك الكمال الكامل الله اللي حكمه مايزول عز شانه ربنا عز الجلال رازق الأعباد وأبن ادم عجول نرتجيه ونطلبه رزق الحلال نستعينه مانستعين الكسول والختامه مسك بختام المقال نطلب الخلاق ونطيع الرسول |
شاعر قبيلة الروله عشيان بن سليمان الرويلي
يراكب اللي دق مفتاح زره السيف والنخله معالم شعاره عبى وقوده والمحرك يسره رجه الكابتن وأرتفع من مطاره يوم أرتفع بالجو حدر المجره عبر الجهاز يذيع طقس الحراره معه خطاب ٍ من صديق ٍ مبره عطه أبو وايل لايطيل أنتظاره ياحمود شوف العين مايفيد مره ياعاد زرعك ماتقطف أزهاره خل المعاضب وأتركه لاتمره وش يجمع البدوان لأهل العماره ماكل من غاص البحر جاب دره ولاتاجرا ً مضمون عنه الخساره لو درت مدنه مع صحاصيح بره لو تنشهد أهل الباديه والحضاره ماحصل العشاق مثقال ذره ماحصلوا بالحب غير العزاره الحب بلوى وأبتلانا بشره وياليت حطو للمحبه وزاره أبي اشتكي وأخاصمه لايتشره ماعاد تقبل حجته وأعتذاره حلفت غير أخاصمه واستقره أبى اسجنه واحط فوقه خفاره حيثه سقط بالكبد والقلب حره بقصى الضماير موجس حر ناره اللي ذبحني بالمبيسم وغره وايضا ً سلاني ضحكته والقماره ياليتني مرتاح والنفس حره ولاتذوقنا العنا والمرارهٍ عشيان بن سليمان |
قصايد شاعر الروله عشيان بن سليمان
الصدر ضاق وقام فكري يهوضي وبديت حسب ما أعرفه بأعتراضي ودليت أنا من فيض نبع يفوضي شط الفراة بداخل الصدر فاضي قاف ٍ بدعته ماتقرض قروضي حيث البحر بالوُرد ما قيل قاضي بإذن الولي خلاق خمس الفروضي الواحد اللي في عباده يقاضي القلب من هرج الحواسد يجوضي وفصحة ما كنيت والفكر هاضي ناس ٍ على عرض المقفي تخوضي بين الأحبه يرثون الأبغاضي الناس فيهم (يادخيل)مغموضي لهم مقاصيد ٍ بشضف الشضاضي لاطيع هرجة مبغضين الحضوضي أهل وجيه ً مايغشاها البياضي الواحد يمرى في كثير ألفوضي من شان يقضي حاجته والمقاضي هذاك وقت اللازمه ماينوضي وليا بغيته في لوازمك جاضي مايقترب ياصار ماك مخضوضي يصير عن العاليه برفاضي يعاد عن الطيب دايم يضوضي خله يولي فالت الفكر فاضي أسأل مجرب وأنت فكرك يعوضي قرم ٍ صميدع ماضي لك مواضي عن المراجل ماأنت رجل غضوضي تبذل جهودك يوم يبس اللحاضي خاويتكم وأعرفك حوض ٍ وروضي عشرة سنين ٍ حافظينه حفاضي عساك عن جور الدهور محفوضي في جاه محيي مرمسات النقاضي يا أبن هشال أعطيك راي معروضي وكل ٍ بعرفه يافتى الجود راضي وصلاة ربي عد برق ٍ ينوضي على النبي أعداد نبت الفياضي عشيان بن سليمان |
شاعر قبيلة الروله عشيان بن سيمان الرويلي
وش رايك في حالتي يا ابو سلطان العصر شفنا شوفةً تخلف الظن شاهدت لي ناسٍ على شكل غزلان ظبيين مرن قدمنا ويتبارن مصورات خشوف في نظرة انسان سبحان ربٍ يا عطالله خلقهن اليا نظرت الزول والجسم وعيان خطرٍ عليك من اختلاف التوازن قرونهن شقرٍ تغذت بريحان والمسك معهن والشمطري خلطهن قلت اه يا ظبي الفلا فيك حيران كيف الظبى في وسط الأوُناس يمشن قالن وش اسمك قلت اسمي عشيان قالن علامك تقصر الصوت وتون قلت ابغي لكن مرافقٍ كل الاحيان وبالليل نومي بينكن لو سمحتن واذوق من طعم العسل بين الاسنان في مبسمٍ ريح النفل فيه له بن خلك في شانك وترك فلان وفلان مالك ومال الناس عالي وطامن لاتعترض شخص ً مع الغير شقيان ومن راقب العالم من الهول يمحن مطلبك يابن الناس عسرٍ ولاهان وبعد النجوم اللي ربي اللي رفعهن قفن وشاحن بالعبايا بالايمان وقالن وداعاً ياابو بندر وراحن عزي لمن مثلي من الحب هيمان وش عاد لوني عليهن محزن الحب قبلي يشتكيه ابن عدوان وابن الخفاجي موتته والسبب هن وابن سبيل والعطاوي وراكان والقيس راح من اجلهن داخله جن وأنا شربت من الهوا صاع مليان شربت صاع وصاع ثم شارب ٍ طن |
عشيان بن سليمان الرويلي شاعر الروله
احترت بالحاير بكثر التفاكير صبري قضا ماعاد عندي عزايم ان جيت ابا أجلس وان كنت ابا سير فكري يتعبني وانا اتعبت القوايم عدي كسير طاح في قاعت البير أقرش مقامه والرشا والردايم ولاسباح ماعرف جيهت السير دش البحر باليل والموج عايم بغى النجاه وضيعته المعاصير فقد حياته عقب كسب الغنايم ولا مريض ماعرفوه الدكاتير قالو طريح فراش ماهو بقايم باشاعة ليزرماتبين التقارير لو عالجوه علاجهم مايلايم ولا سجينآ حط دونه نواطير صدر قراره في عدة جرايم على اللذي من حبهم كيف ابا صير القلب غاديً من سببهم قسايم خلى بعيد من ورى هديب وصوير بضهيرة الصقار غرب الخرايم ياما حلا نطت تليل الصقاقير حزة غروب الشمس والجو غايم وطرقت شوفي مع ذيك الحثابير واشوف بيوت مشيده بالعدايم وشفته قدام البيت عند المصاغير متخصرآ بين الجلد والفطايم ومشجرآ ثوبه من الورد تشجير يشكنه اللي مثل بيض الحمايم طيفه تصور لي اذا نمت تصوير دايم يهرجلي اذا كنت نايم ياشب قلبي شبة النار بالكير نارآ تلضى يابسات الهشايم مافيه يوم مر ماهني الطير اللى على روض المحبين حايم هذي ضروف ايامنا والمقادير هم ٍ وغم ٍ فوق راسي تلايم باليل انا والقلم والتعابير سهران حتى كوهفن النعايم صبرت حالى عن هوى النفس تصبير ولا اطيع انا في حبهن كل لايم نبغى وصوله لو لحقنا مخاسير قلبي على قرب اريش العين هايم الكبد ياسليمان عيت عن المير كنه بشوب بحايمات السمايم ياسمرها سمر الخشب بالمسامير ياحشه حشت حشيش القصايم افزع لنا بشورًوفكرآ وتدبير يفداك عفنآ ضاريآ للنمايم حيثك فهيم ومن رجال بهم خير ولا الردي عن هرجته تقل صايم نعمين وان قالولكم عزوة مطير عساك تبقى يابن الاجواد دايم وصلاة ربي عد خط الاساطير على النبي اعداد ماهل غايم |
ياحيف والله يالزميل أبن دلي كان الكلام اللي وصل منك مسبوت جانا الخبر مع واحد ٍ مرسل ٍلي صديق منكم يمنا كان منعوت قلت آآه عسى فيه علم ٍ يسلي يقول لي بع الغنم وألبس بشوت قلت الغنم به عيب يالقرم قلي عطني دليلا ً يابن الجواد مثبوت حيث الصحابه مع طرفها تفلي يمشون معها بدون كزمه ولاكوت وشف سعرها بالسوق فيها تغلي من أقصى الخليج ألى مشاريق بيروت وقنيتها ماقصد كثر ٍ وقلي باغيها لياجو النشامى لهم قوت أمفطحات ٍ بالصياني يتلي والأزهري من فوقهن دوم مكتوت كار النشامى يالخوي عادة ٍ لي نبغى الفخر قبل يجي مالك الموت وبعض المجالس مابها فايدة ٍ لي لعابة ٍ فيها مع الهند بيلوت لهم خواطر مكتمات ٍ تعلي ياجيتهم تلقاهم صموت وسكوت ماقام لو يسمع نداةالمصلي وأذا سألته صد يمك . عقب صوت هواي باللي مركبه جايز لي ولاقيل بأن محركه يصرف زيوت قيرين فيه ونطرم التنك فلي نمشي مع البيداء مسانيد وكتوت نركب عليه ليا بغينا نملي أحسن من سيرة واحد ٍ يخرب بيوت وأم العذارا ياعفات أظحك لي ومن قبلنا قال العواجي على نوت ياما لقيته بالغتارى تجلي وكم ساعة ٍ قالت تفضل ولاتفوت عيونها سود ٍ هدبه ن مضلي وثمانها بيض ٍ تقل حب ياقوت قلت آآه قلي ياريش العين قلي أنا طريح من الهوا ليه وقوت قالت لو أن تجي ديرة حولي والصين مع باريس وديار جابوت راع الهوا ماله طبيب ٍ يدلي طب الهوا رص الشفايف بلا صوت قلنا صحيح وعطني دواي يلي حبك سلاني والحشى صار مبهوت ياما أعقدلي بالهوا وأفتل لي وفرقتهن فرق المعادن عن التوت |
بديت بالي خالقٍ كونه اصناف مهد النفوس وللفضيله ومرها خلاقنا ولاسرار الأعباد كشاف وكلٍ عمله شاهده ياحشرها برضاك يا المعبود في كل ميقاف اطلبك نفسي بالايمان تعمرها ومن بعدها نبدا المثايل على قاف من شاعر عسر القوافي سخرها احلى من نقد الذهب عند صراف واحلى من نبت الفياض وزهرها حنى ادعينا لحفلت الشيخ نواف وبدون دعوه يادرينا نحضرها هو شيخ شمل رويل قواد الاسلاف زيزوم قومٍ نفتخر في فخرها ربعه هل العليا على العز وقاف ضد العنيد ليا تنثر حمرها لأجل المعزه جوه من كل الاطراف ما همهم كثر متاعب سفرها ياما قطعنا من المسافة بالآلآف من الصبح لياما طبقه في بحرها جياناك زياره مالنا قصد واهداف فرصه سعيده شوفتك نعتبرها جمع معزه مابها كل لفاف جمع محبه لنفوس تغمرها اخوانك حرارمرقبه كل مشراف افعالهم بالطيب كلن ذكرها نسل الفواز الصيرمي حسن الوصاف نضراتهم بعيد محد نضرها لنا الشرف لنا الفخر يا بن الاشراف ب أرض الرياض وعسى ربي عمرها با رض السعود اهل الشهامه والرياف من صكته ضيم اليالي نحرها ارض السعاده و الشهاده والأنصاف ارض الامانه والطمان لبشره مساجد حطولها شؤون الاوقاف وحامين مكه للسلام تعمرها للحق ميزان ولسيف سياف وللصاحب احلى من هواتف مطرها المملكه من دونها مصقلن حاف فهد ملكنا يا ضلمت هو سفرها وعبدالله الي مزبن كل منخاف سلطان درع للدفاع وذخرها وحنا خدام المملكه سر وأكشاف وابليس يرجم في حصات نثرها وصلاة ربي عد ما بلحرم طاف من خاطر عشيان باسمه نشرها |
يامل قلب ٍ صابه الفين لاوي نوب ٍ يهوم ونوب تكثر شبوحي لو اتمنى ماتفيد المناوي كن الها في وسط صدري يفوحي بلاي غرون في وصوله قطاوي الصاحب اللي جادني بالمزوحي ابشتكي لك ياعيون النداوي حيث ان راع الحب قلبه نصوحي دواي عندك وانت ليه مداوي وانت اللذي بالحب تبري جروحي وانا اللذي من ساس حبك هواوي وانت اللذي بالحب قلبك رجوحي وانا اللذي بالحب قلبي شقاوي ياعل قلبك لي ماهو شحوحي حملتني يازين هم وبلاوي هموم عيت عن ضميري تروحي خليتني محتار جالس خلاوي ما عرف خسارتي من نجوحي شفي بكم من لابسات المزاوي يابو خديدن لون برقا ً يضوحي لوا هني من طش عنك الغشاوي يرقد معك بالليل ياروح روحي وانا بقربك يالحبيب شفاوي واللي يجيني منك ترني شفوحي |
يالله ياللي كل حي ٍ يراجيك طالبك تقبل دعوتي يوم أنا اسلك الجود والمعبود والمد بيديك في حكمتك ياربنا تجري الفلك يالله تجعل عملنا دوم يرضيك يالله عفوا رحمتك يوم نقابلك تنحى كثير الطغى والتهاليك يالواحد اللي لك الاعباد والملك يالعبد ربك قادر ٍ معتني فيك وهو اللذي بيديه آجلك وعاجلك رزقك وعمرك محفظه عند واليك الياظهرت من طين واحسن فصايلك وهو اللذي ياراك بإمره يمشيك الواحد اللي حافظك ثم مسجلك خلاقنا من دون ريب ٍ وتشكيك وازيح حلم@@ يوم ضاقت محايلك خلاق بالدنيا لك متاعا ً ملهيك وبالاخره يعرف مصيرك ومنزلك يالعبد ربك عالم ٍ وش جرى فيك واحذر في دنياك تخدع وتجهلك اليارتحت دنياك تكثر بلاويك والياقبلت تجيبها مكرة السلك والياقست لك اطلب الرب ينجيك ولاتفرح ان الله على الناس فظلك وابعد عن الانذال لوهو بناخيك مكار نكار ٍ بالرديه يحاولك اللاش لو يكون من اقرب عوانيك مرافقه ومعاشره دوم بخذلك ماغار دجال ٍ بالنميمات يوديك حكي الردى والعايزه كنها علك لو جيت مع اتلاه ملزوم يوزيك مهما مشيت بخاطره غير يبحلك خلك مع اللي بالمهمه يصافيك قرم ٍ يراعي وين مدن رحايلك ولياغفل عن خاطرك غير يرضيك بالطيب والعفرات دايم يعاملك أن جيت بيته يبتهج ثم يحيك ماهو بخيل ٍ بالوازم يزاولك أسال مجرب والتجاريب تنبيك ينبيك من هو مال به الدهر تلك المتاعب والصعيبات تبكيك بين الحلا والمر يامر ويعذلك وخذ الحذر من وادي ٍ به شرابيك وتجنب اللي خايف ٍ منه يزملك واحفظ لسانك دايم ٍ وامسك بريك وحاسب عن الاجواد وامسك فراملك واطلب وليك عن خطاياك يحميك والله عزيز ٍ عن بلاويك يدخلك والدين خله من مناهج مباديك والدك ثم والدك لوكان يزعلك واتعب على والدك والله يهنيك والله رقيب عن خطاياك يكفلك واتعب على المرجله في مماشيك وخل المراجل ساس منهج عواملك وخل المراجل يافتى من مراميك درب المراجل والعلا مايفشلك وجنب عن اللي لسفاله يوديك وحذراك تجهل والمواجيب تجهلك وقول ابن مهلهل بالمخاليق قاديك والدسم اللي قال قول ٍ يعدلك وقول بركات يعلمك بالتهاليك وقول ابن شايم للمراجل يوهلك وقول السديري للمراجل يعنيك ويمديك باللي جرب البر والهلك وسنع طريقك ياجعل الرب قاديك عسى الولي بالسنع يجزى رحايلك ويالله صلاتك عد ماسال واديك على النبي اعداد مالعبد يسألك شعر / عشيان بن سليمان |
ياراكب ٍ من شركته تو مفكوك سواقها ماهمته درب الأدراك عندك دروس الخارطه يوم مشوك بالبوصله تفهم بها درب ممشاك خوارطن طبلونها تشبه ا سلوك ومحركه زرن على جنب يمناك ماهي تايوتا ولاجمس ٍ ولابيوك البونق صنع المشركه لاعدمناك حديدها من صافي الصلب متروك وعبى المخازن وانتهى عند الوشاك تقلع كما طيرا ً تطلق من شبوك طيرا ً شهر بالجو من عقب مشباك طيارها اقلع من مطار بنكوك وهبط بها بارض أنقره عند الأتراك وغادر مطار أنقره مابه شكوك خطرا ً عليها من الهوا قطع الأسلاك وهد بمطار الجوف والربع حيوك وترتاح من عقب السفر عن نواياك وسلم على اللي يافتى الجود عزوك واشرح لهم ماصار عندك بدنياك وحذر عن بعض العرب لايغروك وترا بعضهم يافتى ماهو شرواك وحذر عن اللي حكيهم بالقفى شوك حذراك عنهم يافتى الجود حذراك وخلك مع الطيب لو الوقت مضنوك اللي ليا صار مصيبة ٍ ماتناساك والناس ترها عموق وكنوز وبنكوك مثل الذهب مايقترب قطع الازناك يوم ٍ يبعد بك عن الانذال ..مبروك خلك مع الطيب اللي ليا ضقت سلاك وجنب عن اللي بالردى يقطع صكوك يمناك ماتجي مثل فعل يسراك نصيحة ٍ لناس ترسم على بوك من مايعرفها ضارب ٍ درب الاهلاك قول بركات الهاشمي مابه شكوك وقول ابن معيتق والجويعان يجزاك وارجوك ياسامع هرجتي ثم أنا أرجوك انك تفكر بالزمن لايتعداك وين الرجال اللي بالإمجاد ربوك فكر وحسب لزمن لايتعشاك وترا الزمن لو طال دايم به ضنوك يديرها رب الملا مدير الفلاك وحافظ على لوازم امك مع ابوك بالحج والغفران والصوم ودعاك وبعد عن اللي بالوازم تناسوك وخلك عزيز الشان من ساس مرباك ورزقك على اللي بيده العرش مسموك رب ٍ رحوم ٍ عن خطاياك ياقاك والحر يخضع ياصار بالحبل مشبوك مايحترك ياصار بالرجل مشباك وجنب مجال الناس لوهم تبلووك والصبر مفتاح الفرج عند مولاك ولاترتخي كانهم على الحق حدوك خلك قوي الباس للي تحداك وقل الصحيح اللي مخاليق سالوك وقلل كثير الهرج ون جيب طرياك وسر القدم ون صار بالقلب داكوك خلك مع البيدا ون القلب شقاك ولي عنالك خله بمنزل أخوك تقضي له اللازم على حد مسعاك واوف الوعد لاصار الصحاب تدعوك الناس بوعدك ياسنافي ترجاك وخلك بشوش ٍ للمسايير ياجوك رحب وقدم للملا حوش يمناك اللي بيتك يافتى الجود زاروك حذرا تلقيهم يافتى الجود علباك تمم الواجب لو الانذال كرهوك من جاك عزه ولي ماجاك ماغلاك يابد عقب القرب والهرج وضحوك لابد يذكر فعلك من بعد فرقاك ان كان فعلك شين بالناس ..ذموك الكل يكره قرب بيتك ومشحاك وان كان فعلك زين بالزين ٍ وزادوك تمشي طويل الراس لو كرهوا اعداك والناس وصلو سطح القمر فوق مكوك لاتراقب المخلوق ناظر للمشاك لاتراقب اللي دونه هلاك وحوك مايلحق الرجلين تضفي من غطاك واحذر تملى بطنك ترا البطن عاروك والبطن مامدح صاحبه لاعدمناك وترا الخوي والجار لوكان سبوك ملزوم ترفي خملته لوهي ياذاك ونفسك تعززها عن الناس ياغووك خلك عزيز النفس واللاش يفداك جميع شين قدم عينيك متروك احذر تهين النفس وابليس غواك عمر الفتى مادام لشيوخ وملوك المال والدنيا والاعمال تقفاك يالله يالي في محارمك لبوك انك تقبل دعوتي واترجاك ترحم ضعوف ٍ خاشعين ٍ ترجوك وانت اللذي تبهج مضلوم ٍ تنصاك وانت الذي بيديك عقد ٍ وفاكوك وانت اللذي ياردت تامر برضواك تغفر لعبد ٍ تحت اوامرك مملوك عبد ٍ عبدك ولالهم رب ٍ حذاك تجعلنا في جنة الخلد ندعوك في جنة الفردوس نطلب ملاقاك وصلاة ربي عد شيكات ببنوك على النبي اعداد ماهلل الاسماك ___شعر: عشيان بن سليمان |
ياشيخ ابن شعلان جيتك من الجوف وجيت الرياض وناصين بيت نواف جيتك مسير يافتى الجود وضيوف وانت اللي مثلك يكرم الضيف ياضاف مع سلام ٍ خاتمه داخل زروف احلى من نقد الذهب عند صراف يابن اللي يزبن يوم على العرب خوف يردها يوم الارياق نشاف يوم النمش والشلف ومطاعن سيوف يثنى وراهم ياجبى كل خواف يخلي خصيمه دايم ٍ يطلب العوف ولصديقه احلى من هواتيف هتاف وانتا يابن شعلان بالفعل معروف حر ٍ مقره في شواهيق مشراف ماتقدم الإ للمسايير خاروف على المعزه والمخدات ولحاف الله يفكك من غضب كل صادوف عساك في دنياك في حيد ورياف اقولها ماشاقني كل هذلوف اللي على الاجواد بالكذب بلاف فعلك مبين نظرة العين مشيوف ماقلتها من شان لي قصد واهداف وصلاة ربي عد ماهب عاصوف على النبي اعداد مامسلمٍ طاف __شعر : عشيان بن سليمان |
ياتركي ابن سعود جيتك زياره ليه مرام بشوفتك يابن الاكرام يامير ياللي ناجبينك زياره زرتك الآن وقبلها زرتك العام معرفة الإجواد ماهي خساره لي الفخر وان سرت يمك بالإقدام يابن اللذي بالطيب تافي شباره سعود الكبير وبالفخر شال الإوسام انتم اعوان الدين وانتم أنصاره ماشين في القرأن في هدي الإسلام وانتم رموز العز وانتم اشعاره يا اهل الصخا والعز ياعز من ضام انتم صقورا ً بالشوامخ أوكاره من رادكم في سوء جعله للإعدام طورتوا السكان بإمن وحضاره المملكه من خيركم كلها انعام صم الصحاري بدلت في أنهاره هذا مشروع وذاك مشروع قدام مزارع وعمران غير التجاره وبل ودواجن غير مشروع الإغنام وهذا مشروع ٍ صادرا ً من الوزاره من غير اللي تنشره صحف الإعلام افعولكم ماتنحصى في جداره من كثرها ماتنحصى بروس الإقلام نطلب من اللي حط مكه مزاره انه يبقيكم طول الإسنين حكام بظل المليك الفهد سرنا مساره وانتم قياد الشعب والشعب حزام وحنا لكم يا امير رهن الاشاره نثبت وفانا عندكم كل الاعوام اقولها من جد ماهي قماره والكذب عيب ولشغاميم مثلام وصلاة ربي عد ما اخضر زهاره على النبي صلاة ربي بالاختام ____________ شعر : عشيان بن سليمان |
سميت باسم اللي عالم خافي الاسرار رب ٍ عزيزا ً كل حي يسيله الواحد المعبود رزاق الاطيار امدبر المعبود باحسن وسيله من بعدها جبت القلم واكتب اشعار اترك هزيل القاف واخذ جزيله عبرت من فكري من القاف وأختار واعرف معاني القاف يوم أن تبيله بكتب سلام ٍمرسله لابن الخيار بانيابتة ً بالقول عن القبيله يستاهل التمديح من يفعل الكار واللى اللخيمه مايجيب النفيله ياشيخ يحشم جنابك عن العار ياعل ايامك يالسنافي نهيله الله يفكك من صواديف الإقدار في جاه رب ٍ فيه حيل وحيله تعيش ياشيخ على الطيب مغوار يمناك بالماجود ماهي بخيله امن الخليفه للمواجيب صبار مثل البليهي كل حمل ٍ يشيله نفخر بعلمك يابو محمد بالاذكار بالذكر واللى ماقدرنا نجيله تقبلوا سلامنا بالوفا حار سلام مني عد وبل المخيله واعداد مالفوا من البعد زوار وعدد طلوع الصبح وعداد ليله وعداد ماينبت من العشب نوار وعداد حي ٍ فارح ٍ في خليله حيثك عزيز وعارف كل معبار شيخ مجرب والفعايل جليله ماهي غريبه حشمة الضيف والجار حيث انت ياحمد من رجال ٍ شكيله من لابتن سكانها بخمس الاقطار ومن وائل الكبرى حماك الدبيله والخاتمه ياشيخ نطلبك الاعذار وارجي السموحه كان بالهرج ميله وصلاة ربي عد ماهلت امطار على النبي اعداد حب وقصيله ____ شعر : عشيان بن سليمان |
يامرحبا أعداد نقد الفلوسي ترحيبت ً ماتنحصي بالقياسي أعداد خلق الله ورمل الطعوسي واعداد جبال ٍ شامخات ٍ بالرواسي حييت ياسايق جديد الجموسي من زارنا مانرجعه بالفلاسي ريض وتقهووا واشرب بن محموسي ومفطح ٍ عمره بوقم الخماسي وبعد ذالك ياطرت النحوسي خذ الكتاب ومحضره من حواسي حضرت قاف ٍ مالقي به أدنوسي قيفان أحممها من انتاج راسي عطه العصيمي لاتجيه أهجوسي وقله ترا عشيان زاد أحتماسي وأن كان جسمه ناحلن تقل قوسي راع الهوى دايم كثير أنهماسي وأن كان شوقك حال دونه أنجوسي أنحال دونه معيزل العين ناسي القاز يعبأ المتين الضروسي يشيلة المقلاع لو الضرس قاسي نركب عليهم طائره صنع روسي ما تحمل الإ اربعه بالكراسي سواقها جنسيته أندنوسي وملاحها ومعاونه والسياسي نعمل لهم يوم ٍ كدور عبوسي يوم ٍ يشيب حاضرين المحاسي وأن كان ابوها قانعن بالفلوسي نعطيه من العمله كثير الكياسي وأفطن ترا بعض العذارا تجوسي مثل الذهب مايقترب لنحاسي _________ شعر : عشيان بن سليمان |
حييت ياسلطان بجمل تحيات يازايرٍ وهل البلد رحبوبه تحيتٍ احلى من صرف الجنيهات واحلى من ريح النفل بارطوبه الجوف لبست كل عز وزينات تقل هنوفٍ في زمان الخطوبه من اقصى الشمال الى الحفرللقريات متواجدين وفيك نالو اعجوبه حيثك امير للفضى انت بالذات بذلت نفسك للخطر والصعوبه بدسكفري نلتو بعيد المسافات سبعة ايامٍ يالامير محسوبه وثلاث اقمار اطلقتها مع عرب سات فوق الكواكب يوم طارت تيوبه زوتنا بعلم وزود الاتصالات ردت الفضى يامير واضهر غيوبه انت اللي تدحم للدروب الصعيبات يارائدٍ شلت الفخر للعروبه من فيه غيرك بالفضا له شهادات بين العرب واسلامها ماحكوبه ماقيل هذا بالفضى له سجلات من مشرق شمس الضحى ليا غروبه ياعالمٍ جبت العلوم الغريبات بينت شي للعرب مادروبه الصحف تشهد فعلكم والمجلات وهذا الصحيح الي العباد شهدوبه العلم يحقق للبشر كل خيرات وللا الجهل مافيه غير العقوبه والعلم يفتح للشعوب الطموحات تفتح ابواب مغلقه في دروبه وفهد ملكنا نشكره كل الاوقات مليكنا ياعز من اعتزوبه مليكنا مقدامنا بالمهمات العز طبعه والمكارم اسلوبه ولي العهد راعي الصخى والمروات وسلطان قرمٍ بالوازم ينوبه ونايف على اسمه نايف بالجمالات وسلمان يفرح عانين لجوبه حكام نجد يوم دور الاصيلات شرق وشمال وغرب بويضا جنوبه عبد العزيز اللي مشى بهدي ايات داس الرواسي وخضعت له اهضوبه اسس قواعدها ورسى البنايات وزال الضلاله والجهل والحزوبه صم الصحاري بدلت بالجنينات والبنك يعطي والفلل شيدوبه المملكه صارت نعامٍ وخيرات مثل المنيحه كل يوم حلوبه عبد العزيز اللي فعوله عضيمات خلف رجال ٍ مامشابه مشوبه عساه يجزى بالجنان النعيمات في جنة الفردوس تمحى ذنوبه اقولها من صدق ماهي دعايات والعالم الله قابل كل توبه والخاتمه يا امير ارجو السموحات كاني مقصر بالكلام اسمحوبه فرحتنا واسعدتنا بالزيارات وشوفك سعيدٍ والحضور اسعدوبه واختامها على النبي بالصلاواة اعداد سحبٍ سايقتها هبوبه ________ شعر عشيان بنت سليمان |
يوم الخمشه على الحفله دعوني ركبت جيبي وأمتطيته مع القار ماني على جمع الرفاقه مهوني ولاهمني بعد المسافه والأمتار ياحل وقت اللازمهواندبوني لي الشرف لاجيت لطوال الاشبار وشلون ماجي ناس بالجوف جوني قررت انا امشي يمهم مابها اعذار ماهي غريبه تيتي واسمعوني وايل جمعنا في قديمات الادوار ياما حضروا في كل هيه وكوني يشهد لنا التاريخ في حرب ذي قار عبدالمجيد العام فك السجوني جابوا اموال ٍ ماتعدد بقنطار من عقب ماشاف العنا والغبوني فكوه ذربين اليماني والاشوار وقت اللزوم عيال وايل يجوني لو انهم شتان في خمس الاقطار اهل الظعنه محتمين ٍ الطعوني مضرب مثل بين القبايل لهم صار والله يعز اللي للإسلام عوني ملكنا ابو متعب لنا والد ٍ بار وسلطان يوم بعودته بشرونه ولي عهد للوطن درع وستار يحمي وطنا من جميع الركوني عن المكيد وكيد مشرك وغدار يحمود حنا على الطيب نموني والحر مثلك دوم يفهم بالإشار شرواك عندي للمراجل زبوني من شانكم شاركت من ضمن شعار والمعذره عن الخطا وسامحوني حيث القبايل كلهم خير وخيار قلت الصمايل يوم هاضت شجوني واخذت معكم عبر الايام تذكار وانا احمد الله ضافيات ٍ ردوني ربعي اهل العليا على الكود صبار وصلاة ربي عد هل المزوني على النبي اعداد ماهلت أمطار _____________ عشيان بن سليمان |
بعت الغنم ونويت ياعلها خير ونشري من الإبل حيث في قنيها عز هنف الخشوم مغرزات المواخير طفح الضلوع وسنمهن قعسا ً غز وأخترت من نوع البكار المغاتير مثل البرد ياهل مزنه وركز وليا ذكر لي خايعا ً به نواوير والكل ناوي لربيع وتجهز ندبتهن ثم روح ٍ لي دعاثير كنه وراهن واحد لزها لز وأخذ أياما ً بالفياض المخاضير والجيب عندي باللوازم مجهز ندله بها مع ربعنا والمسايير والعمر فاني والليالي تعجز ابعد عن اسواق البلد بالمشاوير ولاننزل إلا يابغينا نتعوز _______ شعر عشيان بن سليمان |
ياميرنا جينا على عهدنا الماضي مجددين العهد يا امير ونصونه الكل منا قال في حكمكم راضي يستنكر الارهاب شكله ومضمونه الدوله اللي حطة الشرع له قاضي ربي حماها وزمرت ابليس ملعونه من خان كل المشكلة عنه تنباضي ومن جنب الواقع على الحق يقدونه له زمهرير الموقده ينجظ انجاضي مخاطرا ً شقرا ً على النار مركونه ياعاد انا بنعمه وخيارات وحفاضي وحكومتن من لاذ فيهم يعزونه من غيرهم من ريد بالحكم نعتاضي حنا معاهم والوطن نحمي ركونه شله اللي بقلوبهم حسد ومراضي مهما عملوا بالوطن مايهزونه والخاتمه يا امير ماجيت عراضي نظهر ولانا ونمشي اللي ماتريدونه واقبل تحية عد مابارق ً ناضي تحية مني لها الود مقرونه وصلاة ربي عد فيض ليا فاضي غيث ً من الغربي تنثر من امزونه ___________ شعر : عشيان بن سليمان |
قالوا اخبارك قلت ماعندي اخبار تسمع لإخبار العرب بالجزيره تابع قناة الفضاء عبر الإقمار ناس ٍ تسوي من الصغيره كبيره وناس ٍ عليها حظر جوي مع حصار وناس ٍ مايدرى وين مطرح مصيره مشاكل ٍ مابين ريس وثوار واللي توعد واللي حشد المسيره ماهي حروب ٍ بين مسلم وكفار مسلم ويذبح مسلم ٍ بالظهيره مصايب ٍ عمت بها كل الإقطار فتنه وصّل شرها بكل ديره والمستفيد الغرب من كل ماصار يجي بسلاح وطيران وذخيره يعبث بديار العرب سّر وجهار خطه مرسومه والصليبي يديره وعدو جدك مايجي صاحب ٍ بار والقدس مبطي في يديهم إسيره وشلون نرضى بالخطا وذبح الإحرار ويش اللي بقى عندنا نستشيره وحنا عرب ننهج على نهج الإخيار بيننا عهود ومواثيق ٍ كثيره ياناس عيب ٍ وياعرب بصمة ٍ عار وإيمان تصرخ بالدموع الغزيره مثل اللي يشكي من اهل الغار والنار يالله دخيلك عن إعماة البصيره خوذو من القرآن حكمه وتعبار ونهج الرسول وسيرته وتعبيره وإطلبك يالله تحمي الدين والدار وتحمي ملكنا من وجيه الشريره وتفكنا من شر حاسد وغدار بظل إبومتعب قايد ٍ للمسيره إقولها وصلوا على سيد الإبرار يالله تجعل بإخر الإمر خيره |
| الساعة الآن 06:47 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd